Yema Cuáü̃ nüxü̃ dauxü̃ i yixcüra tá ngupetüxü̃chiga 14:15 - Tupanaarü Ore

¹⁵ Rü Tupanapata ya taxü̃newa ínaxũxũ ga wüxi ga to ga orearü ngeruxü̃ ga daxũcüã̱x ga tagaãcü ñaxü̃ nüxü̃ ga gumá caixanexü̃étüwa rütocü: “¡Inaxügü nax cunadexü̃ i ngẽma duü̃xü̃gü i cuxrü ixĩgüxü̃! Erü marü nawa nangu nax cugüxü̃tawa cunagagüxü̃, erü ngẽma curü duü̃xü̃gü i ñoma i naanewa ngẽxmagüxü̃ rü ínamemare nax cunadexü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:15 Referans Kwoze

Joel 3:13

Rü yema nax poraãcü chixexü̃ naxügüxü̃, rü marü norü ngunexü̃wa nangu i ngẽma nachixü̃anegü nax penadaixü̃ ñoma trigu norü ngunexü̃wa nanguxgu nax yachexexü̃rüxü̃. Rü nagu pepugüe i ngẽma nachixü̃anegü ñoma úbagü bínuca̱x ipumüxü̃rüxü̃.

Ore i mexü̃ ga Márcu ümatüxü̃ 4:29

Rü ngẽxguma marü yadauxgu i ngẽma norü o, rü nanabuxu erü marü nawa nangu i norü buxgü —ñanagürü.

Ore i mexü̃ ga Matéu ümatüxü̃ 13:39

Rü ngẽma norü uanü i chixexü̃ i natüanemaxã toexü̃, rü ngẽma nixĩ i Chataná. Rü ngẽma ngunexü̃ i nagu nabuxuxü̃ i trigu rü naanearü guxchiga nixĩ. Rü ngẽma puracütanüxü̃ i tríguarü buxwa puracüexü̃, rü Tupanaarü orearü ngeruü̃gü i daxũcüã̱x nixĩgü.

Yeremía 51:33

Erü nüma ya Cori ya Guxãétüwa Ngẽxmacü ya Iraétanüxü̃güarü Tupana ixĩcü rü ñanagürü: “Yima Babirónia ga noxri mexẽchine rü ñu̱xma rü tá ñoma tríguarü pu̱xgüchicarüxü̃ tá nixĩ. Rü ñu̱xma rü marü naxca̱x ínangu nax yabuxgüãxü̃ i norü trigu” —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:18

Rü yema ãmarearü guruü̃wa ínaxũxũ ga to ga orearü ngeruxü̃ ga daxũcüã̱x. Rü nüma rü üxümaxã inacua̱x. Rü nüma rü tagaãcü ñanagürü nüxü̃ ga yema to ga orearü ngeruxü̃ ga yema cüxchi ga ínapomaguxü̃ ga te̱xechixü̃ nüxü̃́ yexmaxü̃: “¡Inaxügü nax curü cüxchimaxã cunabuxuxü̃ i ngẽma úbagü i naanewa ngẽxmagüxü̃, erü marü nidau!” ñanagürü.

Ore i mexü̃ ga Matéu ümatüxü̃ 13:30

Rü narümemae nixĩ i nüetama ngéma nayae ñu̱xmatáta tríguarü buxgüwa nangu. Rü ngẽxguma rü ngéma tá chanamugü i chorü puracütanüxü̃, rü tá nanabe̱xíra i ngẽma chixexü̃ i natüane. Rü tá ínanagoxü̃cüta, rü ñu̱xũchi tá ínanagu. Rü ngẽmawena tá nayabuxgü i trigu, rü chorü trigupatagu tá choxü̃́ namaxã nanguxü̃gü” —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:17

Rü yema norü 7 ga orearü ngeruxü̃, rü buanecügumare nayabaãcu ga norü copu. Rü guma Tupanapata ya daxũguxü̃ i naanewa ngẽxmanewa inanaxũ ga wüxi ga naga ga tagaxü̃ ga yema Tupanaarü tochicaxü̃wa inaxũxü̃ ga ñaxü̃: “Marü ningu i ngẽma 7 i poxcu”, ñaxü̃.

Ore i mexü̃ ga Matéu ümatüxü̃ 23:32

¡Ẽcüx, noxtacüma peyanguxẽxẽ̱x ga yema chixexü̃ ga nũxcümaü̃güxü̃ ga perü o̱xigü ügüexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 15:6

Rü gumá Tupanapata ya taxü̃newa ínachoxü̃ ga yema 7 ga orearü ngeruü̃gü ga daxũcüã̱x ga nüxü̃́ nayexmagüxü̃ ga yema 7 ga poxcuruü̃gü. Rü línuchinaxca̱x ga naxchiru ga mexẽchixü̃maxã rü iyauracüüxü̃maxã nixãxchiru. Rü naremüwa nüxü̃́ nayexma ga norü goyeremüruü̃gü ga úirunaxca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:14

Rü yexguma chadawenügu rü nüxü̃ chadau ga wüxi ga caixanexü̃ ga cómüxü̃. Rü yema caixanexü̃étüwa narüto ga wüxi ga duü̃xü̃ ga Tupana Nane ga duü̃xü̃xü̃ ixĩcüraü̃xü̃. Rü naeruwa nayexma ga wüxi ga norü nga̱xcueruxü̃ ga úirunaxca̱x. Rü naxme̱xwa nayexma ga wüxi ga cüxchi ga ínapomaguxü̃ ga te̱xechixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:10

Rü yema naãxẽgü rü tagaãcü ñanagürügü: “Pa Torü Cori ya Guxü̃étüwa Ngẽxmacü rü Üünecü rü Ixaixcümacüx, ¿ñuxgura tá ta i nüxna cucaxü̃ rü cunapoxcuexü̃ i ngẽma ñoma i naanecüã̱x ga toxü̃ daixü̃?” ñanagürügü.

1 Tesalonicenses 2:16

Rü ngẽxguma ngẽma duü̃xü̃gü i tama Yudíugü ixĩgüxü̃maxã nüxü̃ tixuxchaü̃gu i Tupanaarü ore nax nümagü rü ta nüxü̃́ nangẽxmagüxü̃ca̱x i maxü̃, rü ngẽma Yudíugü rü toxna nanachu̱xu. Rü ngẽmaãcü i ngẽma Yudíugü rü poraãcüxüchima chixexü̃ naxügü. Rü ngẽmaca̱x i ñu̱xma rü düxwa marü nüxna nangu i ngẽma Tupanaarü poxcu i ãũcümaxü̃chixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:12

Rü yexguma yema nüxíraxü̃xü̃ ga ngo̱xope̱xewa nayexmagu, rü naxrüü̃tama napora. Rü ñoma ga naanemaxã inacua̱x, rü nanamu ga ñoma ga naanewa maxẽxü̃ ga duü̃xü̃gü nax yema nüxíraxü̃xü̃ ga ngo̱xo ga ĩxẽarü o̱xriã́xü̃xü̃ nax yacua̱xüü̃güxü̃ca̱x.

Ichaía 62:1

Pa Chióü̃x, poraãcü cuxü̃ changechaü̃ rü ngẽmaca̱x taxũtáma ichayarüchiane. Rü Pa Yerucharéü̃x, taxũtáma charüngü̃ ñu̱xmatáta Tupana cuxü̃ rüporamaexẽxẽ. Rü ngẽxguma Tupana cuxü̃ rüporamaexẽẽgu rü ñoma ngexwaca ya ngunexü̃rüxü̃ tá cuxca̱x ningóone. Rü ngẽxguma Tupana curü uanügüme̱xẽwa curü duü̃xü̃güxü̃ ínguxü̃xẽẽgu rü ñoma wüxi i omü i cuxü̃ báxixü̃rüxü̃ tá nixĩ nax ngóonexü̃wa cungẽxmaxü̃.

Naanearü ügüchiga 15:6

Rü nüma ga Abráü̃ rü aixcüma nayaxõ ga yema Cori ya Tupanaarü ore, rü yemaca̱x nixĩ ga Tupana namaxã naxueguxü̃ nax aixcümacü yixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:16

Rü ñu̱xũchi ga gumá yema caixanexü̃étüwa rütocü rü ñoma i naaneétügu ngĩmaxã nayabuãchi ga norü cüxchi. Rü nanade ga yema norü duü̃xü̃gü ga ñoma ga naanewa yexmagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:17

Rü ñu̱xũchi daxũguxü̃ i naanewa ngẽxmane ya Tupanapata ya taxü̃newa ínaxũxũ ga wüxi ga to ga orearü ngeruxü̃ ga daxũcüã̱x. Rü nüma rü ta nüxü̃́ nayexma ga wüxi ga cüxchi ga ínapomaguxü̃ ga te̱xechixü̃.