Yema Cuáü̃ nüxü̃ dauxü̃ i yixcüra tá ngupetüxü̃chiga 21:24 - Tupanaarü Ore

²⁴ Rü yima ĩanearü ngóonexü̃gu tá naxĩ i ngẽma nachixü̃anecüã̱x i yaxõgüxü̃. Rü ngéma tá nangugü i ngẽma nachixü̃anegüarü ãẽ̱xgacügü rü Tupanana tá nanana i norü ngẽmaxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:24 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 22:2

Rü guma ĩanearü ngãxü̃gu idaxü̃ ga namaarü ngãxü̃gu nida ga yema natü. Rü nacutügüwa narüxü ga yima nai ga maxẽẽruxü̃. Rü yema nai rü wüxichigü ga tauemacügu naxo, rü yemaacü 12 e̱xpü̱xcüna naxo ga wüxichigü ga taunecügu. Rü naatügü ga yema nai, rü guxü̃ i nachixü̃anegüca̱x üxüxü̃ruxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:26

Rü yima ĩanewa tá nanana i guxü̃ma i ñoma i naanearü mexü̃gü.

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ichaía 66:18

Erü choma rü nüxü̃ chacua̱x i ngẽma nagu naxĩnüexü̃ rü ngẽma naxügüxü̃ i ngẽma duü̃xü̃gü. Rü ngẽmaca̱x i choma rü tá chanangutaque̱xexẽxẽ i guxü̃ma i nachixü̃anecüã̱xgü i duü̃xü̃gü i to i nagawa idexagüxü̃. Rü tá nua nangugü rü tá nüxü̃ nadaugü i chorü pora.

Ichaía 60:16

Rü ngẽma togü i nachixü̃anegü rü tá pexna nanana i ngẽma rümemaegüxü̃ i nawemügü rü ngẽma norü ãẽ̱xgacügü rü tá pexca̱x núma nanana i norü ngẽmaxü̃gü. Rü ngẽmawa tá nüxü̃ pecua̱x nax choma ya Tupana ya poracü yixĩxü̃ i pexü̃ íchapoxü̃xü̃ rü pexü̃ íchanguxü̃xẽẽxü̃, Pa Acóbutanüxü̃x.

Ichaía 55:5

Rü pemax, Pa Iraéanecüã̱xgüx, rü tá naxca̱x pengẽma i togü i nachixü̃anecüã̱xgü i tama pexü̃ cuáxü̃. Rü nümagü rü tá paxaãẽãcü pexca̱x naxĩ, erü choma i perü Tupana ya Üünecü rü guxü̃ma i ngẽma nachixü̃anegüétüwa pexü̃ changexmagüxẽxẽ —ñanagürü ya Cori ya Tupana.

Ichaía 52:15

Rü ngẽxgumarüxü̃ ta rü muxü̃ma i duü̃xü̃gü i to i nachixü̃anecüã̱xgü rü tá namaxã naba̱i̱xãchie. Rü ngẽma ãẽ̱xgacügü rü ngẽxguma nüxü̃ nadaugügu i ngẽma naxüxü̃ rü tá nape̱xewa nachianegümare rü taxuxü̃táma nixugüxe, erü tá nüxü̃ nadaugü i ngẽma taguma nüxü̃ nadaugüxü̃ rü tá nüxü̃ nacua̱xgü i ngẽma taguma ñuxgu texéwa nüxü̃ naxĩnüexü̃ —ñanagürü ya Tupana.

Romanos 15:16

Rü nüma nixĩ ga choxü̃ namuxü̃ nax Ngechuchu ya Cristuarü puracü chaxüxü̃ca̱x i natanüwa i ngẽma duü̃xü̃gü i tama Yudíugü ixĩgüxü̃. Rü ngẽma puracü ga nawa choxü̃ namuxü̃ nixĩ nax ngẽma tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃, nax ngẽma duü̃xü̃gü rü wüxi i ãmare ya Tupana namaxã taãẽxü̃ i Naãxẽ ya Üünexü̃ imexẽẽgüxü̃ nax yixĩxü̃ca̱x.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Romanos 15:26

Erü ngẽma taenexẽgü i yaxõgüxü̃ i Machedóniaanewa rü Acáyaanewa ngẽxmagüxü̃, rü norü ngúchaü̃maxã nagu narüxĩnüe nax ngĩxü̃ nanutaque̱xegüxü̃ i ñuxre i diẽru nax ngẽmaãcü nüxü̃ nangü̃xẽẽgüxü̃ca̱x i taenexẽgü i nüxü̃́ nataxuxü̃ i Yerucharéü̃wa ngẽxmagüxü̃.

Yeremía 4:2

Rü ngẽxguma cha̱u̱xca̱x pewoeguxgu rü aixcüma chauégagu ipexunetagu, rü choma rü tá taxü̃ i ngü̃xẽxẽ chixĩ naxca̱x i guxü̃ma i nachixü̃anegü, rü tá choxü̃ nicua̱xüü̃gü —ñanagürü.

Ichaía 2:2

Ngẽma ngunexü̃gü i nawa iyacua̱xgüxü̃gu, rü yima ma̱xpǘne i Cori ya Tupanapata ya taxü̃ne íngẽxmaxü̃wa rü guxü̃ne ya naigü ya ma̱xpǘnearü yexera tá poraãcü natachiga. Rü guxü̃ i nachixü̃anecüã̱x i duü̃xü̃güaxü̃́ tá nangúchaü̃ nax íyadaugüãxü̃. Rü guxü̃ma i nachixü̃anegücüã̱x i duü̃xü̃gü rü tá ngéma naxĩ.

Ichaía 60:13

Rü Tupana rü Yerucharéü̃cüã̱xgüxü̃ ñanagürü: —Guxü̃ma i naigü i mürapewa i mexü̃ i Líbanuwa ngẽxmagüxü̃ i pinugü rü abétugü rü chipregü rü tá norü nga̱xãẽruxü̃ nixĩgü ya chopata ya taxü̃ne i ngextá íchachixü̃wa.

Ichaía 55:10

Rü yimá pucü rü ngẽma gáuxü̃ rü dauxü̃wa narüyi rü tama wena dauxü̃wa naxĩ, natürü nayawaixẽxẽ i waixü̃mü nax naxügüxü̃ca̱x i nanetügü rü ngẽmaãcü nangẽxmaxü̃ca̱x i naxchire nax inatoxü̃ca̱x rü norü o nax nangṍxü̃ca̱x.

Ichaía 2:5

Pa Acóbutanüxü̃x i Duü̃xü̃güx, ¡Ngĩxã, Cori ya Tupanaga taxĩnüe rü nüma nanaxwa̱xexü̃ãcüma nagu tamaxẽ i norü ore!

Wenaxarü naxümatü ga Tupanaarü mugü 32:43

Pa Togü i Duü̃xü̃gütücumügüx, rü name nixĩ i wüxigu Cori ya Tupanaarü duü̃xü̃gümaxã petaãẽgü. Erü nüma ya Cori ya Tupana rü tá naxütanü naxca̱x i ngẽma norü duü̃xü̃gü i yuexü̃. Rü tá nanadai i norü uanügü. Rü tá nüxü̃́ nüxü̃ narüngüma i norü duü̃xü̃güarü chixexü̃, rü tá naxca̱x nayataanexẽxẽ i norü naane —ñanagürü ga Moiché.

Ichaía 49:23

Rü ngẽma togü i nachixü̃anegüarü ãẽ̱xgacügü rü tá penatürücügü nixĩgü, rü ngẽma naxma̱xgü rü tá peerücügü nixĩgü. Rü pepe̱xegu tá nacaxã́pü̱xügü rü tá nanade̱xexgü i perü mairaxü̃chipatügü. Rü tá nüxü̃ picua̱xãchitanü nax chaxicatama Tupana chixĩxü̃ rü ngẽma choxü̃́ yaxõgüxü̃ rü tagutáma naxãneexü̃ —ñanagürü.