Popera ga Filemúü̃ca̱x naxümatüxü̃ ga Pauru 1:22 - Tupanaarü Ore

²² Rü ngẽxgumarüxü̃ ta chanaxwa̱xe nax cha̱u̱xca̱x cunamexẽẽxü̃ i wüxi i nachica i ngextá tá nawa changuxü̃ i cuxü̃tawa. Erü íchananguxẽxẽ nax Tupana tá nangãxü̃xü̃ i perü yumüxẽgü, rü tá choxü̃ nangü̃xẽxẽxü̃ nax pexü̃ íchayadauxü̃ca̱x.

Popera ga Filemúü̃ca̱x naxümatüxü̃ ga Pauru 1:22 Referans Kwoze

Filipenses 2:24

Rü ngẽxgumarüxü̃ ta chayaxõ nax nüma ya tórü Cori rü tá choxü̃ nangü̃xẽẽxü̃ nax chomatama ngéma petanüwa chaxũxü̃ca̱x.

2 Corintios 1:11

Natürü tanaxwa̱xe i pema rü perü yumüxẽmaxã toxü̃ perüngü̃xẽxẽ. Rü ngẽxguma ngẽmaãcü penaxü̱xgux, rü muxü̃ma i duü̃xü̃gü rü tá Tupanana moxẽ naxãgü naxca̱x i ngẽma ngü̃xẽxẽ i nüma toxna naxãxü̃.

Norü taxre ga popera ga Cuáü̃ ümatüxü̃ 1:12

Choxü̃́ nangẽxma i muxü̃ma i ore i pemaxã nüxü̃ chixuxchaü̃xü̃. Natürü tama chanaxwa̱xe nax poperawa pemaxã nüxü̃ chixuxü̃. Erü petanüwa íchayadauxchaü̃ nax chomatama pemaxã nüxü̃ chixuxü̃ca̱x nax ngẽmaãcü wüxigu aixcüma itaãẽgüxü̃ca̱x.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.

Ngechuchuarü ngúexü̃gü ga yamugüxü̃arü puracüchiga 28:23

Rü yexguma Paurumaxã inaxunetagü ga wüxi ga ngunexü̃, rü napatawa naxĩ ga muxü̃ma ga duü̃xü̃gü. Rü Pauru namaxã nüxü̃ nixu ga Tupanaarü ore ga ñuxãcü ãẽ̱xgacü nax yixĩxü̃ ya Tupana. Rü pa̱xmama inanaxügü, rü ñu̱xmata nachütaxü̃ rü nüxü̃́ nanangúchaü̃xẽxẽ ga yema duü̃xü̃gü nax Ngechuchuaxü̃́ yaxõgüãxü̃ca̱x. Rü yemaca̱x Moiché ümatüxü̃ ga mugüwa rü nũxcümaü̃güxü̃ ga Tupanaarü orearü uruü̃gü ümatüxü̃ ga orewa namaxã nüxü̃ nixu ga Ngechuchuchiga.

Norü tomaepü̱x ga popera ga Cuáü̃ ümatüxü̃ 1:14

Erü choma rü nagu charüxĩnü nax paxa tá cuxü̃ íchayadauxü̃, rü ngẽxguma rü mea tá cumaxã chidexa.

Popera ga Yudíugü ga yaxõgüxü̃ca̱x ümatüxü̃ 13:23

Rü chanaxwa̱xe nax nüxü̃ pecuáxü̃ rü taenexẽ ya Timutéu rü marü ínanguxuchi ga nax napoxcuxü̃. Rü ngẽxguma tá paxa nua chauxü̃tawa nanguxgu, rü tá ngéma petanüwa chanaga i ngẽxguma pexü̃ íchayada̱u̱xgu.

Popera ga Yudíugü ga yaxõgüxü̃ca̱x ümatüxü̃ 13:19

Rü ngẽma guxü̃arü yexera pexna naxca̱x chaca̱xaxü̃ nixĩ nax cha̱u̱xca̱x peyumüxẽgüxü̃ nax Tupana choxü̃́ natauxchaxẽẽxü̃ca̱x nax paxa pexca̱x chataeguxü̃ca̱x.

Romanos 15:24

Rü ngẽxguma Españawa chaxũxgu, rü nagu charüxĩnü nax woe pexü̃tagu íchidauxü̃. Rü nagu charüxĩnü nax ñuxre i ngunexü̃ ngẽxma petanügu charüxã́ũxü̃. Rü wüxi i chorü taãxẽ tá nixĩ i ngẽma. Rü ngẽmawena rü chanaxwa̱xe i choxü̃ perüngü̃xẽxẽ nax Españawa chaxũxü̃ca̱x.

Ngechuchuarü ngúexü̃gü ga yamugüxü̃arü puracüchiga 27:24

Rü ñanagürü choxü̃: “¡Taxṹ i cumuü̃xü̃, Pa Paurux! Erü Rómaarü ãẽ̱xgacü ya Chécharupe̱xewa tá cungu, rü cugagu tá Tupana nanamaxẽxẽxẽ i guxü̃ma i ngẽma cumücügü i cumaxã ngẽxma wapurugu ĩxü̃”, ñanagürü choxü̃.