Yema Cuáü̃ nüxü̃ dauxü̃ i yixcüra tá ngupetüxü̃chiga 2:17 - Tupanaarü Ore

¹⁷ Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:17 Referans Kwoze

Ichaía 62:2

Pa Yerucharéü̃x, ngẽxguma Tupana curü duü̃xü̃güxü̃ ínguxü̃xẽẽgu rü ngẽma togü i nachixü̃anegü tá nüxü̃ nadaugü. Rü guxü̃ma i ãẽ̱xgacügü i ñoma i naanewa maxẽxü̃ rü tá nüxü̃ nicua̱xãchitanü i curü pora. Rü ñu̱xũchi nüma ya Tupana rü tá wüxi i ngexwacaxü̃ i naéga cuxna naxã.

Ichaía 65:15

Rü ngẽma chorü duü̃xü̃gü rü peégamaxã tá nixĩ i togü i duü̃xü̃gümaxã chixexü̃ naxuegugüxü̃. Rü choma ya Cori ya Tupana ya Guxü̃étüwa Ngẽxmaxe rü tá pexü̃ chadai. Natürü ngẽma chorü duü̃xü̃güna tá chanaxã i wüxi i naéga i ngexwaca̱xü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:11

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema ñoma i naanewa nüxü̃ rüporamaexẽ i chixexü̃, rü taxũtáma ngẽma tama Tupanaga ĩnüexü̃ ípoxcuexü̃gu tapoxcu’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:7

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:3

Rü yema 144,000 ga duü̃xü̃gü rü nagu nawiyaegü ga wüxi ga yexwaca̱xüxü̃ ga wiyae nape̱xewa ga Tupanaarü tochicaxü̃ rü nape̱xewa ga yema ãgümücü ga daxũcüã̱x ga maxẽxü̃ rü nape̱xewa ga yema 24 ga ãẽ̱xgacügü. Rü taxucürüwama texé ga togue nüxü̃ tacua̱x ga yema wiyae. Rü yema 144,000 ga duü̃xü̃güxicatama nixĩ ga nüxü̃ cua̱xgüxü̃. Rü yema nixĩ ga Tupana ñoma ga naanewa dexü̃ nax namaxẽxẽẽãxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:22

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü”, ñanagürü ga yema chomaxã idexaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:6

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü”.

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

1 Corintios 2:14

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.

Ore i mexü̃ ga Matéu ümatüxü̃ 13:11

Rü Ngechuchu nanangãxü̃, rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü yixĩxü̃ i daxũguxü̃ i naanewa. Natürü ngẽma togü i duü̃xü̃gü rü tama nüxü̃ nüxü̃ nacua̱xẽxẽ i ngẽmachiga.

Ichaía 65:13

Rü Tupana rü ñanagürü ta: —Ngẽma chorü duü̃xü̃gü i choxü̃́ yaxõgüxü̃ rü taxũtáma nataiyae, natürü i pema ya choxna ixĩgachitanüxẽ rü tá pitaiyae. Rü ngẽma chorü duü̃xü̃gü rü tá naxaxegü, natürü i pema rü tá pita̱xawae. Rü ngẽma chorü duü̃xü̃gü rü tá nataãẽgü, natürü i pema rü tá pexãnee.

Ucu̱xẽgüchiga 3:32

Erü nüma ya Cori ya Tupana rü nüxü̃ naxo i ngẽma chixexü̃gu maxẽxü̃, natürü tümamaxã naxãmücü ya yíxema mexü̃gu maxẽxe.

Wiyaegü 36:8

Rü cupatawa mea cunachibüexẽxẽ i duü̃xü̃gü ñu̱xmata meama nüxü̃́ yangu. Rü natü i mechiüxü̃wa cuyaxaxegüxẽxẽ.

Wiyaegü 25:14

Rü nüma ya Cori ya Tupana rü tümamücü nixĩ ya yíxema nüxü̃ ngechaü̃güxe. Rü tümaca̱x nanango̱xẽxẽ i norü uneta.

Ore i mexü̃ ga Cuáü̃ ümatüxü̃ 4:32

Natürü ga nüma rü ñanagürü nüxü̃: —Choma rü choxü̃́ nangẽxma i chowemü i pema tama nüxü̃ pecuáxü̃ —ñanagürü.

Ichaía 56:4

Erü Cori ya Tupana rü ñanagürü: —Ngẽma depü̱xücharegüxü̃ i tama ngü̃xchigaarü ngunexü̃ puracüexü̃ rü naga ĩnüexü̃ i ngẽma chorü mugü, rü aixcüma yanguxẽẽgüxü̃ i chorü uneta, rü choma rü tá chanaxüchica nax yima chopata ya taxü̃nearü poxeguxü̃tápü̱xgü naxümatüxü̃ca̱x i naéga i tagutáma ngéma ípepigüxü̃. Rü ngẽma nixĩ nax yaxãxacüxü̃arü yexera rü yaxãnexü̃arü yexera rümemaexü̃. Rü tá nüxna chanaxã i wüxi i naéga i tagutáma ípixü̃.

Ucu̱xẽgüchiga 14:10

Wüxichigü i duü̃xü̃ rü nüxicatama nixĩ i nüxü̃ nacuáxü̃ i norü guxchaxü̃gü, rü tama togü i duü̃xü̃gü i tama nüxü̃ nacuáxü̃maxã nüxü̃ nixu i norü taãxẽ.

Ínachoxü̃xü̃chiga 16:33

Rü Moiché rü Aróü̃maxã nüxü̃ nixu rü ñanagürü: —¡Wüxi i pexchica̱x nadau, rü taxre ya litruãcu i maná nagu naxǘ! ¡Rü ñu̱xũchi Cori ya Tupanape̱xegu yaxǘ nax ngẽxma petaagüca̱x namaxã penguxü̃xü̃ca̱x! —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:16

Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.

Ore i mexü̃ ga Márcu ümatüxü̃ 7:16

Rü ngẽxguma pixãchi̱xẽgu, ¡rü nüxü̃ pexĩnüe i ngẽma ore! —ñanagürü.