Yema Cuáü̃ nüxü̃ dauxü̃ i yixcüra tá ngupetüxü̃chiga 7:1 - Tupanaarü Ore

¹ Rü yemawena rü nüxü̃ chadau ga ãgümücü ga Tupanaarü orearü ngeruü̃gü ga daxũcüã̱x ga ñoma ga naanearü ãgümücüpe̱xegu chigüxü̃. Rü ínanapoxü̃gü ga gumá ãgümücü ga buanecügü nax tama waixü̃müétügu, rü tama márétügu, rü bai i wüxi i naiétügu naxüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:1 Referans Kwoze

Ore i mexü̃ ga Matéu ümatüxü̃ 24:31

Rü nüma rü tá nanamu i norü orearü ngeruü̃gü i daxũcüã̱x nax yacuegüãxü̃ca̱x ya norü cornétagü nax ngẽmaãcü naxĩtaque̱xexẽẽãxü̃ca̱x i guxü̃ma i ngẽma duü̃xü̃gü i nadexü̃ i guxü̃wama ngẽxmagüxü̃ ñu̱xmata naane iyacuáxü̃wa ngẽxmagüxü̃.

Danié 7:2

—Chaunegüwa nüxü̃ chadau ga buanecügü ga súrwa rü nórtewa rü éstewa rü oéstewa ne ĩcü rü poraãcü nayuapexẽẽcü ga már ga taxü̃.

Yeremía 49:36

Rü Eráü̃arü duü̃xü̃güca̱x tá íchanangugüxẽxẽ i norü uanügü i ñoma buanecügü ya guxü̃cüwawa ne ĩcürüxü̃. Rü ngẽmaãcü guxü̃ i nachixü̃anegügu tá chanawoonexẽxẽ i ngẽma Eráü̃tanüxü̃. Rü ngẽmaãcü guxü̃ i nachixü̃anegu tá nawoonemare.

Ore i mexü̃ ga Márcu ümatüxü̃ 13:27

Rü tá nanamu i norü orearü ngeruü̃gü i daxũcüã̱x nax tüxü̃ nanutaque̱xexü̃ca̱x ya yíxema Tupana tüxü̃ idexechixe ya guxü̃wama ngẽxmagüxe ñu̱xmatáta ñoma i naane íyacuáxü̃wa nangu rü daxũguxü̃ íyacuáxü̃wa nangu.

Danié 8:8

Rü yema chíbu rü yexeraãcü niporachigü. Natürü yema ngunexü̃ ga yexera nagu naporaxü̃gu rü nibüye ga guma naxchata̱xcure ga taxü̃ne ga namaxã naporane. Rü gumachicawa inarüyi ga ãgümücü ga naxchata̱xcuregü. Rü wüxi rü nórteguama natoenü, rü nai i súrgu, rü nai i éstegu rü nai i oéstegu.

Echequié 37:9

Rü yexguma ga nüma ga Cori ya Tupana rü ñanagürü choxü̃: —¡Chauégagu naxca̱x naca ya buanecü i maxü̃ nawa ngẽxmacü, rü ñacuxü̃ tá nüxü̃! “Pa Buanecü i Guxü̃cüwawa ne Ũcüx, ¡rü nua naxũ nax cunamaxẽxẽxẽxü̃ca̱x i ñaa naxü̃negü i yuexü̃!” —ñanagürü ga Cori ya Tupana.

Ichaía 27:8

Rü aixcüma nixĩ nax Iraétanüxü̃xü̃ napoxcuxü̃ ga Tupana, rü wüxi ga norü cue ga ãũcümaxü̃maxã ínanawoxü̃ ga norü naanewa rü to ga nachixü̃anewa nanamugü. Rü yema norü cue, rü ñoma buanecü ya éstewaama ne ũcürüxü̃ nixĩ nax naporaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:14

Rü yema naga rü nanamu ga yema orearü ngeruxü̃ ga cornétaã́xü̃, rü ñanagürü nüxü̃: “¡Yawẽgüxü̃ i ngẽma ãgümücü i orearü ngeruü̃gü i daxũcüã̱x i taxtü i Eufrátegu ngãxü̃güxü̃!” ñanagürü.

Ichaía 11:12

Rü nüma ya Cori rü guxü̃ i nachixü̃anegüxü̃ tá nüxü̃ nadauxẽxẽ i wüxi i cua̱xruxü̃. Rü tá nanangutaque̱xexẽxẽ i ngẽma Iraétanüxü̃ i woonexü̃. Rü naanearü guxü̃wama tá ne nanagagü nax nanutaque̱xeãxü̃ i ngẽma duü̃xü̃gu i Yudáanecüã̱x ga woonemarexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:3

Rü ñanagürü nüxü̃: “¡Taxṹ i yatacüma penachixexẽẽxü̃ i waixü̃mü rü ngẽma már rü naigü, ñu̱xmatáta yacanacatügü i ngẽma Tupanaarü duü̃xü̃gü ixĩgüxü̃!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:4

Rü yema munümaxã nüxü̃ nixu nax tama natüanexü̃ nachixexẽẽxü̃ca̱x rü bai i ta̱xacürü nanetügü rü bai i ta̱xacürü naigü. Natürü nanamu nax nachixexẽẽgüãxü̃ca̱x ga yema duü̃xü̃gü ga tama Tupanaarü cáxnacatü nüxü̃́ yexmaxü̃.

Chacaría 6:1

Rü wena chango̱xetü rü nüxü̃ chadau ga ãgümücü ga carugü ga daiweü̃ ixĩgüne. Rü guma carugü rü taxre ga ma̱xpǘnegü ga bróũchenaxca̱xarü ngãxü̃wa nangóe.

Yoná 1:4

Natürü nüma ga Cori ya Tupana rü wüxi ga buanecü ga tacü inanaxǘxẽxẽ ga yexguma már arü ngãxü̃tüwa nanguxgu. Rü guma wapuru rü ñoma yapuxchaü̃xü̃rüxü̃ nixĩ, yerü nataxüchi ga yuape.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:6

Rü nüxü̃ chaxĩnü ga wüxi ga naga ga yema daxũcüã̱x ga maxẽxü̃arü ngãxü̃tanüwa inaxũxü̃ ga ñaxü̃: “Wüxi i ngunexü̃arü puracütanü rü naxãtanü i wüxi i quíru i trigu Rü wüxi i ngunexü̃arü puracütanü naxãtanü i tomaepü̱x i quíru i chebáda. ¡Natürü taxṹ i cunatatanümaexü̃ i ngẽma chíxü̃ rü yimá bínu!” ñanagürü.

Ichaía 27:3

Rü choma ya Cori ya Tupana nixĩ i guxü̃guma nüxna chadauxü̃ i ngẽma Iraétanüxü̃ ñoma úbanecü dexámaxã imegüxü̃rüxü̃. Rü ngunecü rü chütacü nüxna chadau nax taxúema nachixexẽẽxü̃ca̱x.

Danié 11:4

Natürü ngẽxguma yanguxgu nax naxme̱xwa nangẽxmagüxü̃ i ngẽma nachixü̃anegü, rü ãgümücügu tá niyauxye i ngẽma norü naane. Rü ngẽma ãẽ̱xgacüarü pora rü taxũtáma nanegüwa nangu. Rü ngẽma norü nachixü̃ane rü taxũtáma noxrirüxü̃ napora, erü marü ãgümücügu tá niyauxye rü togü tá nachicüxü namaxã inacua̱xgü.

Chacaría 6:5

Rü yexguma nüma ga yema Tupanaarü orearü ngeruxü̃ i daxũcüã̱x rü choxü̃ nangãxü̃ rü ñanagürü: —Yima carugü rü nachiga nixĩ ya yimá ãgümücü ya buanecügü ya Cori ya Tupana ya guxü̃ma i ñoma i naanearü yorape̱xewa ixĩãchicü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:7

Rü yema nape̱xewa yexmaxü̃ ga Tupanaarü orearü ngeruxü̃ rü nüxíra nayacue ga norü cornéta. Rü yexgumatama ñoma ga naaneétügu narüyi ga gáuxü̃pütagü rü üxüẽma ga nagümaxã ãéü̃xü̃. Rü wüxi ga yema norü tomaepü̱xarü üye ga naane rü nixa. Rü yexgumarüxü̃ ta wüxi ga yema norü tomaepü̱xarü üye ga naixnecü rü nixa. Rü guxü̃ma ga natüane rü nixae.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:8

Rü nüma i Chataná rü tá ínaxũxũ nax yawomüxẽẽãxü̃ca̱x i guxü̃ma i nachixü̃anegü i ñoma i naanewa ngẽxmagüxü̃. Rü tá nanawomüxẽxẽ i Góx rü Magóx nax ngẽmagüxü̃ namuxü̃ca̱x nax nanutaque̱xeãxü̃ca̱x i norü churaragü nax nügü nada̱i̱xü̃ca̱x. Rü ngẽma norü churaragü, rü ñoma márcutüarü naxnecüchicute̱xerüxü̃ namuxũchi.