Yema Cuáü̃ nüxü̃ dauxü̃ i yixcüra tá ngupetüxü̃chiga 14:20 - Tupanaarü Ore

²⁰ Rü ĩanearü ĩxpemawa nayama̱i̱xtüxü̃. Rü yema naxpáü̃wa ínagoxochi ga nagü. Rü gumá nagü rü 300 ga quirumétru narübaichi, rü wüxi ga metruarü ngãxü̃ nixĩ ga norü mátama ga gumá nagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:20 Referans Kwoze

Auxexü̃chiga 1:15

Rü Cori ya Tupana rü yáxü̃wa nanawogü ga guxü̃ma ga chorü churaragü ga iporaexüchixü̃ ga choxü̃ ípoxü̃güchiréxü̃. Rü cha̱u̱xca̱x nua nanamugü ga to ga nachixü̃anearü churaragü nax nadaiaxü̃ca̱x ga chorü churaragü ga tama muü̃wa̱xegüxü̃. Rü choma nax guxü̃nema ga Yudáanearü ĩanegüétüwa chaxüxü̃ rü nüma ya Cori ya Tupana rü chaugu napúgü ñoma úbagü i pu̱xcutanüxü̃rüxü̃ ega bínu naxü̱xgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Ichaía 66:24

Rü ñanagürü ta: —Ngẽxguma ínachoxü̃gu i ngẽma chorü duü̃xü̃gü rü tá nüxü̃ nadaugü nax nayuexü̃ i ngẽma duü̃xü̃gü i chomaxã rüxuanügüxü̃. Rü ngẽma õ̱xmigü i nangõ̱xgüxü̃ rü taguma nayue, rü yima üxüema ya ínaguxü̃ne rü taguma nixo. Rü guxü̃ma i duü̃xü̃gü i ngéma chopetüxü̃ rü tá poraãcü naxã̱ũ̱ã̱xgü i ngẽxguma nüxü̃ nadaugügu —ñanagürü ga Tupana.

Naanearü ügüchiga 49:11

Rü nüma ya Yudá rü úbanegu nanangãxü̃ i norü búru, rü úbachacüxü i rümemaexü̃gu nanangãxü̃ i norü búruxacü. Rü bínuwa naya̱u̱xchiru. Rü úbatüü̃wa nixĩ ga naya̱u̱xãxü̃ i norü gáuxü̃chiru.

Wenaxarü naxümatü ga Tupanaarü mugü 32:14

Rü pexü̃́ nayexma ga perü wocagünenixü̃ rü ñu̱xũchi pexü̃́ nayexma ga perü wocagünenixü̃ ga marü itaigüne. Rü pema rü namaxã pexãwemü ga yema rümemaegüxü̃ ga carnérugü ga Bacháü̃anewa yexmagüxü̃ rü chíbugü ga iyatüxü̃, rü yema rümemaexü̃ ga trigu. Rü peyaxagü ga yema rümemaexü̃ ga úbatüxü̃ ga bínu.

Echequié 32:6

Rü ngẽma waixü̃mü rü tá cugümaxã chayawaianexẽxẽ ñu̱xmata yima ma̱xpǘnegüarü tuãchiwa nangu. Rü yima cugümaxã tá nanapagü i ngẽma natüacügü.

Joel 3:13

Rü yema nax poraãcü chixexü̃ naxügüxü̃, rü marü norü ngunexü̃wa nangu i ngẽma nachixü̃anegü nax penadaixü̃ ñoma trigu norü ngunexü̃wa nanguxgu nax yachexexü̃rüxü̃. Rü nagu pepugüe i ngẽma nachixü̃anegü ñoma úbagü bínuca̱x ipumüxü̃rüxü̃.