Yema Cuáü̃ nüxü̃ dauxü̃ i yixcüra tá ngupetüxü̃chiga 1:17 - Tupanaarü Ore

¹⁷ Rü yexguma nüxü̃ chada̱u̱xgu, rü nape̱xegu chayangu ñoma chayuxü̃rüxü̃. Natürü ga nüma rü norü tügüneme̱xẽmaxã choxü̃ ningõgü, rü ñanagürü choxü̃: “¡Taxṹ i cumuü̃xü̃! Choma nixĩ i chaxíra chayexmaxü̃ rü guxü̃gutáma changexmaechaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:17 Referans Kwoze

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:13

Choma nixĩ i norü ügü i guxü̃ma, rü chowa nixĩ i yacuáxü̃, rü nataxuma i ta̱xacü i nüxíra ngẽxmaxü̃ rü nataxuma i ta̱xacü i choweama üxü̃.

Ichaía 41:4

¿Rü texé tixĩ ya nüxna namugüxe i ngẽma ãẽ̱xgacü i éstewa ne ũxü̃? ¿Rü texé tixĩ i namaxã icuáxe i guxü̃ma i ngẽma ñoma i naanewa ngupetüxü̃? Rü choma nax chaxicatama Tupana chixĩxü̃ nixĩ i chanaxüxü̃ i guxü̃ma i ngẽma. Rü choma rü woetama changexmaecha rü taguma icharüxo.

Ichaía 48:12

Rü ñanagürü ga Tupana: —¡Perüxĩnüe Pa Acóbuarü Duü̃xü̃güx, Pa Iraétanüxü̃x! Choma nixĩ i pexü̃ chadexü̃. Rü chaxicatama nixĩ ya Tupana chixĩxü̃, rü guxü̃guma changexmaecha rü taguma icharüxo.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:8

Rü yema chomaxã idexaxü̃ rü ñanagürü ta: “Chanaxwa̱xe i Echamírawa ngẽxmagüxü̃ i yaxõgüxü̃arü ãẽ̱xgacüca̱x cunaxümatü, rü ñacurügü tá: ‘Ñaa nixĩ i norü ore ya yimá Nüxíra Yexmacü rü Guxü̃guma Ngẽxmaechacü ga yucü rü wenaxarü maxü̃cü.

Echequié 1:28

Rü yema norü ya̱u̱xracüü ga caixanexü̃wa nango̱xgu rü ñoma chirapaema i pucügu nüxü̃ idauxü̃rüxü̃ nixĩ. Rü yemaacü nixĩ ga cha̱u̱xca̱x nangóxü̃ ga Cori ya Tupanaarü üüne. Rü yemaxü̃ chada̱u̱xgu rü ñaxtüanegu chanangücuchi.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:8

Rü nüma ya tórü Cori ya Tupana ya Guxü̃étüwa Ngẽxmacü ya Guxü̃guma Yexmacü rü Ñu̱xma Ngẽxmacü, rü Guxü̃gutáma Ngẽxmaechacü rü ñanagürü: “Chowa nixĩ ga inaxügüxü̃ ga guxü̃ma, rü chowa nixĩ i yacuáxü̃”, ñanagürü.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Danié 10:15

Rü yexguma yemaxü̃ chomaxã íyaxuyane rü charümaxãchi rü waixü̃müanegu chadawenü rü changeã̱xmare.

Ore i mexü̃ ga Matéu ümatüxü̃ 28:4

Rü yexguma yemaxü̃ nadaugügu ga churaragü rü norü muü̃maxã nidu̱xruxe, rü yexma niyuãchitanü.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Ínachoxü̃xü̃chiga 20:20

Rü nüma ga Moiché rü nanangãxü̃ rü ñanagürü nüxü̃: —¡Taxṹ i peba̱i̱xãchiexü̃! Erü nüma ya Tupana rü núma naxũ nax pexü̃ nawéaxü̃ca̱x i norü pora nax nüxü̃ pemuü̃exü̃ca̱x rü guxü̃guma naga pexĩnüexü̃ca̱x rü tama chixexü̃ pexügüxü̃ca̱x —ñanagürü.

Ínachoxü̃xü̃chiga 14:13

Rü yexguma ga Moiché rü nanangãxü̃ rü ñanagürü nüxü̃: —¡Taxuca̱xma pemuü̃e! ¡Rü mea iperüchomare rü naxca̱x perüdaunü nax ñuxãcü pexü̃ tá nax ínapoxü̃xü̃ ya Cori ya Tupana! Erü ngẽma Equítuanecüã̱xgü i ñu̱xma nüxü̃ pedauxü̃, rü tagutáma wena nüxü̃ pedaugü.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Ore i mexü̃ ga Cuáü̃ ümatüxü̃ 21:20

Rü yexguma nügüweama nada̱u̱xgu ga Pedru rü nüxü̃ nadau nax naweama ne naxũxü̃ ga yema ngúexü̃ ga Ngechuchu poraãcü nüxü̃ ngechaü̃xü̃. Rü nüma nixĩ ga chibüwa Ngechuchucüwawa natoxü̃ rü nüxna naca̱xaxü̃ rü ñaxü̃: “Pa Corix, ¿texé tá tixĩ ya yíxema bexma cuxü̃ íxuaxü̃xẽ?” ñaxü̃.

Ore i mexü̃ ga Cuáü̃ ümatüxü̃ 13:23

Rü wüxi ga norü ngúexü̃ ga poraãcü nüxü̃ nangechaü̃xü̃ rü yexguma nachibüeyane rü Ngechuchucüwawa narüto.

Abacú 3:16

Rü yexguma nüxü̃ chaxĩnügu ga yema ãũcümaxü̃ i tá cuxüxü̃ rü chamuü̃, rü poraãcü chidu̱xruchicüra. Rü taxucürüwa ichachi rü guxü̃ma i chauxune rü ínayaturaãchi. Natürü woo ngẽmaãcü nax yixĩxü̃ rü mea tá íchananguxẽxẽ i ngẽma ngunexü̃ ya Tupana tá nagu guxchaxü̃ naxca̱x íngu̱xẽẽxü̃ i ngẽma churaragü i chixexü̃ tamaxã ügüxü̃.

Ínachoxü̃xü̃chiga 3:6

Rü ñanagürü ta: —Rü choma nixĩ i curü o̱xigüarü Tupana chixĩxü̃. Rü choma nixĩ ga Abraáü̃arü rü Ichaáarü rü Acóbuarü Tupana chixĩxü̃ —ñanagürü. Rü yexguma ga Moiché rü nügü nidüxchiwe, yerü namuü̃ nax Tupanaxü̃ nadawenüxü̃.

Ore i mexü̃ ga Matéu ümatüxü̃ 14:27

Natürü ga Ngechuchu rü namaxã nidexa rü ñanagürü nüxü̃: —¡Peporae! rü choma chixĩ. ¡Rü taxṹ i pemuü̃exü̃! —ñanagürü.

Ore i mexü̃ ga Matéu ümatüxü̃ 28:5

Rü yexguma ga yema orearü ngeruxü̃, rü ñanagürü ngĩxü̃ ga yema ngecügü: —¡Taxṹ i pemuü̃exü̃! Choma nüxü̃ chacua̱x rü naxca̱x pedaugü ya Ngechuchu ga gumá curuchawa yapotagüãcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:4

Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.

Wiyaegü 139:5

Rü chorü guxü̃cüwawa cungexma rü chauétü cuwéme̱x.

Auxexü̃chiga 3:57

Rü ngẽma ngunexü̃ i nagu cuxna chacaxü̃gu rü chauxü̃tawa cuxũ, rü ñacugürü choxü̃: —¡Taxuca̱xma cumuü̃! —ñacurügü.