Popera ga Filemúü̃ca̱x naxümatüxü̃ ga Pauru 1:13 - Tupanaarü Ore

¹³ Chierüx chanaxwa̱xe nax nuxma chauxü̃tagu naxã́ũxü̃ nax cuchicüxü choxü̃ nangü̃xẽẽxü̃ca̱x i ñu̱xma nax Tupanaarü oreca̱x chapoxcuxü̃.

Popera ga Filemúü̃ca̱x naxümatüxü̃ ga Pauru 1:13 Referans Kwoze

Filipenses 1:7

Rü aixcüma name nax ngẽmaãcü pemaxã nagu charüxĩnüxü̃ i guxãma i pemax, erü poraãcü pexü̃ changechaü̃ rü Tupana rü wüxigu tüxü̃ narüngü̃xẽxẽ i guxãma i yixema. Rü woo ñu̱xma nax chapoxcuxü̃ rüe̱xna ega ãẽ̱xgacügüpe̱xewa choxü̃ nagagügu, rü Tupana choxü̃ narüngü̃xẽxẽ i ngẽxguma norü oreétüwa chidexagu rü ãẽ̱xgacügümaxã nüxü̃ chixuxgu nax ngẽma orewa yixĩxü̃ i nüxü̃ iyarünga̱u̱xü̃ i tórü maxü̃ i taguma gúxü̃. Rü nüxü̃ chacua̱x rü ngẽma choxü̃ nangü̃xẽẽxü̃ãcüma, rü pexü̃ rü ta narüngü̃xẽxẽ.

Efesios 3:1

Rü ñu̱xma i choma i Pauru rü chapoxcu erü Ngechuchu ya Cristuarü puracü chaxü nax pexü̃ charüngü̃xẽẽxü̃ca̱x i pemax i tama Yudíugü nax pixĩgüxü̃.

1 Corintios 16:17

Rü ñu̱xma nax taxucürüwama chauxü̃tawa pengẽxmagüxü̃, rü wüxi ga chorü taãxẽ nixĩ nax núma naxĩxü̃ ga taenexẽgü ga Etéfana rü Fortunátu rü Acáicu. Rü yema taenexẽgü ga núma ĩxü̃ rü pexü̃ nixuchigagü rü yemaacü choxü̃ nataãẽxẽẽgü ga yema pexü̃ nax nataãẽxẽẽgüxü̃rüxü̃. Rü tanaxwa̱xe i naga pexĩnüe rü nüxü̃ pengechaü̃ i ngẽma duü̃xü̃gü i ngẽmagürüxü̃ ixĩgüxü̃.

Popera ga Filemúü̃ca̱x naxümatüxü̃ ga Pauru 1:1

Pa Toenexẽ i Filemúü̃ i Toxrüxü̃ Tupanaarü Puracüwa Puracüxex, choma i Pauru rü taenexẽ i Timutéumaxã cuxca̱x tanaxümatü i ñaa popera. Rü choma rü nuxã chapoxcu nagagu nax nüxü̃ chixuxü̃ ya Ngechuchu ya Cristuarü ore.

Filipenses 2:30

Yerü nüma ga Epaporudítu rü yema nax poraãcü Cristuarü puracüwa napuracüxü̃ rü wixguxüchi taa̱x nayu. Rü ãũcümaxü̃wa nügü nayexmaxẽxẽ nax pechicüxü choxü̃ nangü̃xẽẽxü̃ca̱x.

Efesios 4:1

Rü ñu̱xma i choma nax Cristuaxü̃́ chapuracüxü̃gagu chapoxcuxü̃, rü pexü̃ chaca̱xaxü̃ nax ngẽma duü̃xü̃gü ga Tupana naxca̱x naca̱xaxü̃rüxü̃ mea pemaxẽxü̃. Rü pexca̱x nixĩ ga naca̱xaxü̃ ga Tupana nax norü duü̃xü̃gü pixĩgüxü̃ca̱x.

Popera ga Filemúü̃ca̱x naxümatüxü̃ ga Pauru 1:10

Rü ngẽmaca̱x cuxna naxca̱x chaca i wüxi i ngü̃xẽxẽ naxca̱x i chaune i Onéchimu i nua poxcupataü̃wa chauxü̃tawa Cristuxü̃ yaxuxü̃. Rü ngẽmaca̱x i ñu̱xma rü Tupanaarü orewa rü chaune nixĩ.

Popera ga Filemúü̃ca̱x naxümatüxü̃ ga Pauru 1:12

Rü ñu̱xma rü cuxca̱x chanatáeguxẽxẽ i nüma i Onéchimu. Rü chanaxwa̱xe i mea cunayaxu, ñoma choxü̃ cuyaxuxü̃rüxü̃.