Yema Cuáü̃ nüxü̃ dauxü̃ i yixcüra tá ngupetüxü̃chiga 14:5 - Tupanaarü Ore

⁵ Rü yematanüwa rü nataxuma ga dora, erü Tupanape̱xewa rü taxuxü̃ma ga chixexü̃ naxügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:5 Referans Kwoze

Efesios 5:27

Rü yemaacü tüxü̃ nimexẽxẽ nax nügütama tüxü̃ nawéxü̃ca̱x nax aixcüma guxü̃wama imexü̃ rü nax nataxuxü̃ma i ta̱xacü i tórü chixexü̃ rü bai i írarüwa. Rü yemaacü tüxü̃ nade nax ixüünegüxü̃ca̱x rü guxü̃wama nape̱xewa imexü̃ca̱x.

Chofonía 3:13

Rü ngẽma Iraétanüxü̃ i Yerucharéü̃wa yaxǘgüxü̃ rü taxũtáma chixri natanüxü̃maxã inacua̱x, rü taxũtáma doraxü̃ nixugüe rü tagutáma texéxü̃ nawomüxẽẽgü. Rü mea tá ínachibüe, rü tama namuü̃eãcüma tá inarüngü̃gü” —ñanagürü.

Wiyaegü 32:2

Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.

Popera ga Yúda ümatüxü̃ 1:24

Rü yimá nüxicatama Tupana ixĩcü ya tórü Maxẽxẽẽruxü̃ ixĩcü, rü nüxü̃́ nangẽxma i pora nax pexna nadauxü̃ nax tama pecadugu peyixü̃ca̱x. Rü nüxü̃́ nangẽxma i pora nax iyanaxoxẽẽãxü̃ca̱x i perü chixexü̃gü nax ngẽmaãcü ngearü pecaduãcüma rü taãẽãcüma nape̱xewa pengugüxü̃ca̱x i ngextá nüma ínaxüünexü̃wa ãẽ̱xgacü íyixĩxü̃wa. Rü tanaxwa̱xe i tórü Cori ya Ngechuchu ya Cristuégagu Tupanaxü̃ ticua̱xüü̃gü, erü nüma rü naxüüne, rü guxü̃étüwa nangẽxma, rü guxü̃arü yexera napora, rü guxü̃maxã inacua̱x. Rü yemaacü nixĩ ga nũxcüma, rü ngẽmaãcü nixĩ i ñu̱xmax, rü guxü̃gutáma ngẽmaãcü nixĩ. Rü ngẽmaãcü yixĩ.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Colosenses 1:22

Natürü nüma ya Cristu rü yexguma curuchagu nayu̱xgu rü Tupanamaxã pexü̃ inarüngü̃xmüexẽxẽ. Rü yemaacü nanaxü ga Cristu nax nügüxü̃tawa pexü̃ nagagüxü̃ca̱x rü nape̱xewa pimexü̃ca̱x rü nataxuxü̃ca̱x i perü chixexü̃.

Ore i mexü̃ ga Luca ümatüxü̃ 23:4

Rü yexguma ga Pirátu rü ñanagürü nüxü̃ ga yema chacherdótegüarü ãẽ̱xgacügü rü togü ga duü̃xü̃gü: —Cha̱u̱xca̱x rü taxuxü̃ma i chixexü̃ naxü i ñaa yatü —ñanagürü.

Nüxíraxü̃xü̃ ga popera ga Pedru ümatüxü̃ 3:10

Erü Tupanaarü ore rü ñanagürü: “Ngẽxguma texé tümaxarü maxü̃xü̃ ngechaü̃gu rü taãẽãcüma tamachaü̃gu, rü name nixĩ i nüxna tadau ya tümaarü conü nax tama chixexü̃ i oremaxã yadexaxü̃ca̱x rü nüxna tadau i tümaã̱x nax tama doraxü̃ yaxuxü̃ca̱x.

Ore i mexü̃ ga Matéu ümatüxü̃ 12:34

Pa Ãxtapearü Duü̃xü̃güx, ¿ñuxãcü i mexü̃ i orexü̃ pixuxü̃ ega pematama rü pichixecümagu? Erü ngẽma ore i pea̱xmaxã nüxü̃ pixuxü̃ rü peãxẽwa nixĩ i ne naxũxü̃.

Ochéa 10:2

Ngẽma Iraéanecüã̱xgü rü namuarü ĩnüã̱xgü, rü tama Tupanaguxica narüxĩnüe. Rü ngẽmaca̱x i ñu̱xma rü ngẽma norü chixexü̃gagu rü tá napoxcue. Rü nüma ya Cori ya Tupana rü tá inanaxoxẽxẽ i ngẽma ãmarearü guruü̃gü i norü tupananetagüca̱x naxügüxü̃. Rü tá nayapuexẽxẽ i ngẽma nutagü i nüxü̃ yacua̱xüü̃güxü̃.

Danié 6:4

Rü yemaca̱x ga yema togü ga ãẽ̱xgacügü rü naxca̱x nadaugü ga wüxi ga guxchaxü̃ nax yemaacü Daríupe̱xewa Daniéxü̃ ínaxuaxü̃güxü̃ca̱x. Natürü nüma ga Danié rü wüxi ga yatü ga aixcüma mecü nixĩ, rü taxuxü̃ma ga chixexü̃ nawa inayangaugü.

Ucu̱xẽgüchiga 8:8

Guxü̃ma i chorü ore rü aixcüma nixĩ rü nawa nataxuma i ta̱xacürü dora.

Wiyaegü 34:13

¡Rü naxuãxẽ rü nüxna nadau ya curü conü nax tama chixexü̃xü̃ yaxuxü̃ca̱x! ¡Rü nüxna nadau i cuberagü nax tama doraxü̃ quixuxü̃ca̱x!

Ichaía 53:9

Rü duü̃xü̃gü ga ichixexü̃tanügu nanata̱xgü. Rü yema chixexü̃gu maxẽxü̃ íta̱xgüxü̃tanügu nanata̱xgü. Rü yemaacü namaxã nixĩgü woo taguma namáeta rü taguma nidora.

Wiyaegü 55:11

Rü yima ĩanearü namagü rü namaxã nanapá i máetagüxü̃ rü dorata̱a̱xgüxü̃.

Charumóü̃arü wiyae 4:7

Rü cuma rü cumexẽchi, Pa Choxü̃́ Ngúchaxü̃cüx. Rü cucutüwa inaxügü rü ñu̱xmata cueruwa nangu nax cumexẽchixü̃. Rü cuma rü taxuwama cuchixe.

Maraquía 2:6

Rü nümagü ga perü o̱xigü ga Lebítanüxü̃ rü ore i aixcüma ixĩxü̃maxã nanangúexẽxẽ ga duü̃xü̃gü rü taguma chixexü̃maxã nayaxucu̱xẽgü. Rü nümagü ga perü o̱xigü ga Lebítanüxü̃ rü aixcüma chomaxã naxãmücügü rü togümaxã tataãẽgü. Rü muxẽma ga duẽxẽgü tüxü̃ narüngü̃xẽxẽ nax chixexü̃na tixĩgachixü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Nüxíraxü̃xü̃ ga popera ga Pedru ümatüxü̃ 2:22

Nüma ga Cristu rü taguma pecadu naxü, rü taguma texéxü̃ nawomüxẽxẽ.