Yema Cuáü̃ nüxü̃ dauxü̃ i yixcüra tá ngupetüxü̃chiga 18:6 - Tupanaarü Ore

⁶ Rü ngẽma nax poraãcü chixexü̃ togüca̱x naxügüxü̃rüxü̃, rü ngẽxgumarüxü̃ tá ta nixĩ nax chixexü̃maxã nüxü̃́ penaxütanüxü̃ i pemax. ¡Rü taxree̱xpü̱xcüna chixexü̃maxã tá nüxü̃́ penaxütanü naxca̱x i ngẽma chixexü̃ i togüca̱x naxügüxü̃! ¡Rü ngẽma chixexü̃ ga yema ĩanecüã̱x togüca̱x mexẽẽgüxü̃, rü pema rü taxree̱xpü̱xcüna tá naxca̱x penamexẽxẽ i ngẽma chixexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 18:6 Referans Kwoze

Yeremía 50:29

Rü Cori ya Tupana rü ñanagürü: —¡Naxca̱x pengẽma i guxü̃ma i ngẽma churaragü i würaã́xü̃ nax Babiróniaca̱x íyaxü̃ãchixü̃ca̱x! ¡Rü nüxü̃ ínachomaeguãchi ya yima ĩane nax taxuxü̃ma iñaxü̃ca̱x! ¡Ngẽma nixĩ i norü natanü naxca̱x ga yema chixexü̃ ga naxügüxü̃! ¡Rü yema nümagü naigü ga ĩanegümaxã naxügüxü̃rüxü̃ namaxã penaxü i ngẽma Babiróniacüã̱x! Yerü nügü ínarüporae nax chomaxã nanuexü̃ i choma nax Cori ya Iraétanüxü̃arü Tupana ya üünecü nax chixĩxü̃.

Wiyaegü 137:8

Rü cumax, Pa Babiróniax, rü tá icuyarüxo. Rü tá nataãxẽ ya yimá cuxü̃ iyarüxoxẽẽcü naxca̱x ga yema tomaxã cuxüxü̃.

Yeremía 50:15

¡Rü norü guxü̃cüwawa ya yima ĩane ya Babirónia rü daimaxã tagaãcü aita pexüe! Rü nüma i Babiróniacüã̱x rü marü pexme̱xgu nayi. Rü norü poxü̃chicaxü̃gü rü marü niwa̱xgü. Rü norü ĩanearü poxeguxü̃tápü̱xgü rü ta rü niwa̱xgü. Rü ngẽma nixĩ i chorü numaxã namaxã chaxüxü̃. ¡Rü yema Babirónia togü ga nachixü̃anegümaxã naxüxü̃rüxü̃ namaxã penaxü̱x i pema!

Yema Cuáü̃ nüxü̃ dauxü̃ i yixcüra tá ngupetüxü̃chiga 16:19

Rü guma ĩane ga taxü̃ne ga Babirónia, rü tomaepü̱xgu ningüxyeane. Rü guma ĩanegü ga ñoma ga naanewa yexmagüne rü niwa̱xgü ga norü ĩgü. Rü Tupana rü norü chixexü̃ca̱x nüxna nacua̱xãchi ga guma ĩane ga Babirónia. Rü yemaca̱x norü numaxã poraãcü nanapoxcu ga guma ĩane, yerü poraãcüxüchi namaxã nanu.

Yeremía 51:24

Natürü i ñu̱xmax, Pa Iraétanüxü̃, rü pepe̱xewa tá chanapoxcue i guxü̃ma i ngẽma Cadéugü i Babiróniacüã̱x naxca̱x ga yema chixexü̃ ga Chióü̃wa naxügüxü̃. Rü choma ya Cori ya Tupana nixĩ i ngẽma ñachaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:4

Rü yema nge rü wüxi ga naxchiru ga dauxracharaxü̃ rü dauxü̃maxã ixãxchiru. Rü úirumaxã rü nutaxacügü ga imexẽchicümaxã rü perlagümaxã ingã̱xãxẽ. Rü ngĩxme̱xwa ngĩxü̃́ nayexma ga wüxi ga copu ga úirunaxca̱x. Rü yema copu rü namaxã naxããcu ga naguxü̃raü̃xü̃ ga yema Tupanape̱xewa ãũãchixü̃ rü naguxü̃raü̃xü̃ ga chixexü̃gü ga yema nge ga ngĩxü̃nemaxã taxecü üxü̃.

Chacaría 9:12

Rü pema i ñu̱xma yáxü̃gu pepoxcuexü̃, natürü ípenangu̱xẽẽama nax perü ĩaneca̱x tá pewoeguxü̃. ¡Rü ẽcü perü ĩaneca̱x pewoegu! Rü pemaxã nüxü̃ chixu rü pema i poraãcü ngúxü̃ nax pingegüxü̃ rü ngẽmaarü yexera tá poraãcü pexü̃ charüngü̃xẽxẽxü̃.

Yeremía 17:18

¡Rü naxãneexẽxẽ i ngẽma chorü uanügü, rü taxṹ i choxü̃ cuxãnexẽxẽxü̃! Rü ngẽmaãcü i nümagü rü tá naxãnee, rü tama i chomax. ¡Rü taxü̃ i guxchaxü̃ naxca̱x ínanguxẽxẽ, rü wüxicana iyanaxoxẽxẽ!

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Norü taxre ga popera ga Timutéuca̱x naxümatüxü̃ ga Pauru 4:14

Areyándru i buetare i cobrenaxca̱xarü üwa puracüxü̃ rü poraãcü guxchaxü̃ cha̱u̱xca̱x ínanguxẽxẽ. Natürü Tupana rü tá nüxü̃ nanaxütanü naxca̱x ga yema chixexü̃ ga naxüxü̃.

Yeremía 51:49

Rü aixcüma norü uanügüme̱xẽgu tá nangu ya Babirónia nagagu nax Iraégüxü̃ nada̱i̱xü̃ rü nadaiaxü̃ i duü̃xü̃gü i guxü̃ma i ñoma i naanewa —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:2

Rü ñoma i naanewa ngẽxmagüxü̃ i nachixü̃anegüarü ãẽ̱xgacügü, rü ngĩmaxã namaxẽ, rü yemaacü poraãcü chixexü̃ naxügü. Rü ñoma i naanecüã̱x, rü naxca̱x nadauxü̃taegü i ngĩrü chixexü̃ i ngẽma nge”, ñanagürü.

Ichaía 40:2

¡Rü nüxü̃ pengechaü̃ãcüma ngẽma Yerucharéü̃cüã̱xgümaxã pidexagü! ¡Rü namaxã nüxü̃ pixu nax marü iyacuáxü̃ nax togüme̱xẽwa nangẽxmagüxü̃ rü marü nanaxütanü i norü chixexü̃gü! Rü guxü̃ma ga yema norü chixexü̃ ga naxügüxü̃ca̱x, rü taxree̱xpü̱xcüna nüxü̃ chanaxütanüxẽxẽ —ñanagürü ga Tupana.

Ichaía 61:7

Rü pema, Pa Chorü Duü̃xü̃güx, rü taxree̱xpü̱xcüna ngúxü̃ pingegü rü chixexü̃ pemaxã nixugüe rü yemagagu ãne pingegü. Rü ngẽmaca̱x i ñu̱xmax rü taxree̱xpü̱xcüna tá penayaxu i ngẽma pexna üxü̃. Rü guxü̃gutáma petaãẽgü.

Wiyaegü 28:4

Rü ngẽmaca̱x, Pa Corix, rü name nax cunapoxcuexü̃ naxca̱x i ngẽma norü chixexü̃ i naxügüxü̃. ¡Rü ngẽma chixexü̃ i to̱xguã̱xmaxã naxügüxü̃ rü ngẽmatama chixexü̃ naxca̱x natáeguxẽxẽ!

Yema Cuáü̃ nüxü̃ dauxü̃ i yixcüra tá ngupetüxü̃chiga 18:20

Natürü ñu̱xma nax napoxcuxü̃ ya yima ĩane, rü name nixĩ i cutaãxẽ Pa Daxũguxü̃ i Naane. Rü ngẽxgumarüxü̃ ta rü name nixĩ i petaãẽgü i pema i Tupana norü oremaxã pexü̃ namugüxe, rü pema i Tupanaarü orexü̃ ixugüe, rü guxãma i pema i Tupanaarü duü̃xü̃gü ixĩgüxe. Erü ñu̱xma nax napoxcuxü̃ ya yima ĩane, rü ngẽmaãcü Tupana pexü̃ naxütanü naxca̱x ga yema chixexü̃ ga pemaxã naxügüxü̃ ga gumá ĩanecüã̱x”, ñanagürügü.

Auxexü̃chiga 3:64

¡Pa Corix, napoxcue i ngẽma duü̃xü̃gü nax ngẽmaãcü nayauxtanügüãxü̃ca̱x i ngẽma chixexü̃ i chomaxã naxügüxü̃!