Yema Cuáü̃ nüxü̃ dauxü̃ i yixcüra tá ngupetüxü̃chiga 21:16 - Tupanaarü Ore

¹⁶ Rü guma ĩane rü nawüxigumare ga guxü̃cüwawa. Rü norü ma̱x rü nawüxigumare namaxã ga norü tatachinü. Rü yema orearü ngeruxü̃ rü yema úirumena̱xãmaxã nanangugü ga guma ĩane. Rü 2,200 quirumétru nixĩ ga norü ma̱x. Rü yexgumarüxü̃ ta 2,200 quirumétru nixĩ ga norü tatachinü. Rü 2,200 quirumétru ta nixĩ ga norü máchane.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:16 Referans Kwoze

Echequié 48:35

Rü ngẽma ĩanearü poxeguxü̃tápü̱x rü guxü̃wama rü 9,000 metru tá nixĩ i norü ma̱x. Rü yema ngunexü̃guwena rü naéga ya yima ĩane rü “Cori ya Tupana Nua Nangexma”, tá nixĩ.

Echequié 42:20

Rü guxü̃ma ga norü ãgümücücüwa ga yema naane rü nanangu. Rü yema naane ga Tupanapata ga taxü̃ne nagu üxü̃ rü norü wüxicüwawachigü rü nüxü̃́ nayexma ga norü poxeguxü̃ ga 250 metru ga norü ma̱x. Rü yema norü poxeguxü̃ nixĩ ga yema Tupanapata ga taxü̃nearü naane ga üünexü̃ yáxü̃guxẽẽxü̃ nüxna ga yema naane ga düxétüwa yexmaxü̃ ga tama üünexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:15

Rü yema orearü ngeruxü̃ ga chomaxã idexaxü̃, rü nüxü̃́ nayexma ga wüxi ga norü ngugüxü̃ ga úirumena̱xãnaxca̱x nax yemamaxã nangugüãxü̃ca̱x ga guma ĩane rü norü ĩã̱xgü rü norü poxeguxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:17

Rü yemawena rü inanangu ga yema norü poxeguxü̃ ga guma ĩane. Rü 65 metru nixĩ ga norü máchane. Rü yemaacü duü̃xü̃güarü ngugüxü̃maxã nanangugü ga yema Tupanaarü orearü ngeruxü̃ ga daxũcüã̱x.

Echequié 41:4

Rü yemawena rü nanangu ga yema naxmachiã ga aixepewa yexmaxü̃. Rü yema naxmachiã rü guxü̃wama nawüxigu ga yema ãgümücü ga nacüwagü, rü 10 metru chigü nixĩ ga norü ma̱x. Rü yexguma ga yema yatü rü chomaxã nidexa rü ñanagürü: —Ñaa naachiã rü Nachica i Üünexüchixü̃ nixĩ —ñanagürü.