Yema Cuáü̃ nüxü̃ dauxü̃ i yixcüra tá ngupetüxü̃chiga 14:13 - Tupanaarü Ore

¹³ Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Naxümatü i ñaa ore i tá cumaxã nüxü̃ chixuxü̃! Rü ñu̱xmaü̃cüü tá tataãẽgü ya yíxema tórü Coriaxü̃́ mea yaxõgüãcüma yuexe. Erü Tupanaãxẽ ya Üünecü rü ñanagürü: ‘Ngü̃, ngẽmáacü tá tataãẽgü ya yíxema, erü tá itarüngüe nüxna i tümaarü puracügü. Rü ngẽma mexü̃ i taxügüxü̃ rü tümamaxã wüxigu daxũguxü̃ i naanewa tá naxũ’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:13 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 20:6

Rü tataãẽgü ya yíxema tüxíra írüdagüxe erü Tupanaarü duü̃xü̃gü tixĩgü. Rü ngẽma Tupanaarü poxcu rü marü taxũtáma tümaca̱x nixĩ. Rü tá Tupanaarü rü Cristuarü ngü̃xẽẽruü̃gü i chacherdótegü tixĩgü. Rü 1,000 ya taunecü tá Cristumaxã ãẽ̱xgacügü tixĩgü.

1 Tesalonicenses 5:10

Rü Ngechuchu ya Cristu rü taxca̱x nayu nax wüxigu namaxã imaxẽxü̃ca̱x i daxũguxü̃ i naanewa. Rü woo marü iyueyane ínanguxgu rüẽ̱xna imaxẽyane ínanguxgu, rü wüxiwa tá namaxã tamaxẽ.

1 Tesalonicenses 4:16

Erü nümatama ya Cori rü daxũwa tá ínarüxĩ, rü tá nüxü̃ taxĩnüe i wüxi i naga i daxũwa inaxũxü̃ i tüxü̃ muxü̃, rü naga i Tupanaarü orearü ngeruxü̃güarü ãẽ̱xgacü. Rü tá nüxü̃ taxĩnüe nax yacuexü̃ ya Tupanaarü cornéta. Rü ngẽxguma i ngẽma yuexü̃ i Cristuaxü̃́ yaxõgüxü̃ rü tá nüxíra ínarüdagü.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:9

Rü ñu̱xũchi ga Tupanaarü orearü ngeruxü̃ ga daxũcüã̱x rü ñanagürü choxü̃: “Chanaxwa̱xe i cunaxümatü i ñaa ore i cumaxã tá nüxü̃ chixuxü̃: ‘Tataãẽgü ya yíxema tüxna naxuxe i norü ãmücüchixüwa ya Carnéruxacü’ ”, ñanagürü. Rü ñu̱xũchi ñanagürü ta: “Ngẽma nixĩ i Tupanaarü ore i aixcüma ixĩxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:5

Rü gumá yema tochicaxü̃wa rütocü rü ñanagürü: “Dücax, choma rü chanangexwacaxü̃xẽxẽ i guxü̃ma i ta̱xacü i ngẽxmaxü̃”, ñanagürü. Rü ñu̱xũchi ñanagürü ta: “¡Naxümatü i ñaa ore! Erü ñaa ore rü aixcüma nixĩ, rü ñaa nixĩ i ore i mexü̃ nax yaxõxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:11

Rü ñu̱xũchi wüxichigü ga yema duü̃xü̃güna nanaxã ga naxchiru ga máxü̃ rü cómüxü̃. Rü yema duü̃xü̃güãẽgüxü̃ ñanagürü: “¡Paxaãchi iperüngüe ñu̱xmatáta yangu i norü mu i ngẽma peenexẽgü i pexrüxü̃ Cristuarü puracüca̱x nada̱i̱xü̃!” ñanagürü.

2 Corintios 5:8

Rü ngẽmaca̱x taxuca̱xma taxoegaãẽgü ega tayuegu. Erü toxca̱x rü narümemae nixĩ nax nüxna ítachoxü̃xü̃ i ñaa toxone, nax tórü Corixü̃tawa tangexmagüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:17

Rü yema norü 7 ga orearü ngeruxü̃, rü buanecügumare nayabaãcu ga norü copu. Rü guma Tupanapata ya daxũguxü̃ i naanewa ngẽxmanewa inanaxũ ga wüxi ga naga ga tagaxü̃ ga yema Tupanaarü tochicaxü̃wa inaxũxü̃ ga ñaxü̃: “Marü ningu i ngẽma 7 i poxcu”, ñaxü̃.

Wiyaegü 19:11

Rü ngẽma curü mugü rü choxü̃ nüxü̃ nacua̱xẽxẽ naxü̃pa nax chixexü̃gu changuxü̃. Rü yíxema naga ĩnüexe i ngẽma curü mugü rü tá tanayauxgü i tümaarü ãmare.

Wiyaegü 85:13

Rü ngẽxguma tatanüwa nangẽxmagu ya Cori ya Tupana, rü tá aixcüma mea naxca̱x tamaxẽ. Rü nüma rü tá tüxü̃ narüngü̃xẽxẽ nax nacümagu ixĩxü̃.

1 Tesalonicenses 4:14

Rü yixema nax yaxõgüxü̃ nax Ngechuchu nayuxü̃ rü wena namaxü̃xü̃, rü ngẽxgumarüxü̃ ta tayaxõgü nax Tupana tá wüxigu Ngechuchumaxã ínadagüxẽxẽxü̃ i guxü̃ma i ngẽma nüxü̃́ yaxõgüãcüma yuexü̃.

1 Corintios 15:18

Rü chi aixcüma yixĩxgu nax tama wena namaxẽxü̃ i duü̃xü̃gü, rü ngẽma duü̃xü̃gü i Cristuaxü̃́ yaxõgüxü̃ i marü yuexü̃, rü chi ta taxũchima nüxü̃́ nangẽxma i maxü̃ i taguma gúxü̃.

Romanos 14:8

Erü ñu̱xma nax imaxẽxü̃, rü tórü Coriarü ngúchaü̃ nax ixügüxü̃ca̱x nixĩ i imaxẽxü̃. Rü ngẽxguma iyuegu, rü ngẽma rü ta tórü Corime̱xẽwa nangẽxma. Rü ngẽmaãcü nüxü̃ tadau rü woo imaxẽgu rü ẽ̱xna woo iyuegu, rü tórü Coriarü duü̃xü̃gü tixĩgü, rü naxme̱xwa tangexmagü.

Ore i mexü̃ ga Luca ümatüxü̃ 16:9

Rü pemaxã nüxü̃ chixu rü ngẽma diẽru i tama aixcüma mexü̃ i ñoma i naanewa pexü̃́ ngẽxmaxü̃ rü name nixĩ i ngẽmamaxã nüxü̃́ penangúchaü̃xẽxẽ i duü̃xü̃gü nax Tupanaxü̃tawa nangugüxü̃. Rü ngẽmaãcü i ngẽxguma nagu̱xgu i ngẽma ñoma i naanewa pexü̃́ ngẽxmaxü̃ rü peyuegu, rü tá pexü̃́ nangẽxma ya pemücügü ya pexü̃ yaxugüxü̃ i daxũguxü̃ i naanewa.

Ore i mexü̃ ga Matéu ümatüxü̃ 3:17

Rü daxũwa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü, rü poraãcü namaxã chataãẽxü̃chicü”, ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:4

Rü yexguma yema 7 e̱xpü̱xcüna nax naduruãchianexü̃guwena rü chanaxümatüchaü̃. Natürü nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Cuxicatama nüxü̃ nacua̱x i ngẽma 7 i duruanexü̃ nüxü̃ ixuxü̃! ¡Rü ngexrüma nax cunaxümatüxü̃!” ñaxü̃ choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:1

“Rü ñu̱xma chanaxwa̱xe i ngẽma Epéchiuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü. Rü chanaxwa̱xe i ñacurügü nüxü̃: ‘Ñaa nixĩ i norü ore ya yima norü tügüneme̱xẽwa 7 ya woramacuri nüxü̃́ ngẽxmacü. Rü nüma nixĩ i natanügu yanaxũũxü̃ i ngẽma 7 i omüarü üruü̃gü i úirunaxca̱x.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Danié 12:13

Natürü i cumax, Pa Danié rü name i cutaãxẽ ñu̱xmata nawa nangu i ngẽma ngunexü̃ i nagu curüngü̃xü̃. Rü ngẽxguma tá nawa nanguxgu nax ícurüdaxü̃ rü tá cunayaxu i curü ãmare ya Tupana tá cuxna ãxü̃ —ñanagürü.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:24

Rü nangẽxma i duü̃xü̃güarü pecadugü i noxtacüma ngóxü̃ naxü̃pa nax nüxna ica̱xaxü̃. Natürü nangẽxma i to i pecadugü i nawena nax nüxna ica̱xaxü̃gu ngóxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:25

Rü ngẽxgumarüxü̃ ta i ngẽma mexü̃ i duü̃xü̃gü ügüxü̃ rü meama nango̱x rü nüxü̃ tadaugü. Rü ngẽma chixexü̃ i duü̃xü̃gü ügüxü̃ rü tá nango̱xoma rü taxucürüwama guxü̃gu nicúecha.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:7

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i chixexü̃ rü tá tüxü̃ chanangõ̱xẽxẽ i norü o i ngẽma ori̱x i tüxü̃ maxẽxẽxẽxü̃ i Tupanaarü ori̱xnecüwa ngẽxmaxü̃’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.