Ochéa 9:9 - Tupanaarü Ore

⁹ Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Ochéa 9:9 Referans Kwoze

Ochéa 10:9

Rü Tupana rü ñanagürü: —Pa Iraétanüxü̃x, pema rü tama nüxü̃ perüxoe nax chixexü̃ pexügüxü̃. Rü yexguma Guibeáwa penaxügügumama nixĩ nax pecadu pexügüechaxü̃, rü ñu̱xma rü ta rü tama nüxü̃ perüxoeéga. Rü ngẽmagagu rü Guibeágu tá daigu nayue i ngẽma chixexü̃gu maxẽxü̃.

Ãẽ̱xgacügü ga guxchaxü̃güarü mexẽxẽruü̃gü 19:16

Rü düxwa marü nachütagu yéma taxüpetü ga wüxi ga o̱xi ga tümaanewa puracüwa ne ũxẽ. Rü guxema o̱xi rü Efraíü̃tanüxü̃arü ma̱xpǘnecüã̱x tixĩ. Rü yexma Guibeágu taxãchiü̃ woo tama yémacüã̱x tixĩ. Rü yema duü̃xü̃gü ga Guibeáwa maxẽxü̃ rü Bẽyamíü̃tanüxü̃ nixĩgü.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Ichaía 31:6

¡Pa Iraétanüxü̃x, naxca̱x pewoegu ya yimá ngóxü̃wama nüxü̃ pexoecü!

Ichaía 24:5

Rü ngẽma duü̃xü̃gü i nawa maxẽxü̃ i ñoma i naane rü chixexü̃maxã nanapáxẽẽgü, erü tama nayanguxẽẽgü i Tupanaarü mugü, rü tama naga naxĩnüe i norü ucu̱xẽgü. Rü woo Tupanamaxã nüxü̃ nixugüe nax guxü̃gutáma yanguxẽẽgüãxü̃ ga yema uneta ga Tupanamaxã naxügüxü̃, natürü tama aixcüma nayanguxẽẽgü.

Ãẽ̱xgacügü ga guxchaxü̃güarü mexẽxẽruü̃gü 19:12

Rü nüma ga Lebítanüxü̃ rü nanangãxü̃ rü ñanagürü: —Taxũtáma wüxi ya ĩane ya tama Iraétanüxü̃arü ĩanegu tayapegü. ¡Rü ngĩxã itaxĩ ñu̱xmatáta Guibeáwa ingugü! Rü narümemae nixĩ nax Guibeágu rüe̱xna Ramágu yarüpegüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 20:43

Rü nüma ga Iraétanüxü̃ rü yema Bẽyamíü̃tanüxü̃xü̃ ínachoeguãchi rü nawe nangẽgü. Rü Menuáwa inanaxügüe nax nadaiaxü̃ rü ñu̱xmata Guibeáarü éstewa nangugü.

Yeremía 14:10

Rü nüma ya Cori ya Tupana rü ñanagürü nachiga i ngẽma Iraétanüxü̃: —Ñaa duü̃xü̃gü rü norü me nixĩ nax choxna yaxĩgachixü̃ naxca̱x i tupananetagü. Rü ngẽmaca̱x tama taãẽãcüma nüxü̃ chadawenü. Rü ñu̱xma rü tá nüxna chacua̱xãchi i norü pecadugü, rü tá nüxna chaca naxca̱x i norü chixexü̃ —ñanagürü.

Ochéa 4:9

Rü ngẽmaca̱x i choma rü duü̃xü̃güxü̃ chapoxcuexü̃rüxü̃ tátama chanapoxcue i ngẽma chacherdótegü naxca̱x i nacüma i chixexü̃.

Ochéa 5:8

¡Rü Guibeáwa peyacue ya cornéta, rü Ramáwa rü ta peyacue nax nangutaque̱xegüxü̃ca̱x i duü̃xü̃gü! ¡Rü Bex-abéü̃wa rü tagaãcü duü̃xü̃gümaxã nüxü̃ pixu nax nügü namexẽẽgüxü̃ca̱x nax daiwa naxĩxü̃ca̱x! ¡Rü Bẽyamíü̃tanüxü̃maxã nüxü̃ pixu nax nügü namexẽxẽgüxü̃ca̱x!

Ochéa 7:2

Rü nümagü rü tama nagu narüxĩnüe nax choma nüxü̃ chadauxü̃ i guxü̃ma i ngẽma chixexü̃gü i naxügüxü̃. Rü ngẽma norü chixexü̃gagu tá nixĩ i chanapoxcuexü̃, erü meama nüxü̃ chadau i guxü̃ma i ngẽma naxügüxü̃.

Ochéa 9:8

Pa Iraéanecüã̱xgüx i Efraíü̃tanüxü̃x, Tupana rü pexca̱x nua nanamu ya yimá norü orearü uruxü̃ nax pemaxã nüxü̃ yaxuxü̃ca̱x i ngẽma ãũcümaxü̃. Natürü i pemax rü toxyepe̱xe naxca̱x pexü. Rü woo i Tupanapata ya taxü̃newa rü naxchi pexaie.

Chofonía 3:7

Rü ngẽmaca̱x nagu charüxĩnü rü chaugümaxã ñachagürü: “Rü ngẽxguma ngẽma Yerucharéü̃cüã̱xgü nüxü̃ ĩnüegu ga yema naigü ga ĩanegümaxã chaxüxü̃, rü tá choxü̃ namuü̃e rü tá nanayauxgü i chorü ucu̱xẽgü rü ngẽmaãcü taxũtáma yima norü ĩanemaxã chanaxü ga yema noxri marü namaxã chaxueguchiréxü̃”, chaugümaxã ñachagürü. Natürü ngẽma duü̃xü̃gü i cuwa maxẽxü̃ rü nañu̱xãẽgü nax naguxü̃raü̃xü̃ i chixexü̃ naxügüxü̃.

Ínachoxü̃xü̃chiga 32:7

Rü yexguma ga Cori ya Tupana rü Moichéxü̃ ñanagürü: —¡Ẽcü, írüxĩ rü nataegu! Erü ngẽma cutanüxü̃ ga Equítuanewa ícunguxü̃xẽẽxü̃ rü marü chixexü̃gu nügü nayixẽxẽ.

Ãẽ̱xgacügü ga guxchaxü̃güarü mexẽxẽruü̃gü 19:22

Rü yexguma ínataãẽgüyane, rü ñuxre ga yatügü ga chixexü̃gu maxẽxü̃ ga guma ĩanewa rü o̱xipataxü̃ ínachomaeguãchi rü norü ĩã̱xwa nanacua̱i̱xcagü, rü ñanagürügü o̱xixü̃: —¡Ínamuxũchi i ngẽma yatü i cuxü̃tawa nguxü̃! Erü tanaxwa̱xe nax namaxã ngúchaü̃ taxüexü̃ —ñanagürügü.

Echequié 21:28

Rü ñanagürü ta: —Ngẽma Amóü̃cüã̱x rü chorü duü̃xü̃güchiga chixri nidexagü. Rü ngẽmaca̱x, Pa Yatüx, ¡namaxã nüxü̃ ixu i ñaa chorü ore i ñaxü̃!: “Marü ínamemare i ngẽma tara, rü marü nawaixmagu nax pexü̃ nada̱i̱xü̃ca̱x. Rü marü nanaitachinü nax yabáixacüüxü̃ca̱x.