Yema Cuáü̃ nüxü̃ dauxü̃ i yixcüra tá ngupetüxü̃chiga 20:9 - Tupanaarü Ore

⁹ Rü ngẽmaãcü i ngẽma churaragü rü tá ñoma i naanearü tagu ninguuchi. Rü tá Tupanaarü duü̃xü̃güxü̃ rü yima ĩane ya Tupana nüxü̃ ngechaxü̃ne ya Yerucharéü̃xü̃ ínachoeguãchi. Natürü Tupana rü daxũwa tá nanayixẽxẽ ya üxü, rü yimamaxã tá nixae i guxü̃ma i ngẽma namaxã rüxuanügüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:9 Referans Kwoze

Echequié 38:16

Rü tá naxca̱x ícuyagoõchi i chorü duü̃xü̃gü i Iraétanüxü̃. Rü cumax, Pa Góx, rü curü churaragümaxã tá cunapaxẽxẽ i norü naane ñoma wüxi i caixanexü̃ i waemaxü̃rüxü̃. Rü ngẽma nawa iyacuáxü̃ i ngunexü̃gügu rü tá cuxü̃́ chanatauxchaxẽxẽ nax naxca̱x ícuyagoõchixü̃ca̱x i chorü naane. Rü ngẽmaãcü tá chanaxü nax ngẽma togü i nachixü̃anegü cugagu choxü̃ cua̱xgüxü̃ca̱x i ngẽxguma nape̱xewa tá ichanawe̱xgu i chorü üüne’ ”, ñanagürü ya Tupana.

Echequié 39:6

Rü tá chayagu i ngẽma naane i Magóx. Rü ngẽma duü̃xü̃gü i ngẽma nachixü̃anegü i márpechinüwa taãẽãcü maxẽxü̃ rü naétü tá chanayixẽxẽ ya üxüema. Rü ngẽxguma tá nixĩ i choxü̃ yacua̱xãchitanüxü̃ nax choma yixĩxü̃ ya Cori ya Tupana.

Echequié 38:9

Rü cumax, Pa Góx, rü ngẽma nachixü̃anewa tá cungu rü ñoma wüxi i caixanexü̃ i waemaxü̃rüxü̃ tá curü muxü̃ma i churaragü i muxü̃ma i nachixü̃anewa ne ĩxü̃maxã cuyapaxẽxẽ i ngẽma nachixü̃ane”, ñachagürü.

2 Tesalonicenses 1:8

Rü núma tá naxũ i nüma ya tórü Cori ya Ngechuchu nax napoxcueãxü̃ca̱x i ngẽma duü̃xü̃gü i tama Tupanaxü̃ cua̱xgüchaü̃xü̃ rü tama naga ĩnüexü̃ i ngẽma ore i mexü̃ i tórü Cori ya Ngechuchu ya Cristuchiga.

Wiyaegü 106:18

Rü yema namücügü ga tama Tupanaga ĩnüexü̃ rü Tupana naxca̱x yéma nanamu ga üxüema nax yemamaxã yaxaexü̃ca̱x ga yema chixexü̃ ügüxü̃.

Wiyaegü 97:3

Rü wüxi i üxüema rü nape̱xegu nixũ, rü ngẽmamaxã ínanagu i norü uanügü i nacüwawa ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:13

Rü yema ngo̱xo nanaxü ga taxü̃ ga cua̱xruü̃gü, rü daxũwa nanayixẽxẽ ga üxü, rü ñoma ga naanegu nayi nape̱xegu ga duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:5

Rü ngẽxguma texé chixexü̃ nape̱xewa ügüchaü̃gu i ngẽma taxre i orearü uruü̃gü, rü nümagü rü üxüema ya naã̱xwa ínacuexechinemaxã tüxü̃ tá ínagu. Rü ngẽmaãcü tá inayanaxoxẽxẽ i norü uanügü. Rü ngẽmaãcü tá tüxü̃ nadai ya yíxema chixexü̃ namaxã ügüchaü̃xẽ.

Ore i mexü̃ ga Luca ümatüxü̃ 17:29

Natürü yexguma Lox ixũxũgu nawa ga guma ĩane ga Chodóma, rü daxũwa narüyi ga üxü ga achúfremaxã ãéü̃xü̃, rü nanadai ga guxü̃ma ga yema duü̃xü̃gü.

Ore i mexü̃ ga Luca ümatüxü̃ 9:54

Rü yexguma yemaxü̃ nadaugügu ga norü ngúexü̃gü ga Chantiágu rü Cuáü̃, rü ñanagürügü Ngechuchuxü̃: —Pa Corix, ¿cunaxwa̱xexü̃ nax Tupanana naxca̱x tacaxü̃ nax daxũwa ne namuaxü̃ca̱x ya üxü nax nagu̱xẽẽãxü̃ca̱x i guxü̃ma i ñaa duü̃xü̃gü, yema nũxcümaü̃cü ga Tupanaarü orearü uruxü̃ ga Ería üxü̃rüxü̃? —ñanagürügü.

Ichaía 37:36

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Iraétanüxü̃arü muxchiga 11:1

Wüxi ga ngunexü̃gu ga Iraétanüxü̃ rü Cori ya Tupanamaxã nanue rü narüxutagagü naxca̱x ga yema ngúxü̃ ga yangegüxü̃. Rü yemaxü̃ nax naxĩnüxü̃ ga Cori ya Tupana rü nanu. Rü Iraétanüxü̃ ípegüxü̃pechinügu nananguxẽxẽ ga üxüema. Rü ñuxre ga ĩpatagü ga napechinüwa ügüne rü nixae.

Popera ga Yudíugü ga yaxõgüxü̃ca̱x ümatüxü̃ 13:13

Rü ngẽmaca̱x name nax nüxna ixĩgachixü̃ ga yema mugü ga nũxcüma nagu ixĩxü̃ rü ngĩxã Ngechuchuwe tarüxĩ rü naxrüxü̃ ãne tingegü.

Abacú 1:6

Rü choma rü tá ichanachigüxẽxẽ i ngẽma Cadéuanecüã̱xgü nax guxü̃wama dai naxügüxü̃ca̱x. Rü nümagü rü duü̃xü̃gü i tama togü i duü̃xü̃güxü̃ ngechaü̃güxü̃ nixĩgü, rü ínamemaregü nax nayauxanegüãxü̃ca̱x i ngẽma naanegü i tama noxrü ixĩxü̃.

Miquéa 2:13

Rü chomatama ya Cori ya Tupana ya Iraétanüxü̃arü Ãẽ̱xgacü rü nape̱xegu tá chixũ, rü tá naxca̱x chayaxümachigü nax nüxü̃́ natauxchaxü̃ca̱x nax norü uanügüarü ĩanearü ĩã̱xwa ínachoxü̃xü̃ —ñanagürü ya Cori ya Tupana.

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.

Norü taxre ga popera ga ãẽ̱xgacügüchiga 6:15

Rü moxü̃ãcü pa̱xmama ínarüda ga Erichéuarü ngü̃xẽẽruxü̃. Rü yexguma ínaxũxü̃gu ga ĩpatawa, rü nüxü̃ nadau ga yema churaragü ga guma ĩanexü̃ íchomaeguãchixü̃ namaxã ga norü cowarugü, rü namaxã ga naweü̃gü ga cowaru itúgüne. Rü Erichéumaxã nüxü̃ nayarüxu rü ñanagürü: —¿Ñu̱xmax, Pa Ngu̱xẽẽruxü̃, rü ta̱xacü tá ixüexü̃? —ñanagürü.

Ore i mexü̃ ga Luca ümatüxü̃ 21:20

Rü ngẽxguma nüxü̃ peda̱u̱xgu nax perü uanügüarü churaragü Yerucharéü̃xü̃ íchomaeguãchixü̃, rü ngẽmawa tá nüxü̃ pecua̱x nax paxa tá nagu napogüexü̃ ya yima ĩane.

Ore i mexü̃ ga Luca ümatüxü̃ 19:43

Rü tá guxchaxü̃gü pexü̃ naxüpetü. Rü perü uanügü rü perü ĩanearü guxü̃cüwawa tá nanagünagüane nax nawa nachopetüxü̃ca̱x i naxtapü̱x. Rü norü churaragü tá perü ĩanexü̃ ínachomaeguãchi, rü guxü̃cüwawa tá pexca̱x nichocu.

Wenaxarü naxümatü ga Tupanaarü mugü 23:14

Erü nüma ya Cori ya Tupana rü petanüwa naxũũxü̃ nax pexna nadauxü̃ca̱x rü perü uanügüxü̃ pexü̃ naporamaegüxẽẽxü̃ca̱x. Rü ngẽmaca̱x penaxwa̱xe nax ngẽma ípepegüxü̃wa rü wüxi i nachica i üünexü̃ nax yixĩxü̃. Rü ngẽmaca̱x penaxwa̱xe nax nangemataxü̃ rü nataxuxü̃ma i ta̱xacürü ãũãchixü̃ ya Tupana tama namaxã taãẽxü̃. Erü ngẽxguma taxũtáma ngẽmaãcü penaxü̱xgu rü nüma ya Tupana rü tá pexna nixũgachi.

Wiyaegü 87:2

Rü nüma ya Cori ya Tupana rü poraãcü nüxü̃ nangechaü̃ ya yima ĩane guxü̃nema ya naigü ya Iraéanearü ĩanearü yexera.

Yox 38:18

¿Rü nüxü̃ cucuáxü̃ nax ñuxre yixĩxü̃ i norü ta i ñoma i naane? ¡Rü chomaxã nüxü̃ ixu ega aixcüma guxü̃xü̃ma cucua̱xgu!