Yema Cuáü̃ nüxü̃ dauxü̃ i yixcüra tá ngupetüxü̃chiga 12:1 - Tupanaarü Ore

¹ Rü ñu̱xũchi daxũwa nango̱x ga wüxi ga cua̱xruxü̃ ga taxü̃. Rü iyexma ga wüxi ga nge ga üa̱xcümaxã ãxchirucü. Rü tauemacüétügu ichi. Rü 12 ga woramacurigü nixĩ ga ngĩrü nga̱xcueruxü̃ ga ngĩeruwa yexmaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:1 Referans Kwoze

Ore i mexü̃ ga Luca ümatüxü̃ 21:25

Rü ngẽxguma rü tá nango̱x i cua̱xruxü̃gü. Rü üa̱xcü rü tauemacü rü woramacurigü rü tá nixĩgachitanü i nachicawa. Rü guxü̃ i nachixü̃anegüwa rü duü̃xü̃gü rü tá nanaxĩ̱xãchiãẽtanü rü tá naba̱i̱xãchie i ngẽxguma poraãcü naxãũgaãchigu i már arü yuapegü.

Efesios 5:32

Rü ngẽma orewa nango̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü ngẽmagu chanangu nax Cristu rü ngẽma yaxõgüxü̃ rü wüxitama yaxĩgüxü̃.

Ichaía 62:3

Rü cuma rü ñoma wüxi i ãẽ̱xgacüarü nga̱xcueruxü̃ i mexẽchixü̃ i Cori ya Tupaname̱xẽwa ngẽxmaxü̃rüxü̃ tá quixĩ.

Ore i mexü̃ ga Márcu ümatüxü̃ 13:25

Rü woramacurigü rü ẽxtagü rü tá narüyi. Rü guxü̃ma i daxũwa nüxü̃ idauxü̃ rü tá naxĩã̱xãchitanü.

Charumóü̃arü wiyae 6:10

¿Rü texé tixĩ ya daxe nua ngóxe ñoma ẽxü̃wa üa̱xcü yarügoxü̃rüxü̃? Rü ngĩma rü ñoma tauemacürüxü̃ imexẽchi. Rü ñoma üa̱xcürüxü̃ nangóonexẽxẽ. Rü ngĩma rü ñoma wüxi i churaratücumürüxü̃ iyixĩ nax taxucürüwa texé ngĩcha̱xwa iñaxü̃.

Ore i mexü̃ ga Luca ümatüxü̃ 21:11

Rü nümaxü̃ i nachixü̃anegüwa rü poraãcü tá naxĩã̱xãchiane, rü poraãcü tá nangu̱x i taiya, rü tá nataxüchi i da̱xaweane. Rü duü̃xü̃gü rü daxũwa tá nüxü̃ nadaugü i ta̱xacü i namaxã naba̱i̱xãchiexü̃ rü taxü̃ i cua̱xruü̃gü.

Wiyaegü 104:2

Rü cuma rü curü ngóonexü̃arü ngãxü̃wa cungexma. Rü cuma rü cuyangeechi ga daxũguxü̃ ga naane ñoma wüxi i tüeruxü̃ ingeechixü̃rüxü̃.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Norü taxre ga to ga popera ga ãẽ̱xgacügüchiga ümatüxü̃ 32:31

Rü wüxi ga ngunexü̃gu ga Babiróniaanearü ãẽ̱xgacügü rü Echequíaxü̃tawa nanamugü ga norü duü̃xü̃gü nax íyadaugüãxü̃ca̱x ga yema cua̱xruxü̃ ga Tupana Echequíamaxã nüxü̃ ixuxü̃ rü aixcüma naxca̱x yataane. Rü yexguma ga nüma ga Tupana rü Echequíaxü̃ naxü. Rü nüxna nixũgachi nax nüxü̃ nacuáxü̃ca̱x rü aixcüma nüxü̃ nangechaü̃ rü naga naxĩnü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:23

Rü yima ĩane rü taxuca̱xma üa̱xcü rü tauemacü nüxü̃ nabáxi, erü Tupanaarü ngóonexü̃tama nixĩ i nangóonexẽẽxü̃. Rü yimá Carnéruxacü nixĩ ya norü omü ixĩcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:1

Rü ñu̱xũchi ga daxũguxü̃ ga naanewa rü nüxü̃ chadau ga wüxi ga to ga taxü̃ ga cua̱xruxü̃ ga namaxã ibaixãchixü̃. Rü nayexma ga 7 ga orearü ngeruü̃gü ga daxũcüã̱x ga nüxü̃́ yexmagüxü̃ ga 7 ga poxcuruü̃gü. Rü yema guxchaxü̃gu nixĩ ga yagúxü̃ ga norü nu ga Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:3

Rü yemawena daxũwa nango̱x ga to ga cua̱xruxü̃. Rü yéma nayexma ga wüxi ga coya ga dauxü̃ ga taxüchixü̃ ga 7 ga naeru nüxü̃́ yexmaxü̃ rü 10 ga naxchata̱xcure. Rü wüxichigü ga naeruwa rü nüxü̃́ nayexma ga norü nga̱xcueruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:19

Rü ñu̱xũchi Tupanapata ga taxü̃ne ga daxũguxü̃ ga naanewa yexmane, rü niwãxna. Rü yéma norü aixepewa nango̱x ga yema baú ga Tupanaarü uneta nagu nuxü̃. Rü naxãẽmacüane, rü poraãcü nicuxcuane, rü naxĩã̱xãchiane rü poraãcü gáuxü̃ narüyi.

Ngechuchuarü ngúexü̃gü ga yamugüxü̃arü puracüchiga 2:19

Rü daxũwa tá ichanawe̱x i taxü̃ i cua̱xruü̃gü i chorü poramaxã chango̱xẽẽxü̃. Rü ñoma i naanewa tá ichanawe̱x i cua̱xruü̃gü i nagü, rü üxüema, rü caixanexü̃.

Ore i mexü̃ ga Matéu ümatüxü̃ 24:30

Rü ñu̱xũchi duü̃xü̃gü tá nüxü̃ nadaugü nax daxũwa ne nachü̱xüxü̃ ya Tupana Nane ya duü̃xü̃xü̃ ixĩcü. Rü guxü̃ i nachixü̃anecüã̱x i duü̃xü̃gü rü tá naxauxe. Rü tá nüxü̃ nadaugü ya Tupana Nane ya duü̃xü̃xü̃ ixĩcü i ngẽxguma taxü̃ i norü poramaxã rü ngóonexü̃maxã caixanexü̃gügu ínachü̱xüxüegu.

Chacaría 9:16

Rü ngẽma ngunexü̃gu rü Cori ya norü Tupana rü tá norü duü̃xü̃güxü̃ ínapoxü̃ ñoma carnérugüxü̃ ínapoxü̃xü̃rüxü̃. Rü norü duü̃xü̃gü rü ñoma ngã̱xcueruü̃arü nutaxacügürüxü̃ tá niyauratanücüxü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Gálatas 6:14

Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃.

Ore i mexü̃ ga Matéu ümatüxü̃ 12:38

Rü ñuxre ga Parichéugü rü Yudíugüarü ngúexẽẽruü̃gü ga ore ga mugüwa ngu̱xẽẽtaegüxü̃ rü ñanagürügü Ngechuchuxü̃: —Pa Ngúexẽẽruxü̃x, cuxü̃ tadauxchaü̃ nax cunaxüxü̃ i wüxi i cua̱xruxü̃ i Tupanaarü poramaxã cuxüxü̃ —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:14

Rü guma ĩanearü poxeguxü̃ rü 12 ga nuta ga taxüchicüétüwa inaxügü. Rü wüxichigü ga gumá 12 ga nutagüwa nango̱xéga ga yema 12 ga norü ngúexü̃gü ga gumá Carnéruxacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:20

Rü ñu̱xma rü tá cumaxã nüxü̃ chixu i ta̱xacüchiga nixĩ ya yimá 7 ya woramacurigü ya chorü tügüneme̱xẽwa nüxü̃ cudaucü rü ngẽma 7 i omüarü üruü̃gü i úirunaxca̱x. Rü yimá 7 ya woramacurigü ya nüxü̃ cudaucü, rü ngẽma nixĩ i ngẽma dauruü̃gü i ngẽma 7 tücumü i yaxõgüxü̃maxã icua̱xgüxü̃. Rü ngẽma 7 i omüarü üruü̃gü rü ngẽma nixĩ i ngẽma 7 tücumü i yaxõgüxü̃”, ñanagürü choxü̃.

Gálatas 3:27

Rü ñu̱xma nax Cristuégagu ípebaiü̃xü̃, rü Cristuarü pixĩgü, rü nüma rü pemaxã inacua̱x nax naxrüxü̃ pixĩgüxü̃ca̱x.

2 Corintios 11:2

Rü ngẽma nax pexü̃ chinuxuxü̃ rü ngẽma rü Tupanawa ne naxũ. Rü choma nixĩ ga Cristuna pexü̃ chamugüxü̃ nax noxrüxicatama pixĩgüxü̃ca̱x. Rü ngẽmaca̱x chanaxwa̱xe i ngearü chixexü̃ãxẽ Cristuxü̃ pexü̃ chawe̱x ñoma wüxi i pacü i taguma yatüxü̃ cua̱xcürüxü̃.

Ore i mexü̃ ga Cuáü̃ ümatüxü̃ 3:29

Rü wüxi i ngĩgüwa rü yimá yatü ya ingĩcü rü naxma̱xarü yora nixĩ. Rü yimá yatümücü i naxü̃tawa ngẽxmaxü̃ rü nüxü̃́ inarüxĩnü i norü ore. Rü nataãxẽ i ngẽxguma nüxü̃ naxĩnügu nax yadexaxü̃. Rü ngẽxgumarüxü̃ ta i choma rü aixcüma Cristumaxã chataãẽxü̃chi i ñu̱xmax.

Romanos 13:14

Rü name i nacüma pexĩ i tórü Cori ya Ngechuchu ya Cristu. Rü tama name i naxca̱x pedau nax pexenearü ngúchaü̃gu pexĩxü̃.

Gálatas 4:26

Natürü yema nge ga Abráü̃ naxma̱xü̃chi rü tama Agárüxü̃ iyixĩ. Rü ngĩne ga Ichaá rü nabu yerü Tupanaaxü̃́ nayaxõ ga Abráü̃ ga yexguma Tupana namaxã nüxü̃ ixuxgu rü tá nax nüxü̃́ nangẽxmaxü̃ ga wüxi ga nane. Rü ñu̱xma Pa Chauenexẽgüx, yixema rü ta tayaxõ i ngẽma Tupana tamaxã ixunetaxü̃. Rü ngẽmaca̱x i ñu̱xma rü tama ngẽma nũxcümaü̃güxü̃ i mugütüü̃wa tangexmagü. Rü ngẽmaãcü Abráü̃ naxma̱xü̃chixacügürüxü̃ tixĩgü. Rü ngẽmaãcü nüxü̃ tadau nax aixcüma Tupana yanguxẽẽxü̃ i norü ore ga Abráü̃ naxma̱xü̃chichiga ümatüxü̃ i ñaxü̃: “¡Nataãxẽ, Pa Ngecü i Ngexacücü! ¡Rü curü taãẽmaxã rüxáixnaxü̃ woo tagumachire̱x nax cuxãxãcüxü̃! Erü tá cuxãxãcü, rü ngẽma ngexü̃ i cuxü̃taxü̃ i cuteaxü̃́ ãxacüxü̃arü yexera tá cuxü̃́ nangẽxma i cuxacügü”, ñaxü̃.