Popera ga Filemúü̃ca̱x naxümatüxü̃ ga Pauru 1:4 - Tupanaarü Ore

⁴ Rü guxü̃guma i ngẽxguma cuxna chacua̱xãchigu i chorü yumüxẽwa, rü Tupanana moxẽ chaxã cuxca̱x.

Popera ga Filemúü̃ca̱x naxümatüxü̃ ga Pauru 1:4 Referans Kwoze

Romanos 1:8

Rü ñu̱xma rü Ngechuchu ya Cristuégagu Tupanana moxẽ pexca̱x chaxã i wüxichigü i pema. Erü guxü̃ i naanewa rü duü̃xü̃gü nüxü̃ nixugügü nax aixcüma Cristuaxü̃́ peyaxõgüxü̃.

Norü taxre ga popera ga Timutéuca̱x naxümatüxü̃ ga Pauru 1:3

Guxü̃guma i chütacü rü ngunecü rü cuxna chacua̱xãchixü̃ i chorü yumüxẽwa, rü poraãcü cuxca̱x moxẽ Tupanana chaxã. Rü nüxü̃́ nixĩ i chapuracüxü̃ i mexü̃ i chauãẽmaxã, yexgumarüxü̃ ga nũxcümaü̃güxü̃ ga chorü o̱xigü naxügüxü̃rüxü̃.

2 Tesalonicenses 1:3

Pa Toenexẽgüx, guxü̃guma Tupanana moxẽ pexca̱x taxã. Rü name nixĩ nax ngẽmaãcü tanaxüxü̃, erü pema rü yexeraãcü peyaxõgüetanü, rü wüxichigü i pema rü yexeraãcü pegü pingechaü̃güetanü.

1 Tesalonicenses 1:2

Rü torü yumüxẽwa rü guxü̃guma pexna tacua̱xãchigü, rü pexca̱x Tupanana moxẽ taxã.

Colosenses 1:3

Rü guxü̃guma i ngẽxguma pexca̱x tayumüxẽgügu, rü moxẽ nüxna taxã ya Tupana ya Nanatü ya tórü Cori ya Ngechuchu ya Cristu.

Filipenses 1:3

Rü guxü̃guma i ngẽxguma pexna chacua̱xãchigu rü chorü Tupanana moxẽ chaxã.

Popera ga Filemúü̃ca̱x naxümatüxü̃ ga Pauru 1:5

Erü nüxü̃ chacuáchiga nax aixcüma nüxü̃́ cuyaxõxü̃ ya tórü Cori ya Ngechuchu rü aixcüma nüxü̃ cungechaü̃xü̃ i guxü̃ma i duü̃xü̃gü i Tupanaarü ixĩgüxü̃.