Biblia Todo Logo
Bib sou entènèt

- Piblisite -




Yema Cuáü̃ nüxü̃ dauxü̃ i yixcüra tá ngupetüxü̃chiga 3:7 - Tupanaarü Ore

7 Rü yema chomaxã idexaxü̃ rü ñanagürü ta: “Chanaxwa̱xe i Filadélfiawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá Üünecü ya aixcüma Cristu ixĩcü. Rü nüma rü ãẽ̱xgacü ya Dabírüxü̃ poracü nixĩ. Rü nüxü̃́ nangẽxma i pora nax yawãxnaãxü̃ca̱x rü nawãxtaãxü̃ca̱x. Rü ngẽxguma texéca̱x yawãxnaãgu, rü taxucürüwama texé tümacha̱xwa tanawãxta. Rü ngẽxguma texécha̱xwa nawãxtaãgu, rü taxucürüwa texé tümaca̱x tayawãxna’.

Gade chapit la Kopi




Yema Cuáü̃ nüxü̃ dauxü̃ i yixcüra tá ngupetüxü̃chiga 3:7
38 Referans Kwoze  

Rü naxme̱xgu tá chanaxǘ ya Dabípataarü chawi i wãxnaruxü̃. Rü ngẽma nüma yawãxnaxü̃ rü taxúetama tanawãxta. Rü ngẽma nüma nawãxtaxü̃ rü marü taxúetama texé tayawãxna.


Rü choma rü tá cuxna chanaxã i pora nax chorü duü̃xü̃gümaxã icucuáxü̃ca̱x ya Tupana ãẽ̱xgacü ixĩxü̃wa. Rü yíxema tama cuxü̃́ irüxĩnüxe i ñoma i naanewa rü taxũtáma Tupana ãẽ̱xgacü ixĩxü̃wa tichocu. Natürü yíxema cuxü̃́ irüxĩnüxe i ñoma i naanewa rü Tupana ãẽ̱xgacü ixĩxü̃wa tá tangugü —ñanagürü.


Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.


Rü ngẽma Tupana nagu pogüxü̃ rü taxúetama wena tanamexẽxẽ. Rü ñu̱xũchi ngẽma Tupana poxcuxü̃ rü taxúetama wena ítananguxuchixẽxẽ.


Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.


Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.


Rü nüma rü wüxi ya ãẽ̱xgacü ya tachigacü tá nixĩ. Rü Tupana ya Guxü̃étüwa Ngẽxmacü Nane tá nixĩ i naéga. Rü Cori ya Tupana rü tá norü o̱xi ga Dabírüxü̃ ãẽ̱xgacüxü̃ nayaxĩxẽxẽ.


Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.


Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.


Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.


Rü yema chomaxã idexaxü̃ rü ñanagürü ta: “Chanaxwa̱xe i Laodichéawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü rü ñacurügü tá: ‘Ñaa nixĩ i norü ore ya yimá aixcüma ixĩcü. Rü nüma nixĩ i nüxü̃ yaxuxü̃ i ore i aixcüma ixĩxü̃ rü inaxügüxü̃ ga guxü̃ma ga yema Tupana üxü̃’.


Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.


Pema rü tama penaxwa̱xe nax ínanguxuchixü̃ ga gumá Üünecü ga aixcüma mecü ga Ngechuchu, natürü naxca̱x ípeca nax pexca̱x ínanguxuchixẽẽãxü̃ca̱x ga wüxi ga máẽtaxü̃.


Rü ñoma i naane rü ngẽma daxũwa nüxü̃ idauxü̃ rü tá nagu̱x. Natürü chorü ore rü tagutáma inayarüxo rü aixcüma tá ningu.


Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.


—¡Toxna ixũgachi! ¿Tü̱xcüü̃ totanüwa cuxũ, Pa Ngechuchux, Pa Nacharétucüã̱x? ¿Nua cuxũ nax toxü̃ cuda̱i̱xü̃ca̱x? Choma cuxü̃ chacua̱x nax Tupana Nane ya Üünecü nax quixĩxü̃ —ñanagürü.


Rü pemax, Pa Iraéanecüã̱xgüx, rü tá naxca̱x pengẽma i togü i nachixü̃anecüã̱xgü i tama pexü̃ cuáxü̃. Rü nümagü rü tá paxaãẽãcü pexca̱x naxĩ, erü choma i perü Tupana ya Üünecü rü guxü̃ma i ngẽma nachixü̃anegüétüwa pexü̃ changexmagüxẽxẽ —ñanagürü ya Cori ya Tupana.


Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.


Rü nüma ya Iraétanüxü̃arü Tupana ya Üünecü ya nüxü̃ rüngü̃xẽẽcü rü ñanagürü ta: —Pa Iraétanüxü̃x, ñu̱xma rü ngẽma togü i nachixü̃anecüã̱xgü rü poraãcü pexü̃ nacugüe, rü pexchi naxaie rü nügüme̱xẽwa penangexmagüxẽxẽ rü norü ãẽ̱xgacügüarü puracütanüxü̃ pixĩgü. Natürü wüxi i ngunexü̃ rü wenatáxarü peporae rü ngẽxguma pexü̃ nadaugügu i ngẽma togü i nachixü̃anegüarü ãẽ̱xgacügü rü pepe̱xegu tá nacaxã́pü̱xügü erü choma ya perü Tupana ya üünecü nax chixĩxü̃ rü pexü̃ chaxuneta nax chorü duü̃xü̃gü pixĩgüxü̃ca̱x. Rü choma rü guxü̃guma chayanguxẽxẽ i ngẽma nüxü̃ chixuxü̃ —ñanagürü.


Rü choma ya Iraétanüxü̃arü Tupana ya Üünecü ya perü ngü̃xẽẽruxü̃ ixĩcü rü ñachagürü: —Pa Iraétanüxü̃x, choma nixĩ i perü Tupana chixĩxü̃, rü choma rü pexü̃ changúexẽxẽ i ngẽma pexü̃́ mexü̃, rü pemaxã nüxü̃ chixu i ngẽma chanaxwa̱xexü̃ nax penaxüxü̃.


Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.


Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.


Rü nüma ya Cori rü guxü̃ma i ngẽma nagu naxĩnüxü̃wa rü aixcüma nawe̱xgu. Rü guxü̃ma i ngẽma naxüxü̃wa rü namecüma.


Rü nüma ya Cori rü tórü poxü̃ruxü̃ nixĩ. Rü nüma nixĩ i tórü ãẽ̱xgacü ya üünecü i yixema i Iraétanüxü̃ nax ixĩgüxü̃.


Rü ngẽxguma chi Tupana nua ũxgu rü chi cuxü̃ napoxcugu rü cuxna nacagu i curü maxü̃chiga, ¿rü texé tá ítayachaxãchixẽxẽ?


Rü gumá yema tochicaxü̃wa rütocü rü ñanagürü: “Dücax, choma rü chanangexwacaxü̃xẽxẽ i guxü̃ma i ta̱xacü i ngẽxmaxü̃”, ñanagürü. Rü ñu̱xũchi ñanagürü ta: “¡Naxümatü i ñaa ore! Erü ñaa ore rü aixcüma nixĩ, rü ñaa nixĩ i ore i mexü̃ nax yaxõxü̃”, ñanagürü.


Rü nüma rü tama inatü ega texémaxã poxcu naxueguxgu. Rü ngẽmaca̱x marü nanapoxcu ya yima ĩane ya taxü̃ne ya norü chixexü̃maxã nachixexẽẽgüxü̃ i guxü̃ma i ñoma i naanecüã̱x i duü̃xü̃gü. Rü ñu̱xma ya Tupana rü norü duü̃xü̃güxü̃ naxütanü rü yima ĩanexü̃ napoxcu nagagu nax norü duü̃xü̃güxü̃ nada̱i̱xü̃”, ñanagürügü.


Rü nüxü̃ chaxĩnü ga wüxi ga naga ga yema ãmarearü guruü̃wa ínaxũxü̃ ga ñaxü̃: “Ngü̃, Pa Cori ya Tupana ya Guxü̃étüwa Ngẽxmaxex, aixcüma nixĩ i namexü̃ i ngẽma nagu curüxĩnüxü̃ rü ngẽma cuxüxü̃”, ñaxü̃.


Rü yema ãgümücü ga daxũcüã̱x ga maxẽxü̃, rü wüxichigü nüxü̃́ nayexma ga 6 ga naxpe̱xatügü. Rü guxü̃wama ga naxpe̱xátüétüwa rü naxpe̱xátütüü̃wa rü namuxetü. Rü ngunecü rü chütacü rü ñanagürügüecha: “Naxüüne, naxüüne, naxüüne nixĩ ya tórü Cori ya Tupana ya Guxü̃étüwa Ngẽxmacü rü Woetama Yexmacü rü Ñu̱xma Ngẽxmacü rü Guxü̃gutáma Ngẽxmacü”, ñanagürügüecha.


“Rü ñu̱xma chanaxwa̱xe i ngẽma Epéchiuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü. Rü chanaxwa̱xe i ñacurügü nüxü̃: ‘Ñaa nixĩ i norü ore ya yima norü tügüneme̱xẽwa 7 ya woramacuri nüxü̃́ ngẽxmacü. Rü nüma nixĩ i natanügu yanaxũũxü̃ i ngẽma 7 i omüarü üruü̃gü i úirunaxca̱x.


Rü ñanagürügü ta: —Nüetama ega tama Tupanaga taxĩnüegu. Rü marü name nax nüxna ítachocuxü̃ i ngẽma nama i mexü̃. ¡Rü taxṹ i nape̱xewa toxü̃ pengẽxmagüxẽẽxü̃ ya yimá Iraétanüxü̃arü Tupana ya Üünecü! —ñanagürügü.


Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.


Swiv nou:

Piblisite


Piblisite