Yema Cuáü̃ nüxü̃ dauxü̃ i yixcüra tá ngupetüxü̃chiga 18:14 - Tupanaarü Ore

¹⁴ Rü ngẽma taxetanüxü̃, rü ñanagürügü tá nüxü̃ ya yima ĩane: “Cuwa rü marü nataxuma i ngẽma ori̱x i curü duü̃xü̃güarü me ixĩxü̃. Rü marü nataxuma i guxü̃ma i ngẽma meruü̃gü ga noxri cuxü̃́ yexmaxü̃. Rü tagutáma wenaxarü cuxü̃́ nangẽxma”, ñanagürügü tá.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:14 Referans Kwoze

1 Corintios 10:6

Rü guxü̃ma ga yema nüxü̃ ngupetüxü̃ ga yema duü̃xü̃gü rü tórü cua̱xruxü̃ nixĩ nax tama chixexü̃ca̱xama idaugüxü̃ naxrüxü̃ ga tórü o̱xigü.

Popera ga Chantiágu ümatüxü̃ 4:2

Pema penaxwa̱xe i ngẽma pexü̃́ taxuxü̃, natürü taxuacüma pexü̃ nanguxü̃. Rü ngẽmaca̱x peyama̱x i togü. Rü norü ngẽmaxü̃ca̱x pixãũxãchie, natürü taxuacüma pexü̃ nanguxü̃, rü ngẽmaca̱x pegümaxã penue, rü pegü pedai. Rü tama penayauxgü i ngẽma penaxwa̱xexü̃ erü tama Tupanana naxca̱x peca.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Ore i mexü̃ ga Luca ümatüxü̃ 12:20

Natürü Tupana rü ñanagürü nüxü̃: “Pa Yatüx, cungeãẽmare i cumax erü ñoma i chütaxü̃gu tátama cuyu. Rü ngẽma curü ngẽmaxü̃gü i namaxã cunguxü̃xü̃, rü ¿texéarü tá nixĩ i ngẽxguma?” ñanagürü ga Tupana.

Wiyaegü 106:14

Rü yema ínachianexü̃wa rü Tupanaxü̃ naxügü ga tórü o̱xigü. Rü naxca̱x ínacagü nax Tupana paxa nüxü̃́ naxüxü̃ca̱x ga yema nümatama ga duü̃xü̃gü nagu rüxĩnüexü̃.

Iraétanüxü̃arü muxchiga 11:4

Rü yema Iraétanüxü̃tanüwa nayexmagü ga togü ga duü̃xü̃gü ga chibüguxicatama rüxĩnüexü̃. Rü yema duü̃xü̃gü nixĩ ga nüxna cua̱xãchiexü̃ ga yema õna ga Equítuanewa nangõ̱xgüxü̃. Rü nüma ga Iraétanüxü̃ rü düxwa yemaga naxĩnüe rü yemaca̱x nidexagü rü ñanagürügü: —Chierüx tüxü̃́ nangẽxmagu i namachi nax nangṍxü̃ca̱x.

Wiyaegü 78:18

Rü nüxü̃ naxügümarechaü̃, rü yemaca̱x naxca̱x ínacagü ga namachi ga nüxü̃́ chi̱xéga.

Iraétanüxü̃arü muxchiga 11:34

Rü yemaca̱x nixĩ ga Quibúx-ataabámaxã naxüégagüãxü̃, yerü yexma nixĩ ga nata̱xgüxü̃ ga yema duü̃xü̃gü ga namachigu rüxĩnüexü̃.

Ore i mexü̃ ga Matéu ümatüxü̃ 11:8

Rü yexguma tama gumá ípeyadaugügu, ¿rü ta̱xacü nixĩ ga ípeyadaugüxü̃? ¿Ẽ̱xna wüxi ga yatü ga mea nügü nga̱xãẽxü̃ nixĩ ga ípeyadaugüxü̃? Pema nüxü̃ pecua̱x i ngẽma mea nügü nga̱xãẽgüxü̃ rü ãẽ̱xgacügüpatagüwa nangẽxmagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:13

Rü taxúetama naxca̱x nüxü̃́ tataxe i norü canela rü togü i norü üexü̃wemüxü̃gü i yixixü̃, rü pumarate̱xe i guruxü̃ ixĩxü̃, rü togü i pumaragü i yixixü̃, rü bínugü rü chíxü̃gü, rü arína i mexẽchixü̃, rü trigu i ngéma nangegüxü̃. Rü ngẽxgumarüxü̃ ta ngéma nanagagü i wocagü, rü carnérugü, rü cowarugü, rü carugü i cowaru itúchigüxü̃, rü duü̃xü̃gü i puracüruü̃gü. Rü ngẽmaãcü woo duü̃xẽgü rü ngéma tüxü̃ nagagü nax tümamaxã nataxegüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:15

Rü ngẽma taxetanüxü̃ i guxü̃ma i ngẽma ori̱xgümaxã rü ngẽma meruü̃gümaxã taxegüxü̃ rü gumá ĩanegu nügü muarü diẽruã̱xẽẽgüxü̃, rü yáxü̃wa tátama nüxü̃ narüdaunü ya yima ĩane, erü nüxü̃ namuü̃e i ngẽma poxcu ya yima ĩaneca̱x ínguxü̃. Rü tá poraãcü norü ngechaü̃maxã naxauxe.