Popera ga Filemúü̃ca̱x naxümatüxü̃ ga Pauru 1:1 - Tupanaarü Ore

¹ Pa Toenexẽ i Filemúü̃ i Toxrüxü̃ Tupanaarü Puracüwa Puracüxex, choma i Pauru rü taenexẽ i Timutéumaxã cuxca̱x tanaxümatü i ñaa popera. Rü choma rü nuxã chapoxcu nagagu nax nüxü̃ chixuxü̃ ya Ngechuchu ya Cristuarü ore.

Popera ga Filemúü̃ca̱x naxümatüxü̃ ga Pauru 1:1 Referans Kwoze

Efesios 3:1

Rü ñu̱xma i choma i Pauru rü chapoxcu erü Ngechuchu ya Cristuarü puracü chaxü nax pexü̃ charüngü̃xẽẽxü̃ca̱x i pemax i tama Yudíugü nax pixĩgüxü̃.

Popera ga Filemúü̃ca̱x naxümatüxü̃ ga Pauru 1:9

Natürü tama chanaxwa̱xe i ngẽmaãcü cuxü̃ chamu, erü cuxü̃ changechaü̃. Rü ngẽmaca̱x cha̱u̱xca̱x narümemae nixĩ nax cuxü̃ chaca̱xaxü̃ naxca̱x i ngẽma ngü̃xẽxẽ. Rü choma i Pauru rü marü chaya rü ñu̱xma rü Ngechuchu ya Cristuca̱x chapoxcu.

Colosenses 1:1

Pa Chauenexẽgü ya Coróchaarü Ĩanewa Ngẽxmagüxex, choma i Pauru rü wüxigu namaxã i taenexẽ i Timutéu nixĩ i pexca̱x tanaxümatüxü̃ i ñaa popera. Rü choxü̃ nixĩ ga Tupana ga inamuãchixü̃ nax nüxü̃ chixuchigüxü̃ca̱x ya Ngechuchu ya Cristuarü ore. Rü pexca̱x chanaxümatü i pema ya chauenexẽgü ya Tupanaarü duü̃xü̃gü ixĩgüxe ya Cristuaxü̃́ yaxõgüxe. Rü chanaxwa̱xe i Tanatü ya Tupana pexü̃ rüngü̃xẽẽxü̃ nax aixcüma pegü pengechaü̃güxü̃ca̱x rü petaãẽgüxü̃ca̱x.

Filipenses 2:25

Rü ngẽxgumarüxü̃ ta cha̱u̱xca̱x name nixĩ i ngéma petanüwa chanamuxü̃ i taenexẽ i Epaporudítu. Rü nüma nixĩ ga pematama cha̱u̱xca̱x núma penamuxü̃ nax choxü̃ nangü̃xẽẽxü̃ca̱x. Rü nüma rü chomücü nixĩ i Tupanaarü puracüwa, rü poraãcü choxü̃ narüngü̃xẽxẽ i ta̱xacü choxü̃́ taxuxü̃wa.

1 Corintios 3:9

Rü toma rü wüxigu Tupanaaxü̃́ tapuracüe. Rü ngẽmaãcü nixĩ i perü maxü̃wa napuracüxü̃ ya Tupana nax nüma nanaxwa̱xexü̃ãcüma noxrü pixĩgüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 1:8

Rü tama chanaxwa̱xe nax cuxãnexü̃ nax nüxü̃ quixuxü̃ i tórü Corichiga. Rü ngẽxgumarüxü̃ ta tama chanaxwa̱xe nax cha̱u̱xca̱x cuxãnexü̃ i ñu̱xma nax chapoxcuxü̃ naxca̱x i Tupanaarü ore. Rü name nixĩ i yáxna namaxã cuxĩnü i ngẽma ngúxü̃ i cuxca̱x ínguxü̃ nagagu i ngẽma ore i mexü̃ i nüxü̃ quixuxü̃. Rü Tupana tá cuxü̃ naporaxẽxẽ.

1 Tesalonicenses 3:2

Rü nagu tarüxĩnüe nax pexü̃tawa tanamuxü̃ ga taenexẽ ga Timutéu nax pexü̃ íyadauxü̃ca̱x. Rü nüma nixĩ i Tupanaarü puracütanüxü̃ i wüxigu tomaxã puracüxü̃ nax nüxü̃ tixuxü̃ca̱x i ngẽma ore i mexü̃ i Cristuchiga. Rü yéma petanüwa tanamu nax pexü̃ nangü̃xẽẽxü̃ca̱x nax yexeraãcü peyaxõgüxü̃ca̱x rü aixcüma petaãẽgüxü̃ca̱x rü yemaacü taguma texé ga petanüwa nüxü̃ rüxoxü̃ca̱x ga yexguma yema guxchaxü̃gü pexü̃́ yexmagu. Erü pematama marü nüxü̃ pecua̱x nax guxãma i yixema nax yaxõgüxü̃ rü ngúxü̃ tá tingegü.

Colosenses 4:11

Rü ngẽxgumarüxü̃ ta pexü̃ narümoxẽ ya taenexẽ ya Yechú ya Ixaixcümacügu ãégacü. Rü ngẽma tomaepü̱x i yatügü rü ngexicatama nixĩ i Yudíugü i yaxõgüxü̃ i wüxigu chomaxã puracüexü̃ i Tupanaarü puracüwa. Rü nümagü rü poraãcü choxü̃ nataãẽxẽẽgü.

Filipenses 4:3

Rü cumax, Pa Chomücü ya Mecü i Wüxigu Tupanaarü Puracüwa Chomaxã Puracücüx, rü cuxna naxca̱x chaca nax nüxü̃ curüngü̃xẽẽxü̃ca̱x i ngẽma taxre i taeya̱xgü. Erü nümagü rü wüxigu chomaxã rü Creméntemaxã rü ngẽma togü i chomücügü i Tupanaarü poperawa marü ngo̱xégagüxü̃maxã napuracüe i Tupanaarü orearü uwa.

Efesios 4:1

Rü ñu̱xma i choma nax Cristuaxü̃́ chapuracüxü̃gagu chapoxcuxü̃, rü pexü̃ chaca̱xaxü̃ nax ngẽma duü̃xü̃gü ga Tupana naxca̱x naca̱xaxü̃rüxü̃ mea pemaxẽxü̃. Rü pexca̱x nixĩ ga naca̱xaxü̃ ga Tupana nax norü duü̃xü̃gü pixĩgüxü̃ca̱x.

2 Corintios 1:1

Pa Chauenexẽgü i Tupanaaxü̃́ Yaxõgüxü̃ i Coríntiuwa, rü Guxü̃ma i Acáyaanewa Ngẽxmagüxü̃, choma i Pauru nixĩ i pexü̃ charümoxẽxü̃ rü pexca̱x chanaxümatüxü̃ i ñaa popera wüxigu namaxã i taenexẽ i Timutéu. Rü choma nixĩ ya Tupana norü ngúchaü̃maxã choxü̃ unetaxü̃ nax Ngechuchu ya Cristu choxü̃ imuxü̃ca̱x nax norü orexü̃ chixuxü̃ca̱x.

Popera ga Filemúü̃ca̱x naxümatüxü̃ ga Pauru 1:24

Rü ngẽxgumarüxü̃ ta moxẽ cuxca̱x ngéma namugü i Márcu, rü Aristárcu, rü Dema rü Luca. Rü nümagü rü chomücügü nixĩgü i Tupanaarü puracüwa.

2 Tesalonicenses 1:1

Pa Toenexẽgü i Yaxõgüxü̃ i Techarónicawa Ngẽxmagüxü̃, choma i Pauru namaxã i taenexẽgü i Chilbánu rü Timutéu nixĩ i tanaxümatüxü̃ i ñaa popera pexca̱x i pema i Tanatü ya Tupana rü tórü Cori ya Ngechuchu ya Cristuarü duü̃xü̃gü ixĩgüxü̃.

Efesios 6:20

Rü Tupana rü choxü̃́ ningucuchixẽxẽ nax nachicüü duü̃xü̃gümaxã nüxü̃ chixuxü̃ca̱x i norü ore. Rü ngẽma oregagu nixĩ i chapoxcuxü̃ i ñu̱xmax. ¡Rü cha̱u̱xca̱x peyumüxẽgü nax tama chamuü̃ãcüma nüxü̃ chixuxü̃ca̱x i ngẽma norü ore!

Ngechuchuarü ngúexü̃gü ga yamugüxü̃arü puracüchiga 16:1

Rü Dérbewa rü Lístrawa nangugü ga Pauru rü Chíra. Rü yéma nayexma ga wüxi ga yaxõcü ga Timutéugu ãégacü. Rü naé rü wüxi ga Yudíu ga yaxṍxe tixĩ. Rü nanatü rü wüxi ga Griégu nixĩ.

Gálatas 3:26

Rü ñu̱xma nax Ngechuchu ya Cristuaxü̃́ peyaxõgüxü̃, rü Tupanaxacügü pixĩgü i guxãma i pemax.

Filipenses 1:1

Pa Toenexẽgü ya Pirípuwa Ngẽxmagüxex, choma i Pauru rü namaxã i taenexẽ i Timutéu nixĩ i pexca̱x tanaxümatüxü̃ i ñaa popera. Rü toma rü Ngechuchu ya Cristuarü puracütanüxü̃ tixĩgü. Rü pexca̱x tanaxümatü i pema i yaxõgüxü̃arü ãẽ̱xgacügü nax pixĩgüxü̃, rü pema i Tupanapatawa ngü̃xẽẽruü̃gü nax pixĩgüxü̃, rü guxãma i pema ya Ngechuchu ya Cristuaxü̃́ yaxõgüxe.

Popera ga Filemúü̃ca̱x naxümatüxü̃ ga Pauru 1:23

Rü moxẽ cuxca̱x ngéma namu i Epáparu. Rü nüma rü wüxigu chomaxã napoxcu naxca̱x ya Ngechuchu ya Cristu.