Popera ga Filemúü̃ca̱x naxümatüxü̃ ga Pauru 1:14 - Tupanaarü Ore

¹⁴ Natürü tama chanaxwa̱xe nax chanaxüxü̃ i ta̱xacü i tama cuãẽguxü̃. Erü ngẽma ngü̃xẽxẽ i cuxna naxca̱x chacaxü̃ rü tama chanaxwa̱xe nax chorü mugagu cunaxüxü̃, natürü chanaxwa̱xe i curü ngúchaü̃tama yixĩxü̃ i ngẽma.

Popera ga Filemúü̃ca̱x naxümatüxü̃ ga Pauru 1:14 Referans Kwoze

2 Corintios 9:7

Rü wüxichigü tanaxwa̱xe nax ngĩxü̃ itaxãxü̃ i ngẽma ngĩgu tarüxĩnücü nax ñuxre ngĩxü̃ itaxãxchaü̃xü̃. Rü tama name i aüãcüma ngĩxü̃ itaxã rü ẽ̱xna texé tüxü̃ muãcüma ngĩxü̃ itaxã. Erü Tupana rü nüxü̃ nangechaü̃ i ngẽma duü̃xü̃ i taãẽãcüma ngĩxü̃ ixãxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:17

Pa Chorü Tupanax, choma nüxü̃ chacua̱x nax guxü̃guma mea cunangugüxü̃ i torü ĩnü rü namaxã cutaãẽxü̃ nax tixaixcümagüxü̃. Rü ngẽmaca̱x aixcüma mexü̃gu charüxĩnüãcüma chorü ngúchaü̃maxã cuxna chanana i guxü̃ma i ñaa ãmaregü. Rü ñu̱xma rü chataãxẽ erü nüxü̃ chadau i ñaa curü duü̃xü̃gü i nuxã ngutaque̱xexü̃ rü guxü̃ma i norü ngúchaü̃maxã cuxna nanana i ngẽma norü ãmaregü.

2 Corintios 9:5

Rü ngẽmaca̱x nixĩ i cha̱u̱xca̱x namexü̃ nax naxca̱x íchaca̱xaxü̃ i ngẽma taenexẽgü nax nüxíra petanüwa naxĩxü̃ca̱x rü nümatama pexü̃ yanangü̃xẽẽgüxü̃ca̱x nax ngĩxü̃ penutaque̱xegüxü̃ca̱x i ngẽma diẽru ga ü̃pamama ngĩxü̃ pixucü. Rü ngẽmaãcü aixcüma tá íimemare i ngẽma diẽru i ngẽxguma ngéma changuxgu. Rü ngẽmaãcü togü tá nüxü̃ nadaugü nax aixcüma perü ngúchaü̃maxã yixĩxü̃ nax ngĩxü̃ ipexãgüxü̃ rü tama aüãcüma.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

2 Corintios 1:24

Rü toma rü tama pexü̃ taxucu̱xegüecha nax Tupanaaxü̃́ peyaxõgüxü̃, erü pema rü marü meama peyaxõgü. Natürü ngẽma tanaxwa̱xexü̃ nixĩ nax pexü̃ tarüngü̃xẽẽgüxü̃ nax yexeraãcü peporaexü̃ca̱x i perü õwa.

1 Corintios 9:17

Rü ngẽxguma chi chaugagu chitama chanaxüxgu i ngẽma puracü, rü nagu chi charüxĩnü nax choxü̃́ naxãtanüxü̃. Natürü ngẽxguma Tupana choxü̃ muxü̃ãcüma chanaxüxgu, rü chanaxüama erü woetama ngẽma nixĩ i chorü puracü ga Tupana choxna ãxü̃.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

1 Corintios 9:7

¿Ta̱xacü rü duü̃xü̃ i churarawa ũxü̃ i nügüxü̃tama naxütanüxü̃ i norü õna? ¿Rü ta̱xacürü duü̃xü̃ i úba itoxü̃ i tama namúxü̃ i norü o? ¿Rü ta̱xacürü duü̃xü̃ i carnérugüna dauxü̃ i tama nagünenixü̃ ne ixaxüxü̃?”