Yema Cuáü̃ nüxü̃ dauxü̃ i yixcüra tá ngupetüxü̃chiga 18:5 - Tupanaarü Ore5 Erü ngẽma ĩanecüã̱xarü pecadugü, rü nügüétüwa narünucue, rü düxwa marü daxũguxü̃ i naanewa nangu. Rü nüma ya Tupana rü tama yáxna namaxã naxĩnü i ngẽma chixexü̃ i naxügüxü̃. Gade chapit la |
Rü yéma Chamáriawa nayexma ga wüxi ga Cori ya Tupanaarü orearü uruxü̃ ga Odégu ãégaxü̃. Rü nüma rü yema churaragüca̱x nixũ ga yexguma Chamáriagu nachocuxgu. Rü ñanagürü nüxü̃: —Yimá Cori ga perü o̱xigüarü Tupana rü Yudáanecüã̱xgümaxã nanu, rü ngẽmaca̱x nixĩ i pexme̱xgu nayixẽẽãxü̃. Natürü i pemax rü poraãcü namaxã penue i ngẽma duü̃xü̃gü rü penadai i muxü̃ma. Rü ngẽmaca̱x ya Tupana rü tá pexna naxca̱x naca i ngẽma pexüxü̃, erü tama pexü̃́ nangechaü̃tümüxü̃gü i ngẽma duü̃xü̃gü.