Popera ga Filemúü̃ca̱x naxümatüxü̃ ga Pauru 1:10 - Tupanaarü Ore

¹⁰ Rü ngẽmaca̱x cuxna naxca̱x chaca i wüxi i ngü̃xẽxẽ naxca̱x i chaune i Onéchimu i nua poxcupataü̃wa chauxü̃tawa Cristuxü̃ yaxuxü̃. Rü ngẽmaca̱x i ñu̱xma rü Tupanaarü orewa rü chaune nixĩ.

Popera ga Filemúü̃ca̱x naxümatüxü̃ ga Pauru 1:10 Referans Kwoze

Colosenses 4:9

Rü Tíquicumaxã petanüwa chanamu i Onéchimu, ya taenexẽ ya nüxü̃ ingechaü̃gücü ya aixcüma mea Tupanaarü puracü ücü. Rü nüma rü petanüxü̃ nixĩ. Rü nümagü tá nixĩ i pemaxã nüxü̃ yaxugüxü̃ nax ta̱xacü ngupetüxü̃ i núma.

1 Corintios 4:15

Rü woo nangẽxmagu i 10,000 i perü ngu̱xẽẽruü̃gü i Cristuchiga pexü̃ ngúexẽẽxü̃, natürü chaxicatama nixĩ i penatü chixĩxü̃ i Tupanaarü orewa. Yerü chaxíra nixĩ ga pemaxã nüxü̃ chixuxü̃ ga Tupanaarü ore i mexü̃, rü chauxü̃tawa nixĩ ga penayaxuxü̃ ga Ngechuchu ya Cristu.

Gálatas 4:19

Pa Chauxacügüx, wenaxarü ñoma wüxi i mama ngĩxacümaxã ngu̱xnecacürüxü̃ poraãcü pexca̱x ngúxü̃ chinge nax aixcüma mea Cristuaxü̃́ peyaxõgüxü̃ca̱x rü aixcüma naxca̱x nax pemaxẽxü̃ca̱x. Rü ngẽmaãcü tá chixĩ ñu̱xmatáta Cristu naxwa̱xexü̃rüxü̃ pixĩgü i perü maxü̃wa.

Popera ga Títoca̱x naxümatüxü̃ ga Pauru 1:4

Pa Títox, cuma rü chaune quixĩ i Tupanaarü orewa. Rü ñu̱xma rü chauxrüxü̃ cuyaxõ. Rü chanaxwa̱xe i cuxü̃ narüngü̃xẽẽgü rü cuxü̃ nataãẽxẽẽgü ya Tanatü ya Tupana rü Ngechuchu ya Cristu ya tórü Maxẽxẽxẽruxü̃.

2 Chamué 18:5

Rü ñu̱xũchi ga nüma ga ãẽ̱xgacü rü nayaxucu̱xẽgü ga Yoá rü Abichái rü Itái, rü ñanagürü nüxü̃: —¡Mea namaxã pechopetü ya yimá ngextü̱xücü ya Acharóü̃! —ñanagürü. Rü guxü̃ma ga norü churaragü rü nüxü̃ naxĩnüe ga yexguma ãẽ̱xgacü yema ñaxgu nüxü̃ ga yema churaragüerugü nachiga ga Acharóü̃.

Ore i mexü̃ ga Márcu ümatüxü̃ 9:17

Rü wüxi ga yema duü̃xü̃gü ga yéma yexmagüxü̃ rü nanangãxü̃, rü ñanagürü: —Pa Ngúexẽxẽruxü̃, nua cuxca̱x tüxü̃ chaga ya chaune, erü tümawa nangẽxma i wüxi i ngo̱xo i tüxü̃ ngegaxẽẽxü̃.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

1 Corintios 4:14

Tama pexca̱x chanaxümatü i ngẽmachiga nax pexü̃ chaxãneexẽẽxü̃ca̱x. Natürü pexca̱x chanaxümatü nax pexü̃ chixucu̱xẽgüxü̃ca̱x chauxacügürüxü̃ erü pexü̃ changechaü̃.

Popera ga Filemúü̃ca̱x naxümatüxü̃ ga Pauru 1:11

Rü ü̃pa ga Onéchimu rü wüxi ga curü mugüruxü̃ ga taxuwama cuxü̃́ mexü̃ nixĩ. Natürü i ñu̱xma rü cuxü̃́ rü choxü̃́ rü ta name.

Popera ga Filemúü̃ca̱x naxümatüxü̃ ga Pauru 1:13

Chierüx chanaxwa̱xe nax nuxma chauxü̃tagu naxã́ũxü̃ nax cuchicüxü choxü̃ nangü̃xẽẽxü̃ca̱x i ñu̱xma nax Tupanaarü oreca̱x chapoxcuxü̃.

Norü tomaepü̱x ga popera ga Cuáü̃ ümatüxü̃ 1:4

Rü ngẽma guxü̃arü yexera namaxã chataãẽxü̃ nixĩ i ngẽxguma nüxü̃ chaxĩnügu nax mea Tupanaarü ore nüxü̃ ixuxü̃ãcüma namaxẽxü̃ i ngẽma yaxõgüxü̃.