Biblia Todo Logo
Bib sou entènèt

- Piblisite -




Yema Cuáü̃ nüxü̃ dauxü̃ i yixcüra tá ngupetüxü̃chiga 18:19 - Tupanaarü Ore

19 Rü norü ngechaü̃maxã nügüétügu tá waixü̃mü nagünagügü, rü tá poraãcü naxauxe, rü tagaãcü ñanagürügü tá: “Nangechaü̃tümüxü̃, nangechaü̃tümüxü̃ ya yima ĩane ya itaxü̃ne. Rü noxri rü norü yemaxü̃gümaxã nügü nimuarü diẽruã̱xẽẽgü ga guxü̃ne ga wapurugüarü yoragü. Natürü i ñu̱xma rü ngürüãchi wüxi i oragutama rü inayarüxo i guxü̃ma i ngẽma.

Gade chapit la Kopi




Yema Cuáü̃ nüxü̃ dauxü̃ i yixcüra tá ngupetüxü̃chiga 18:19
13 Referans Kwoze  

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.


Rü nüma ga Yochué rü yema Iraétanüxü̃arü ãẽ̱xgacügü rü norü ngechaü̃maxã nügüchirugu nagáugüe rü waixü̃müte̱xemaxã nügü nigügüeru. Rü ñu̱xmachi yema baú ga Tupanaarü mugüchixü̃pe̱xegu nanangücuchitanü ñu̱xmata nayáuane.


Rü nümagü rü tá tagaãcü norü ngechaü̃maxã cuxca̱x naxauxe rü waixü̃müte̱xemaxã tá nügü nagüerugü. Rü tanimacate̱xegu tá nidixgü.


Rü guxü̃ma ga nachixü̃anecüã̱xgü, rü guma ĩanearü chixexü̃ca̱x nadauxü̃taegü. Rü yema togü ga nachixü̃anegüarü ãẽ̱xgacügü, rü guma ĩanearü chixexü̃gu namaxẽ. Rü guxü̃ma ga yema to ga nachixü̃anegüarü taxetanüxü̃, rü nügü namuarü diẽruã̱xẽẽgü namaxã ga yema ĩanearü yemaxü̃gü ga tatanüxü̃”, ñanagürü.


Rü yexguma yáxü̃gutama naxĩxgu rü Yoxü̃ nadaugü, rü yema poraãcü nax yada̱xawexü̃ rü tama aixcüma nüxü̃ nacua̱xgü. Rü yemaca̱x inanaxügüe ga aita nax naxüexü̃ rü naxauxexü̃. Rü yema taxü̃ ga ngechaü̃ nax yangegüxü̃gagu rü nügü narügáutechirugü rü mairaxü̃te̱xe nügüerugu nagünagügü.


Rü ngẽmaca̱x tá nixĩ i wüxitatama i ngunexü̃gu ínanguxü̃ i ngẽma ĩanearü poxcu. Rü ngẽma ĩanecüã̱x rü ngúanemaxã tá nayue, rü poraãcü tá nangechaü̃gü, rü tá naxauxe rü poraãcü taiya tá nüxü̃́ nangu̱x, rü norü ĩane rü üxümaxã tá nigu. Erü naporaxüchi ya yimá Cori ya Tupana i ngẽma ĩanexü̃ poxcucü”, ñanagürü ga yema naga.


Natürü wüxi ga churara ga Bẽyamíü̃tanüxü̃ rü niña ga yema nügü ínadaixü̃wa, rü yematama ngunexü̃gu Chilówa nangu. Rü norü ngechaü̃maxã nügü nayarügáutechiru, rü nügü nabuxeru, rü yemaacü ínangu.


Rü gumatama tauemacüarü 24 ga ngunexü̃gu rü nüma ga Iraétanüxü̃ rü nangutaque̱xegü nax aureãcüma nayumüxẽgüxü̃ca̱x. Rü nüxna nixĩgachi ga yema duü̃xü̃gü ga tama Iraétanüxü̃ ixĩgüxü̃. Rü témüxü̃ ga naxchirugu nicu̱xgü rü waixü̃müte̱xe nügüeru nagünagügü. Rü yexma nachigüãcüma Tupanamaxã nüxü̃ nixugüe ga noxrütama chixexü̃gü rü nüxna nacua̱xãchie ga norü o̱xigüarü chixexü̃gü rü ta.


Rü yexguma ga ngĩma rü ngĩgüchirugu igáugü rü tanimacamaxã ngĩgü igüeru. Rü ixauxãcüma ngĩgüerugu iyangĩ rü yemaacü namagu iyaxũ.


Rü ngẽma 10 i naxchata̱xcu̱xre i nüxü̃ cudauxü̃ rü ngẽma ngo̱xo, rü wüxigu tá ngĩchi naxaie i ngẽma nge i naxü̃nemaxã taxexü̃. Rü tá ngĩxna nanapuxü̃ i guxü̃ma i ta̱xacü i ngĩxü̃́ ngẽxmaxü̃, rü ngẽmaãcü ngexchiruãcüma tá ngẽxma irüxã̱ũ̱x. Rü tá nanangõ̱xgü i ngĩmachi, rü üxüwa tá nayagugü i ngẽma íyaxüxü̃.


Pa Babiróniax, cuma nax guxü̃ i nachixü̃anegüarü yexera quixĩxü̃, rü cumaxã nixĩ i nügü yacua̱xüü̃güxü̃ i curü duü̃xü̃gü i Cadéugü. Natürü tá icuyarüxo yexguma Chodóma rü Gomóraxü̃ chayarüxoxẽẽxgurüxü̃.


Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.


Swiv nou:

Piblisite


Piblisite