Yema Cuáü̃ nüxü̃ dauxü̃ i yixcüra tá ngupetüxü̃chiga 6:14 - Tupanaarü Ore

¹⁴ Rü guxü̃ma i daxũwa nüxü̃ idauxü̃ rü inayarütaxu. Rü ñoma wüxi i popera i dixcumüãchixü̃rüxü̃ inayarütaxu. Rü guxü̃nema ga guma ma̱xpǘnegü rü yema capaxũgü rü nixĩgachi ga nachicawa.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:14 Referans Kwoze

Ichaía 34:4

Rü yimá üa̱xcü rü tauemacü rü ẽxtagü rü tá inadexgü. Rü ngẽma ya̱u̱xtüweanexü̃ rü ñoma wüxi i poperarüxü̃ tá nadixcumü. Rü yima ẽxtagü rü tá narüyi. Rü ñoma úbaatügü i paxü̃ rüyi̱xü̃rüxü̃ tá nixĩgü. Rü ngẽma iguatügü i paxü̃ rüyi̱xü̃rüxü̃ tá nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:20

Rü guxü̃ma ga capaxũgü rü guxü̃nema ga ma̱xpǘnegü, rü inayarüxogü.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Wiyaegü 102:26

Rü guxü̃ma i ngẽma rü tá inayarüxo, natürü i cuma rü guxü̃gutáma cunaxa̱i̱xrügumaraxü̃. Rü ñoma i naane rü ngẽma dauxü̃wa nüxü̃ idauxü̃ rü wüxi i naxchirurüxü̃ tá nangau. Rü cuma rü tá cunaxüchicüxü rü ñoma wüxi i duü̃xü̃ i naxchiru i ngauxü̃ ítáxü̃ rü ngexwaca̱xü̃xü̃ i naxchirugu icúxü̃rüxü̃ tá nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Echequié 38:20

Rü ngẽma ngunexü̃gu rü ngẽma choxnigü i márwa ngẽxmagüxü̃, rü werigü i dauxü̃wa ngẽxmagüxü̃, rü naeü̃gü i düraexü̃, rü naeü̃gü i waixü̃müanegu nügü itúgüxü̃ rü tá chope̱xewa nidu̱xruxe. Rü ngẽxgumarüxü̃ ta i guxü̃ma i duü̃xü̃gü i ñoma i naanecüã̱xgü rü tá chope̱xewa nidu̱xruxe. Rü yima ma̱xpǘnegü rü tá nabu, rü yima nutagü rü tá nidigü. Rü guxü̃ma i ngẽma ĩanegüarü poxeguxü̃gü rü tá niwa̱xgü.

Ichaía 54:10

Rü woo yima ma̱xpǘnegü ixĩgachigu rü yima ma̱xpǘnegü rümáchanemaegüne rü yawa̱xgügux, Pa Yerucharéü̃x, natürü ngẽma chorü ngechaü̃ cuxca̱x rü tagutáma naxüchicüxü. Rü chorü uneta ga curü duü̃xü̃gümaxã nüxü̃ chixuxü̃ nax namaxã charüngüxmüxü̃ rü tagutáma nüxü̃ charüngüma —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:1

Rü yemawena nüxü̃ chadau nax nayexwaca̱xü̃xü̃ ga ñoma ga naane rü nayexwaca̱xü̃xü̃ ga guxü̃ma ga ta̱xacü ga daxũwa yexmagüxü̃. Yerü yema nüxíra yexmagüxü̃ rü marü nangupetü, rü yema már rü marü nataxuma.

Abacú 3:6

Rü ngẽxguma iyachiãchigu ya nüma ya Tupana, rü ñoma i naane rü nidu̱xruane. Rü ngẽxguma ñoma i naanegu nadawenügu rü ngẽma nachixü̃anegü rü naxĩã̱xãchigü, rü yima nũxcümaü̃güne ya ma̱xpǘnegü rü nabu rü nangĩãchi. Natürü ngẽma Cori ya Tupana nagu rüxĩnüxü̃ rü taguma inarüxo.

Naúü̃ 1:5

Rü yima ma̱xpǘnegü rü na̱xcha̱xwa nidu̱xrugü rü nape̱xewa inagü. Rü guxü̃ma i ñoma i naane rü guxü̃ma i duü̃xü̃gü i nawa maxẽxü̃ rü nape̱xewa niyoyogü norü muü̃maxã.

Yeremía 51:25

Pa Babiróniax, choma rü cumaxã charüxuanü i cumax nax poraãcü chixexü̃ cuxüxü̃ nawa i guxü̃ma i nachixü̃anegü. Rü choma ya Cori ya Tupana nixĩ i ngẽma ñachaxü̃. Rü ñu̱xma rü tá aixcüma cuxü̃ chapoxcu. Rü woo ñoma wüxi i ma̱xpǘnerüxü̃ nax quixĩxü̃, rü choma rü tá ngéma cuxü̃ charüdixẽxẽ. Rü ñoma wüxi i ma̱xpǘne ya ixaxü̃nerüxü̃ tá cuxü̃ chixĩxẽxẽ.

Abacú 3:10

Rü ngẽxguma cuxü̃ nadaugügu ya ma̱xpǘnegü rü nidu̱xruxe. Rü dauxü̃guxü̃ i naanewa rü tacü ya pucü narüngu. Rü ngẽma már i mátamaxü̃ rü poraãcü naxãũgaãchi namaxã ya norü yuape ya tacü.

Yeremía 3:23

Rü ngẽma Iraétanüxü̃ rü ñanagürügü: —Taxuwama toxü̃́ name nax ngüchitaerugüxü̃wa taxĩxü̃ rü ma̱xpǘnegüwa tayaxãũgatanüxü̃, erü cumax, Pa Torü Cori ya Tupanax, rü cuxicatama nixĩ i toxü̃ ícupoxü̃xü̃ nüxna i torü uanügü.