Yema Cuáü̃ nüxü̃ dauxü̃ i yixcüra tá ngupetüxü̃chiga 16:6 - Tupanaarü Ore

⁶ Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6 Referans Kwoze

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:18

Rü ngẽma duü̃xü̃gü i tama cuxrü ixĩgüxü̃ rü poraãcü nanue, natürü nawa nangu i ngẽma ngunexü̃ i nagu tá cunapoxcuexü̃. Rü marü nawa nangu nax nüxü̃ quicagüxü̃ i guxü̃ma i duü̃xü̃gü i yuexü̃. Rü marü nawa nangu nax nüxü̃́ cunaxütanüxü̃ i ngẽma curü duü̃xü̃gü i curü orearü uruü̃gü, rü ngẽma cupe̱xewa imexü̃, rü guxü̃ma i ngẽma cuxü̃ muü̃exü̃ i yaexü̃ rü buexü̃. Rü marü nawa nangu nax icuyanaxoxẽẽxü̃ i ngẽma duü̃xü̃gü i nachixexẽẽxü̃ i ñoma i naane”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:24

Yerü gumá ĩanecüã̱x ga duü̃xü̃gü nixĩ ga nada̱i̱xü̃ rü inabaxẽẽgüxü̃ ga nagü ga Tupanaarü orearü uruü̃gü, rü yema duü̃xü̃gü ga Tupanaarü ixĩgüxü̃, rü guxü̃ma ga yema ñoma ga naanewa daixü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:15

Rü Tupana rü tama yema to ga ngo̱xona nanachu̱xu nax namaxẽẽãxü̃ca̱x ga yema nüxíraxü̃xü̃ ga ngo̱xochicüna̱xã nax yadexaxü̃ca̱x rü namuaxü̃ca̱x nax nadaiaxü̃ca̱x ga guxü̃ma ga yema duü̃xü̃gü ga tama nüxü̃ icua̱xüü̃güxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:2

Rü nüma rü tama inatü ega texémaxã poxcu naxueguxgu. Rü ngẽmaca̱x marü nanapoxcu ya yima ĩane ya taxü̃ne ya norü chixexü̃maxã nachixexẽẽgüxü̃ i guxü̃ma i ñoma i naanecüã̱x i duü̃xü̃gü. Rü ñu̱xma ya Tupana rü norü duü̃xü̃güxü̃ naxütanü rü yima ĩanexü̃ napoxcu nagagu nax norü duü̃xü̃güxü̃ nada̱i̱xü̃”, ñanagürügü.

Auxexü̃chiga 4:13

Rü yema guma ĩane ga Yerucharéü̃maxã ngupetüxü̃ rü norü orearü uruü̃günetagagu nixĩ, rü norü chacherdótegüarü chixexü̃gagu nixĩ. Yerü nümagü rü guma ĩanewa nanadai ga duü̃xü̃gü ga taxuxü̃ma ga chixexü̃ ügüchiréxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:20

Natürü ñu̱xma nax napoxcuxü̃ ya yima ĩane, rü name nixĩ i cutaãxẽ Pa Daxũguxü̃ i Naane. Rü ngẽxgumarüxü̃ ta rü name nixĩ i petaãẽgü i pema i Tupana norü oremaxã pexü̃ namugüxe, rü pema i Tupanaarü orexü̃ ixugüe, rü guxãma i pema i Tupanaarü duü̃xü̃gü ixĩgüxe. Erü ñu̱xma nax napoxcuxü̃ ya yima ĩane, rü ngẽmaãcü Tupana pexü̃ naxütanü naxca̱x ga yema chixexü̃ ga pemaxã naxügüxü̃ ga gumá ĩanecüã̱x”, ñanagürügü.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

Ore i mexü̃ ga Matéu ümatüxü̃ 7:2

Erü ngẽxgumarüxü̃ nax toguxexü̃ pixuxü̃ rü togü tá pexü̃ nixu. Rü ngẽma dexa i namaxã tüxü̃ pixuxü̃, rü ngẽmatama dexamaxã tá pexü̃ tixu.

Yeremía 26:16

Rü nüma ga yema ãẽ̱xgacügü rü duü̃xü̃gü, rü yema chacherdótegümaxã rü orearü uruü̃gümaxã nidexagü rü ñanagürügü: —Taxuca̱xma ta̱xacüca̱x peyama̱x i ñaa yatü, erü Cori ya tórü Tupanaégagu nixĩ i tamaxã yadexaxü̃ —ñanagürügü.

Yeremía 26:11

Rü yexguma ga yema chacherdótegü rü orearü uruü̃gü, rü ãẽ̱xgacügüxü̃ rü ñu̱xũchi guxü̃ma ga duü̃xü̃güxü̃ ñanagürügü: —Ñaa yatü rü name nax yu namaxã pexueguxü̃, erü daa ĩanechiga chixri nidexa. Pemax rü pechi̱xemaxã nüxü̃ pexĩnüe —ñanagürügü.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Ore i mexü̃ ga Luca ümatüxü̃ 12:48

Natürü ngẽma coriarü duü̃xü̃ i tama nagu naxĩnüãcüma chixexü̃ naxü, rü tá napoxcuama, natürü írarüwa tá nanacua̱xi. Rü texé ya Tupana muxü̃ma tüxna ãxẽ, rü muxü̃ca̱x tá tüxna naca. Rü texé ya muxü̃ma tüxü̃ nadauxexẽ́xẽ rü yexeraxü̃ca̱x tá tüxna naca.

Ínachoxü̃xü̃chiga 7:17

Rü ngẽmaca̱x ya Cori ya Tupana rü ñanagürü cuxü̃: ‘Ñu̱xma rü tá nüxü̃ cudau nax aixcüma Cori ya Tupana chixĩxü̃. Erü Moichéxü̃ chamu nax norü naixmena̱xã yanangexü̃nemaxã ñaa taxtüchíüwa nacua̱i̱xcaãxü̃ca̱x nax ngẽma dexá rü nagüxü̃ yanguxuchixü̃ca̱x.

Ínachoxü̃xü̃chiga 21:24

Rü ngẽxguma texé wüxíexü̃ ticháixetüxẽẽgu, rü cháixetümaxã tá ta tüxü̃́ naxãtanü. Rü ngẽxguma texé wüxíexü̃ tibüepütaxẽẽgu, rü büepütamaxã tá ta tüxü̃́ naxãtanü. Rü ngẽxguma texé wüxíexü̃ tipoyeme̱xẽgux, rü poyeme̱xẽmaxã tá ta tüxü̃́ naxãtanü. Rü ngẽxguma texé wüxíexü̃ tipoyecutügu rü poyecutümaxã tá ta tüxü̃́ naxãtanü. Rü ngẽxguma texé wüxíexü̃ tigu̱xgu, rü gumaxã tá ta tüxü̃́ naxãtanü. Rü ngẽxguma texé wüxíexü̃ tapi̱xẽẽgu, rü pi̱xẽẽmaxã tá ta tüxü̃́ naxãtanü. Rü ngẽxguma texé wüxíena tanacua̱i̱xcagu, rü cua̱i̱xcamaxã tá ta tüxü̃́ naxãtanü.

Echequié 32:6

Rü ngẽma waixü̃mü rü tá cugümaxã chayawaianexẽxẽ ñu̱xmata yima ma̱xpǘnegüarü tuãchiwa nangu. Rü yima cugümaxã tá nanapagü i ngẽma natüacügü.