Popera ga Filemúü̃ca̱x naxümatüxü̃ ga Pauru 1:5 - Tupanaarü Ore

⁵ Erü nüxü̃ chacuáchiga nax aixcüma nüxü̃́ cuyaxõxü̃ ya tórü Cori ya Ngechuchu rü aixcüma nüxü̃ cungechaü̃xü̃ i guxü̃ma i duü̃xü̃gü i Tupanaarü ixĩgüxü̃.

Popera ga Filemúü̃ca̱x naxümatüxü̃ ga Pauru 1:5 Referans Kwoze

Colosenses 1:4

Rü marü nüxü̃ tacuáchiga nax aixcüma Ngechuchu ya Cristuaxü̃́ peyaxõgüxü̃, rü aixcüma nüxü̃ pengechaü̃güxü̃ i guxü̃ma i ngẽma duü̃xü̃gü i Tupanaarü ixĩgüxü̃.

Efesios 1:15

Rü ngẽmaca̱x, ñu̱xma nax nüxü̃ chacuáxü̃ nax aixcüma tórü Cori ya Ngechuchuaxü̃́ peyaxõgüxü̃ rü nax aixcüma nüxü̃ pengechaü̃güxü̃ i guxü̃ma i ngẽma togü i Tupanaarü ixĩgüxü̃, rü ngẽmaca̱x taguma nüxü̃ charüchau nax Tupanana pexca̱x moxẽ chaxãxü̃ rü pexna chacua̱xãchixü̃ i chorü yumüxẽwa.

1 Corintios 16:1

Rü ñu̱xma tá pemaxã nüxü̃ chixu ngĩchiga i ngẽma diẽru i penutaque̱xexü̃ nax ngĩmaxã nüxü̃ perüngü̃xẽẽgüxü̃ca̱x i taenexẽgü i yaxõgüxü̃ i Yudéaanewa ngẽxmagüxü̃. Rü ngẽma yaxõgüxü̃ i Gárataanewa ngẽxmagüxü̃ rü marü namaxã nüxü̃ chixu nax ngĩxü̃ nanutaque̱xegüxü̃ i ngẽma diẽru. Rü chanaxwa̱xe i pema rü ta ngẽxgumarüxü̃ penaxü.

Wiyaegü 16:3

Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.

Nüxíraxü̃xü̃ ga popera ga Cuáü̃ ümatüxü̃ 3:23

Rü nüma tüxü̃ namu nax Nane ya Ngechuchu ya Cristuaxü̃́ yaxõgüxü̃ rü yigü ingechaü̃güxü̃, yema nüma tüxü̃ namuxü̃rüxü̃.

Popera ga Filemúü̃ca̱x naxümatüxü̃ ga Pauru 1:7

Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Romanos 12:13

Rü name nixĩ i nüxü̃ perüngü̃xẽxẽ i ngẽma yaxõgüxü̃ i nüxü̃́ nataxuxü̃. ¡Rü mea penayaxu i ngẽma duü̃xü̃gü i pexü̃tagu naxĩanexü̃!

Ngechuchuarü ngúexü̃gü ga yamugüxü̃arü puracüchiga 20:21

Rü Yudíugümaxã rü yema tama Yudíugü ixĩgüxü̃maxã nüxü̃ chixu nax namexü̃ nax nüxü̃ naxoexü̃ca̱x ga norü chixexü̃gü rü Tupanaga naxĩnüexü̃ca̱x, rü nüxü̃́ nax yaxõgüãxü̃ca̱x ga tórü Cori ya Ngechuchu.

1 Tesalonicenses 3:6

Natürü ñu̱xma nax ínanguxü̃ i Timutéu nax petanüwa ne naxũxü̃, rü mexü̃ i ore i pechiga ngéma ne nange. Rü tomaxã nüxü̃ nixu nax mea peyaxõgüxü̃ rü pegü pengechaü̃güxü̃. Rü tomaxã nüxü̃ nixu nax guxü̃guma toxü̃ pengechaü̃güãcüma toxna pecua̱xãchiexü̃. Rü tomaxã nüxü̃ nixu ta nax poraãcü wena toxü̃ pedaugüchaü̃xü̃ ngẽxgumarüxü̃ i toma rü ta wena pexü̃ tadaugüchaüxü̃rüxü̃.