Yema Cuáü̃ nüxü̃ dauxü̃ i yixcüra tá ngupetüxü̃chiga 14:7 - Tupanaarü Ore

⁷ Rü tagaãcü ñanagürü: “¡Nüxü̃ pemuü̃e ya Tupana rü nüxü̃ picua̱xüü̃gü! Erü marü nawa nangu nax guxü̃ma i duü̃xü̃güna naca̱xaxü̃. ¡Rü nüxü̃ picua̱xüü̃gü ya yimá naxücü i daxũguxü̃ i naane, rü ñoma i naane, rü ngẽma már, rü guxü̃ma i natüxacügü!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:7 Referans Kwoze

Ínachoxü̃xü̃chiga 20:11

Yerü choma i Cori ya Tupana rü 6 ga ngunexü̃gu nixĩ ga chanaxüxü̃ ga daxũguxü̃ ga naane, rü ñoma ga naane rü taxü̃ ga már rü guxü̃ma i ta̱xacü i nawa ngẽxmagüxü̃. Rü ñu̱xũchi icharüngü̃ ga norü 7 ga ngunexü̃gu. Rü yemaca̱x mexü̃ namaxã chaxuegu ga yema ngunexü̃ rü nüxü̃ chixu nax ngẽma ngunexü̃ i üünexü̃gu choxü̃ quicua̱xüxü̃xü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Neemía 9:6

Rü ñu̱xũchi ga nüma ga Édra rü nayumüxẽ rü ñanagürü: —Pa Tupanax, cuma nixĩ i Cori quixĩxü̃ rü nataxuma i to. Rü cuma nixĩ ga cunaxüxü̃ ga daxũguxü̃ i naane, rü ngẽma daxũguxü̃ i naaneétüwa ngẽxmaxü̃ rü guxü̃ma i ẽxtagü. Rü cuma nixĩ ga cunaxüxü̃ ga ñoma i naane, rü taxtügü, rü guxü̃ma i ta̱xacü i nawa ngẽxmaxü̃. Rü cuma nixĩ i maxü̃ nüxna cuxãxü̃ i guxü̃ma i ngẽma maxẽxü̃. Rü ngẽmaca̱x nixĩ i cuxü̃ yacua̱xüü̃güxü̃ ya ẽxtagü ya dauxü̃wa ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:18

Rü ngẽma duü̃xü̃gü i tama cuxrü ixĩgüxü̃ rü poraãcü nanue, natürü nawa nangu i ngẽma ngunexü̃ i nagu tá cunapoxcuexü̃. Rü marü nawa nangu nax nüxü̃ quicagüxü̃ i guxü̃ma i duü̃xü̃gü i yuexü̃. Rü marü nawa nangu nax nüxü̃́ cunaxütanüxü̃ i ngẽma curü duü̃xü̃gü i curü orearü uruü̃gü, rü ngẽma cupe̱xewa imexü̃, rü guxü̃ma i ngẽma cuxü̃ muü̃exü̃ i yaexü̃ rü buexü̃. Rü marü nawa nangu nax icuyanaxoxẽẽxü̃ i ngẽma duü̃xü̃gü i nachixexẽẽxü̃ i ñoma i naane”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:13

Rü yexgumatama poraãcü naxĩã̱xãchiane. Rü wüxi ga yema norü 10 arü üye ga guma ĩane, rü niwa̱xgü. Rü 7,000 ga duü̃xü̃gü nayue namaxã ga yema ĩã̱xãchiane. Rü yema togü ga duü̃xü̃gü ga maxẽxü̃ rü poraãcüxüchi namuü̃e. Rü Tupana ya daxũguxü̃ i naanewa ngẽxmacüxü̃ nicua̱xüü̃gü.

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:10

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:9

Rü guxü̃ma ga duü̃xü̃gü rü poraãcü nüxü̃́ nangu̱xema, natürü tama nüxü̃ narüxoe ga nacüma ga chixexü̃ rü tama Tupanaxü̃ nicua̱xüü̃gü. Rü naguxchigagüama namaxã ga Tupana ya guxü̃ma i ngẽma poxcuruü̃maxã icuácü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:9

Rü yema daxũcüã̱x ga maxẽxü̃, rü yexguma gumá tochicaxü̃wa rütocü ga woetama ngẽxmaechacüxü̃ yacua̱xüü̃gügu rü moxẽ nüxna naxãgügu, rü yema 24 ga ãẽ̱xgacügü rü nape̱xegu nacaxã́pü̱xügü, rü nüxü̃ nicua̱xüü̃gü, rü nape̱xegu nananu ga norü nga̱xcueruü̃gü.

Wiyaegü 124:8

Rü yimá Tupana ya daxũguxü̃ i naanearü üruxü̃ rü ñoma i naanearü üruxü̃, rü yimá nixĩ ya tüxü̃ rüngü̃xẽẽcü.

Ngechuchuarü ngúexü̃gü ga yamugüxü̃arü puracüchiga 14:15

—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.

Ichaía 40:6

Rü wüxi i naga rü ñanagürü: —¡Tagaãcü aita naxü! —ñanagürü. Rü choma rü ñachagürü: —¿Ta̱xacüxü̃ tá tagaãcü chixu? —ñachagürü. Rü choxü̃ nangãxü̃ rü ñanagürü: —Guxü̃ma i duü̃xü̃gü rü ñoma natüanerüxü̃ paxaãchitama nixĩ. Rü wüxi i putüra i paxaãchi boxüxü̃rüxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:5

Rü ñu̱xũchi yema tochicaxü̃xü̃tawa inanaxũ ga wüxi ga naga ga ñaxü̃: “Name nixĩ i tórü Tupanaxü̃ picua̱xüü̃gü i guxãma i pema i buxü̃gü, rü yaxü̃gü, rü guxü̃ma i pema i nüxü̃ pengechaü̃ãcüma nax nüxü̃́ pepuracüexü̃”, ñanagürügü.

Ochéa 8:1

Rü ñanagürü ta: —¡Pa Dauxü̃taeruxü̃x, nagu icue i curü cornéta! Erü ñoma wüxi i ĩyü i nawemü tüxü̃ iyaxuxü̃rüxü̃ ñomama nixĩ i ngẽma uanügü i chorü duü̃xü̃güarü daiwa ĩxü̃. Rü ngẽma guxchaxü̃ tá naxca̱x ínangu i chorü duü̃xü̃gü erü tama nayanguxẽẽgü i ngẽma uneta ga namaxã chaxüxü̃ rü tama naga naxĩnüe i chorü mugü.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Ichaía 42:12

Rü pema i nachixü̃anegü i márpechinüwa maxẽxü̃ i duü̃xü̃gü ¡rü nüxü̃ picua̱xüxü̃gü rü moxẽ nüxna pexãgü!

Wiyaegü 89:7

Erü cuma rü Tupana ya poracü rü ãũcümacü quixĩ. Rü curü orearü ngeruü̃gü i dauxü̃cüã̱x rü cuxü̃ ínachomaeguãchi.

Wiyaegü 36:1

Rü ngẽma duü̃xü̃ i tama Tupanaga ĩnüxü̃ rü ngẽma pecadu nixĩ i norü ĩnüwa nüxü̃́ nangúchaü̃xẽẽxü̃ nax chixexü̃ naxüxü̃ca̱x. Rü ngẽmaca̱x taguma nagu narüxĩnü nax Tupanaxü̃ namuü̃xü̃.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:10

Rü yema norü tomaepü̱x ga Tupanaarü orearü ngeruxü̃, rü nayacue ga norü cornéta. Rü ñu̱xũchi wüxi ga taxüchicü ga woramacuri ga taemaxü̃chicü rü daxũwa narüngu. Rü wüxi ga omü ga ixaxü̃rüxü̃ nixĩ. Rü nagu nangu ga wüxi ga yema norü tomaepü̱xarü üye ga natügü rü natüxacügü.

Ore i mexü̃ ga Luca ümatüxü̃ 17:18

¿Rü ñaa to i nachixü̃anecüã̱x i duü̃xü̃xicatama nixĩ i taeguxü̃ nax Tupanaxü̃ yacua̱xüxü̃xü̃ca̱x? —ñanagürü.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ichaía 44:23

¡Pa Daxũguxü̃ i Naanex, taãẽãcü Tupanaxü̃ icua̱xüxü̃ naxca̱x i guxü̃ma i ngẽma naxüxü̃! ¡Rü Pa Ñoma i Naanearü Doxonexü̃gü i Taxü̃x, nüxü̃ picua̱xüü̃güx! ¡Rü pemax Pa Ma̱xpǘnegüx rü Pa Naixnecügüx, rü taãẽãcü nüxü̃ picua̱xüü̃gü ya Tupana, yerü nüma nixĩ ga norü poramaxã ínanguxü̃xẽẽãxü̃ ga Iraétanüxü̃ ga Acóbuarü duü̃xü̃gü naxme̱xwa ga norü uanügü!

Ichaía 40:9

Rü ngẽma naga rü ñanagürü: —¡Pa Chióü̃x, wüxi ya ma̱xpǘnechitaerugu naxĩnagü rü tagaãcü naxunagü i ñaa ore i mexü̃! ¡Rü cuma, Pa Yerucharéü̃x, rü tama cumuü̃ãcüma rü tagaãcüma Yudáanearü ĩanegücüã̱xmaxã nüxü̃ ixu i ñaa ore i ñaxü̃: “Nanuxma ya yimá perü Cori ya Tupana”, ñaxü̃! —ñanagürü.

Ichaía 40:3

Rü wüxi i naga nica rü ñanagürü: —¡Cori ya Tupanaca̱x penamexẽxẽ i wüxi i nama i chianexü̃wa dapetüxü̃! Rü ngẽma ínawüxü̃wa ¡rü ipeyanawe̱xãchixẽxẽ! Rü ngẽma ínadoxonexü̃wa ¡rü penagütagü nax mea yawéxü̃ca̱x! Rü ngẽma ínangüchitaeruxü̃wa ¡rü ipeyanawe̱xãchimüanexẽxẽ! Rü ngẽma ínangücureanexü̃wa ¡rü mea penaba̱i̱xmaxẽxẽ!

Wiyaegü 95:5

Rü ngẽma már rü noxrü nixĩ yerü nümatama nanango̱xẽxẽ. Rü nümatama nixĩ ga naxme̱xmaxã naxüaxü̃ ga ñoma ga naane.

1 Chamué 6:5

Rü ngẽmaca̱x name nixĩ i ípenaxüxü̃ i ngẽma taixnachicüna̱xãgü rü naxchicüna̱xãgü i ngẽma ü̃cagü i guxchaxü̃ pexna ãxü̃ i perü ĩanewa. ¡Rü nüxü̃ picua̱xüxü̃ ya yimá Iraéanecüã̱xgüarü Tupana! Rü bexmana ngẽmaãcü tá nüxü̃ narüchau nax pexü̃ yada̱xaweexẽẽxü̃, rü pexü̃ napoxcuexü̃ i pemax rü perü tupanagü rü perü naane.

Naanearü ügüchiga 22:12

Rü yexguma ga yema daxũcüã̱x i orearü ngeruxü̃ rü ñanagürü nüxü̃: —¡Taxṹ i cuyamáxü̃ ya yimá bucü! Erü marü nüxü̃ chacua̱x nax aixcüma Tupanaga cuxĩnüxü̃ rü tama choxna cunachu̱xu ya yimá cune ya nügümaxã wüxicacü —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:19

Rü norü ngechaü̃maxã nügüétügu tá waixü̃mü nagünagügü, rü tá poraãcü naxauxe, rü tagaãcü ñanagürügü tá: “Nangechaü̃tümüxü̃, nangechaü̃tümüxü̃ ya yima ĩane ya itaxü̃ne. Rü noxri rü norü yemaxü̃gümaxã nügü nimuarü diẽruã̱xẽẽgü ga guxü̃ne ga wapurugüarü yoragü. Natürü i ñu̱xma rü ngürüãchi wüxi i oragutama rü inayarüxo i guxü̃ma i ngẽma.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:17

Natürü ngürüãchi nagu̱x i guxü̃ma i ngẽma ĩanearü meruü̃gü”, ñanagürügü tá. Rü guxü̃ne ya wapurugüarü yoragü, rü guxü̃ma ya yima wapurugüwa puracüexü̃, rü guxü̃ma i duü̃xü̃gü ya yima wapurugügu ĩxü̃, rü guxü̃ma i taxetanüxü̃ i wapurugügu yarüxĩĩü̃xü̃, rü yáxü̃wa tátama nayachaxgütanüãchi, rü ngéma tá nüxü̃ narüdaunü.

Nüxíraxü̃xü̃ ga popera ga Pedru ümatüxü̃ 4:7

Rü marü ningaica nax nagúxü̃ i ñoma i naane rü guxü̃ma i ta̱xacü i nawa ngẽxmaxü̃. Rü ngẽmaca̱x name nixĩ nax pexuãẽgüxü̃, rü mea peãxẽxü̃ pecuáxü̃, rü guxü̃guma peyumüxẽgüxü̃.

Ore i mexü̃ ga Matéu ümatüxü̃ 25:13

Rü ñu̱xũchi ñanagürü ga Ngechuchu: —¡Pexũãẽgü! Erü tama nüxü̃ pecua̱x i ta̱xacürü ngunexü̃ rü ta̱xacürü ora tá ínangu ya Tupana Nane ya duü̃xü̃xü̃ ixĩcü —ñanagürü.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Wiyaegü 115:15

Rü nüma ya Cori ya Tupana i daxũguxü̃ i naane rü ñoma i naanearü üruxü̃ rü aixcüma tá pexna nanaxã i norü ngü̃xẽxẽ.