Yema Cuáü̃ nüxü̃ dauxü̃ i yixcüra tá ngupetüxü̃chiga 17:17 - Tupanaarü Ore17 Rü nüma ga Tupana rü yema 10 ga ãẽ̱xgacügüãẽwa nanagu̱xẽxẽ nax naxügüã̱xü̃ca̱x ga yema nanaxwa̱xexü̃ ga Tupana. Rü ngẽmaca̱x i ngẽma ãẽ̱xgacügü, rü tá wüxigu nagu narüxĩnüe nax ngẽma ngo̱xoxü̃ naporaxẽẽgüxü̃ nax norü ãẽ̱xgacü yixĩxü̃ca̱x. Rü ngẽmaãcü tá nixĩ ñu̱xmatáta Tupana yanguxẽxẽ i ngẽma norü orewa nüxü̃ yaxuxü̃. Gade chapit la |
Natürü ga Chataná rü marü Yúda ga Chimóü̃ ga Icharióte nanena nangu nax bexma Ngechuchuxü̃ ínaxuaxü̃xü̃ca̱x. Rü Ngechuchu rü marü nüxü̃ nacua̱x ga Nanatüxü̃tawa nax ne naxũxü̃ rü wena táxarü Nanatüca̱x nax nataeguxü̃. Rü nüxü̃ nacua̱x ga Nanatü rü naxme̱xgu nax naxüaxü̃ ga guxü̃ma ga pora. Rü yemaca̱x ga yema chütaxü̃gu ga yexguma mechawa ínachibüeyane, rü inachi ga Ngechuchu. Rü ínacuxuchi ga norü gáuxü̃chiru, rü wüxi ga tuayamaxã nügü nigoye.
Rü yemaca̱x ga yema churaragü rü nügümaxã ñanagürügü: —¡Taxũtáma nagu tagáugüe! Rü narümemae naxca̱x ngĩxü̃ tañanagügü i wüxi i diẽru nax ngẽmawa nüxü̃ icua̱xgüxü̃ca̱x nax texéarü tá yixĩxü̃ —ñanagürügü. Rü yemaacü ningu ga Tupanaarü ore ga ümatüxü̃ ga ñaxü̃: “Nügümaxã nayatoye i chauxchiru, rü naxca̱x ngĩxü̃ tanañanagügü i wüxi i diẽru”, ñaxü̃. Rü aixcüma yemaacü nixĩ ga naxügüãxü̃ ga churaragü.
Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.
Rü ñu̱xũchi ga Tupanaarü orearü ngeruxü̃ ga daxũcüã̱x rü ñanagürü choxü̃: “Chanaxwa̱xe i cunaxümatü i ñaa ore i cumaxã tá nüxü̃ chixuxü̃: ‘Tataãẽgü ya yíxema tüxna naxuxe i norü ãmücüchixüwa ya Carnéruxacü’ ”, ñanagürü. Rü ñu̱xũchi ñanagürü ta: “Ngẽma nixĩ i Tupanaarü ore i aixcüma ixĩxü̃”, ñanagürü.