—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.
Yema Cuáü̃ nüxü̃ dauxü̃ i yixcüra tá ngupetüxü̃chiga 5:6 - Tupanaarü Ore6 Rü ñu̱xũchi nüxü̃ chadau ga wüxi ga Carnéruxacü ga ma̱xwa írüdaxü̃ ga yexma chixü̃ naxü̃tagu ga gumá tochicaxü̃wa rütocü rü norü ngãxü̃tanügu ga yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü nüxü̃́ nayexma ga 7 ga naxchata̱xcu̱xre rü 7 ga naxetü. Rü gumá 7 ga naxetü rü ngẽma nixĩ i ngẽma 7 i Tupanaãxẽ ya Üünecü i guxü̃wama i ñoma i naanewa namugüxü̃. Gade chapit la |
Yema Cuáü̃ nüxü̃ dauxü̃ i yixcüra tá ngupetüxü̃chiga 5:6
35 Referans Kwoze
Rü tagaãcü ñanagürügü: “Yimá Carnéru ga pecaduarü ütanüca̱x yucü rü yimá nixĩ yamecü nax guxü̃arü ãẽ̱xgacü yixĩxü̃, rü guxü̃arü yora yixĩxü̃. Rü name nax guxü̃ i cua̱x nüxü̃́ ngẽxmaxü̃, rü guxü̃arü yexera naporaxü̃. Rü nüma nixĩ i namexü̃ nax guxãma nüxü̃ ngechaü̃güxü̃ rü nataxẽẽgüxü̃ rü nüxü̃ icua̱xüü̃güxü̃”, ñanagürügü.
Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.
Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.
Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.
Rü nüma ya Cori ya Tupana rü tá nanadai i norü uanügü. Rü daxũguxü̃ i naanewa tá naxca̱x ne nanamu ya tagaxü̃ ga duruanexü̃. Rü nüma ya Cori ya Tupana rü tá nüxna naca i norü maxü̃chiga i guxü̃ma i duü̃xü̃gü i ñoma i naanewa maxẽxü̃. Rü tá pora nüxna naxã ya yimá ãẽ̱xgacü ya nüma nüxü̃ naxunetacü, rü tá yexeraãcü nayaporachigüxẽxẽ —ngĩgürügü.
¡Inachi rü nadai, Pa Ĩane ya Chióü̃x! Erü choma ya Cori ya Tupana rü ñachagürü: —Choma rü tá cuxna chanaxã i pora nax ñoma wüxi i woca i yatüxü̃ i fierumaxã ãxchata̱xcurexü̃ rü bróũchemaxã ixãpatüxü̃rüxü̃ cunada̱i̱xü̃ca̱x i muxü̃ma i duü̃xü̃gü. Cuma rü tá nüxna cunapuxü̃ i ngẽma norü ngẽmaxü̃gü i chixexü̃wa nayauxgüxü̃, rü ñu̱xũchi tá choxna cunana i choma nax guxü̃ i naanemaxã ichacuáxü̃ —ñachagürü i choma ya Cori ya Tupana.
Rü yema ãgümücü ga daxũcüã̱x ga maxẽxü̃, rü wüxichigü nüxü̃́ nayexma ga 6 ga naxpe̱xatügü. Rü guxü̃wama ga naxpe̱xátüétüwa rü naxpe̱xátütüü̃wa rü namuxetü. Rü ngunecü rü chütacü rü ñanagürügüecha: “Naxüüne, naxüüne, naxüüne nixĩ ya tórü Cori ya Tupana ya Guxü̃étüwa Ngẽxmacü rü Woetama Yexmacü rü Ñu̱xma Ngẽxmacü rü Guxü̃gutáma Ngẽxmacü”, ñanagürügüecha.
Rü yemawena ichadawenü, rü nüxü̃ chaxĩnü ga naga ga muxũchixü̃ma ga Tupanaarü orearü ngeruü̃gü ga daxũcüã̱x. Rü norü ngãxü̃wa nayexma ga yema tochicaxü̃ rü yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü. Rü namuxũchima ga yema Tupanaarü orearü ngeruü̃gü ga daxũcüã̱x ga yéma yexmagüxü̃.
Rü nüxü̃ chaxĩnü ta ga naga ga guxü̃ma i ta̱xacü i maxü̃xü̃ i daxũguxü̃ i naanewa rü ñoma i naanewa rü naanetüü̃wa rü márwa ngẽxmagüxü̃ ga ñagüxü̃: “Name nixĩ nax guxü̃gutáma guxãma nüxü̃ icua̱xüü̃güxü̃ rü nüxü̃ ngechaü̃güxü̃ rü nataxẽẽgüxü̃ ya yimá Carnéruxacü rü yimá tochicaxü̃wa rütocü”, ñanagürügü.
Piblisite