Ochéa 9:8 - Tupanaarü Ore

⁸ Pa Iraéanecüã̱xgüx i Efraíü̃tanüxü̃x, Tupana rü pexca̱x nua nanamu ya yimá norü orearü uruxü̃ nax pemaxã nüxü̃ yaxuxü̃ca̱x i ngẽma ãũcümaxü̃. Natürü i pemax rü toxyepe̱xe naxca̱x pexü. Rü woo i Tupanapata ya taxü̃newa rü naxchi pexaie.

Ochéa 9:8 Referans Kwoze

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Echequié 3:17

—Pa Yatüx, choma rü cuxü̃ chamu nax dauxü̃taeruxü̃ quixĩxü̃ca̱x natanüwa i ngẽma Iraétanüxü̃. Rü ngẽxguma ta̱xacürü orexü̃ cumaxã chixuxgu ¡rü namaxã nüxü̃ ixu i ngẽma chorü ore nax ngẽmaãcü nüxü̃ nacua̱xgüxü̃ca̱x!

Miquéa 7:4

Rü ngẽmatanüwa rü ngẽma rümemaexü̃ rü ñoma wüxi i tuxurüxü̃ nixĩ. Rü ngẽma yexera mecümaxü̃ rü ñoma wüxi i chuxchuxü̃etarüxü̃ nixĩ. Natürü tá ínangu i ngunexü̃ i nagu Tupana tá norü chixexü̃ca̱x nüxna ca̱xü̃. Rü ngẽma ngunexü̃gu rü taxũtáma nüxü̃ nacua̱xgü nax ta̱xacü tá naxüexü̃.

Ichaía 62:6

Pa Yerucharéü̃cüã̱xgüx, choma rü perü ĩanearü poxeguxü̃tapü̱xétügu chanamugü i dauruü̃gü. Rü nümagü rü ngunecü rü chütacü tá pexü̃ ñanagürügü: —Pema ya Tupanaxü̃ icua̱xüü̃güxe, ¡rü taxṹ i perüchianegüxü̃! ¡Rü taxṹ i penangü̃xẽẽxü̃ ya Tupana ñu̱xmatáta wena naxü ya Yerucharéü̃ nax wüxi ya ĩane ya tachigane yixĩxü̃ca̱x! —ñanagürügü.

Popera ga Yudíugü ga yaxõgüxü̃ca̱x ümatüxü̃ 13:17

¡Rü naga pexĩnüe i ngẽma perü dauruü̃gü i pemaxã icua̱xgüxü̃, rü penaxü̱x i ngẽma pemaxã nüxü̃ yaxuxü̃! Erü nümagü rü mea Tupanape̱xewa pexna nadaugü, rü nüxü̃ nacua̱xgü nax Tupana tá nüxna ca̱xaxü̃ nachiga nax ñuxãcü pexna nadaugüxü̃. Rü name nixĩ i naga pexĩnüe i perü dauruü̃gü nax taãẽãcüma naxügüã̱xü̃ca̱x i norü puracü rü tama wüxi i norü guxchaxü̃ nax yixĩxü̃ca̱x. Erü ngẽxguma chi wüxi i norü guxchaxü̃ yixĩxgu i ngẽma norü puracü nax pexna nadauxü̃, rü pema rü chi taxuxü̃ma i mexü̃ nawa peyaxu i ngẽma norü puracü.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Echequié 33:7

Pa Yatüx, choma ya Cori ya Tupana rü cuxü̃ chaxuneta nax Iraétanüxü̃arü dauxü̃taeruxü̃ quixĩxü̃ca̱x. Rü cumaxã tá nixĩ i nüxü̃ chixuxü̃ i chorü ore. Rü ñu̱xũchi cuma tá nixĩ i ngẽma chorü oremaxã cuyaxucu̱xẽgüxü̃ i ngẽma duü̃xü̃gü nax naxuãẽgüxü̃ca̱x.

Auxexü̃chiga 4:13

Rü yema guma ĩane ga Yerucharéü̃maxã ngupetüxü̃ rü norü orearü uruü̃günetagagu nixĩ, rü norü chacherdótegüarü chixexü̃gagu nixĩ. Yerü nümagü rü guma ĩanewa nanadai ga duü̃xü̃gü ga taxuxü̃ma ga chixexü̃ ügüchiréxü̃.

Auxexü̃chiga 2:14

Rü yema curü orearü uruü̃günetagü naxca̱x ngo̱xetüxü̃ rü wüxi ga doramare nixĩ. Rü tama cumaxã nüxü̃ nixugüe ga yema curü pecadu ga cuxüxü̃. Rü yemaacü tama nayanaxoxẽxẽ ga yema guxchaxü̃gü ga nawa cungexmaxü̃ i ñu̱xma nax to ga nachixü̃anewa nagagüxü̃ ga curü duü̃xü̃gü. Natürü ga cumax, Pa Yerucharéü̃x, rü cuyaxõ ga yema ore ga doramare ixĩxü̃ ga cumaxã nüxü̃ yaxugüexü̃ ga yema orearü uruü̃güneta.

Yeremía 31:6

Rü tá ínangu i ngunexü̃ i nagu aita naxüexü̃ i ngẽma dauxü̃taegüxü̃ i Efraíü̃anearü ngüchitaeruxü̃güwa dauxü̃taegüxü̃, rü ñanagürügü tá: “¡Nua pexĩ, Pa Duü̃xü̃güx, rü ngĩxã Chióü̃wa taxĩ nax Cori ya Tupanaxü̃ yarücua̱xüü̃güxü̃ca̱x!” ñanagürügü tá.

Yeremía 14:13

Rü choma chanangãxü̃ rü ñachagürü nüxü̃: —Natürü, Pa Corix, ngẽma duü̃xü̃güarü orearü uruü̃gü rü namaxã nüxü̃ nixugüe rü nataxutama i dai, rü taiya, rü cuma rü guxü̃gutáma nüxna cunaxã i taãxẽ i ñaa nachicawa —ñachagürü nüxü̃.

Yeremía 6:17

Rü nüma ga Cori ya Tupana rü daxũtaeruü̃gü yexma namugü. Rü ñu̱xũchi ñanagürü nüxü̃ ga yema norü duü̃xü̃gü: —¡Ẽcü mea naxca̱x iperüxĩnüe i ngẽma ãũcümaxü̃arü cua̱xruxü̃! —ñanagürü. Natürü ga yema duü̃xü̃gü rü ñanagürügü: —Tama naga taxĩnüechaxü̃ —ñanagürügü.

Yeremía 6:14

Rü ngẽma chorü duü̃xü̃gü i poraãcü ngúxü̃ ingegüxü̃ rü íxrarüwatama nüxü̃ narüngü̃xẽẽgü, ñoma wüxi i o̱xri i düxétüwaxica ixüxüxü̃rüxü̃. Natürü woo guxü̃ma ãũcümaxü̃wa nangẽxmagu, rü nüma nüxü̃ yaxugüegu rü guxü̃ma name rü nataxuma i guxchaxü̃.

Charumóü̃arü wiyae 3:3

Rü purichíagü ga ĩanearü dauruü̃güna chaca rü ñacharügü: —¿Tama nüxü̃ pedauxü̃ ya yimá ngextü̱xücü ya choxü̃́ ngúchaü̃xü̃chicüx? —ñachagürü.

Norü taxre ga popera ga ãẽ̱xgacügüchiga 7:19

Rü ĩneacü ga nüma ga ãẽ̱xgacüarü ngü̃xẽẽruxü̃ rü orearü uruxü̃xü̃ nangãxü̃ rü ñanagürü: —Rü woo chi Cori ya Tupana yawãxnagu i dauxü̃guxü̃ i naanewa rü taxũchima nangupetü i ngẽma nüxü̃ quixuxü̃ —ñanagürü. Natürü nüma ga Erichéu rü nanangãxü̃ rü ñanagürü: —Cuma rü cuxetümaxãxü̃chi tá nüxü̃ cudaumare i ngẽma õna, natürü taxũtáma cunangõ̱x i ngẽma nüxü̃ cudauxü̃ —ñanagürü.

Norü taxre ga popera ga ãẽ̱xgacügüchiga 7:2

Rü nüma ga ãẽ̱xgacüarü ngü̃xẽẽruxü̃ rü Erichéuxü̃ nangãxü̃ rü ñanagürü: —Rü woo chi Cori ya Tupana yawãxnagu i dauxü̃guxü̃ i naanewa rü taxũchima nangupetü i ngẽma nüxü̃ quixuxü̃ —ñanagürü. Natürü nüma ga Erichéu rü nanangãxü̃ rü ñanagürü: —Cuma rü tá cuxetümaxãxü̃chi nüxü̃ cudau natürü taxũtáma cunangõ̱x i ngẽma nüxü̃ cudauxü̃ —ñanagürü.

Norü taxre ga popera ga ãẽ̱xgacügüchiga 5:27

Rü ngẽmaca̱x i ñu̱xma i ngẽma Naamáü̃arü chaxüne rü tá cuxna naxüe rü nüxna naxüe i cuxacügü rü cutaagü. Rü ngẽmaãcü tá nixĩ i guxü̃gutáma —ñanagürü. Rü yexguma nüma ga Guexáchi rü Erichéuna yaxũgachigu rü nüxna naxüe ga chaxüne, rü nanacómüãchi ga naxcha̱xmüxü̃.

Norü taxre ga popera ga ãẽ̱xgacügüchiga 5:14

Rü yexguma ga nüma ga Naamáü̃ rü nawa naxũ ga yema natü ga Yudáü̃. Rü 7 e̱xpü̱xcüna nawa naxüe rü nügü nayaxune yema orearü uruxü̃ namaxã nüxü̃ ixuxü̃rüxü̃. Rü yexguma ga naxcha̱xmüxü̃ rü narüme rü wüxi ga buxecha̱xmüxü̃rüxü̃ nixĩ.

Norü taxre ga popera ga ãẽ̱xgacügüchiga 4:43

Natürü yema norü ngü̃xẽẽruxü̃ rü nanangãxü̃ rü ñanagürü nüxü̃: —¿Ñuxãcü tá i guxü̃ i ñaa 100 i duü̃xü̃güna chanaxãxü̃ i ñaa noxretama i paũ? —ñanagürü. Rü Erichéu nanangãxü̃ rü ñanagürü nüxü̃: —¡Nüxna naxã nax nangõ̱xgüãxü̃ca̱x i duü̃xü̃gü! Erü Cori ya Tupana rü ñanagürü: “Tá nanangõ̱xgü rü tá ínayaxüama” —ñanagürü.

Norü taxre ga popera ga ãẽ̱xgacügüchiga 4:41

Natürü nüma ga Erichéu rü ñanagürü nüxü̃: —¡Íxraxü̃ i arína nua chauxü̃tawa penge! —ñanagürü. Rü yema arína rü buetaregu nagü, rü ñu̱xũchi ñanagürü nüxü̃: —¡Ñu̱xma rü duü̃xü̃güxü̃ pechibüexẽxẽ! —ñanagürü. Rü nüma ga duü̃xü̃gü rü nachibüe rü marü nataxuma ga ta̱xacü ga chixexü̃ nawa ga yema õna.

Norü taxre ga popera ga ãẽ̱xgacügüchiga 2:21

Rü yexguma nüma ga Erichéu rü yema ĩanearü natüwa namaxã naxũ. Rü yema dexáchiüwa nanagüe ga guma yucüra rü ñanagürü: —Cori ya Tupana rü ñanagürü: “Marü chanamexẽxẽ i ñaa dexá, rü marü taxúetama nawa tayu. Rü waixü̃müwa rü tá narüxügü i nanetügü” —ñanagürü.

Norü taxre ga popera ga ãẽ̱xgacügüchiga 2:14

Rü ñu̱xũchi yema Eríachirumaxã dexáchiüwa nanacua̱i̱xca, rü tagaãcü ñanagürü: —¿Ngexcü yixĩxü̃ ya Cori ya Eríaarü Tupana ixĩcü? —ñanagürü. Rü yexguma yema ñaxgu rü dexáchiüwa nanacua̱i̱xca rü niyauxyexü̃chíü ga dexá. Rü nüma ga Erichéu rü wenaxarü nixüe nawa ga yema natü.

Nüxíraxü̃xü̃ ga popera ga ãẽ̱xgacügüchiga 22:28

Rü yexguma ga nüma ga Micaía rü nanangãxü̃ rü ñanagürü: —Ngẽxguma cuma tá maxü̃ãcü cutaegu̱xgu, rü ngẽmawa tá nüxü̃ cucua̱x nax Tupana rü tama chowa yadexaxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 22:22

Rü nüma ga yema daxũcüã̱x rü Tupanaxü̃ nangãxü̃ rü ñanagürü: “Choma rü tá doramare i ore naãxẽwa changu̱xẽxẽ i guxü̃ma i ngẽma Acáxarü orearü uruü̃gü”, ñanagürü. Rü yexguma ga nüma ga Cori ya Tupana rü ñanagürü nüxü̃: “Cuma i nüxü̃ cucuáxü̃ nax ngẽma cuxüxü̃” —ñanagürü.

Romanos 3:7

Natürü i duü̃xü̃gü rü ñanagürügü: “Rü ngẽxguma chi chorü chixexü̃gagu nango̱xgu nax aixcüma namecümaxü̃ ya Tupana, ¿rü tü̱xcüü̃ yixĩxü̃ i choxna naca̱xaxü̃ naxca̱x i chorü chixexü̃ rü choxü̃ napoxcuxü̃ naxca̱x i chorü pecadugü?” ñanagürügü.

Nüxíraxü̃xü̃ ga popera ga ãẽ̱xgacügüchiga 22:11

Rü wüxi ga yema orearü uruxü̃ ga Chedequía ga Quenaaná nane rü nanaxü ga ñuxre ga wocachata̱xcurechicüna̱xã ga fierunaxca̱x. Rü ñu̱xũchi tagaãcü ñanagürü: —Rü ngẽma ñanagürü ya Cori ya Tupana: “Rü ñaa wocachata̱xcuregümaxã tá nixĩ i cunada̱i̱xü̃ i ngẽma Chíriaanecüã̱xgü ñu̱xmatáta cunagu̱xẽẽ̱x” —ñanagürü.

Nüxíraxü̃xü̃ ga popera ga ãẽ̱xgacügüchiga 22:6

Rü nüma ga Iraéanecüã̱xarü ãẽ̱xgacü rü nanangutaque̱xexẽxẽ ga wixgutaa̱x 400 ga orearü uruü̃gü ga nüxü̃́ nayaxõxü̃. Rü yemagüna naca rü ñanagürü: —¿Marü namexü̃ yixĩxü̃ rüe̱xna tama nax napuxü̃ ya yima ĩane ya Ramóx ya Garaáxanewa ngẽxmane? —ñanagürü. Rü yema orearü uruü̃gü rü nanangãxü̃gü rü ñanagürügü: —Marü name i naxca̱x ípeyaxüãchi nax peyapuxü̃ca̱x erü Cori ya Tupana rü marü cuxna nanaxã —ñanagürügü.

Nüxíraxü̃xü̃ ga popera ga ãẽ̱xgacügüchiga 18:19

¡Rü ñu̱xma rü curü duü̃xü̃güxü̃ namu nax ma̱xpǘne ya Carmérugu nangutaque̱xegüxü̃ca̱x i guxü̃ma i Iraéanecüã̱xgü namaxã i ngẽma 450 i Baáxarü orearü uruü̃gü rü 400 i Acheráarü orearü uruü̃gü i Yechabé nüxü̃ rüngü̃xẽẽxü̃! —ñanagürü ga Ería.

Nüxíraxü̃xü̃ ga popera ga ãẽ̱xgacügüchiga 18:1

Rü yema taunecügü rü nigúchigü. Rü tomaepü̱x ga taunecüguwena, rü nüma ga Cori ya Tupana rü Eríamaxã nidexa rü ñanagürü: —¡Ãẽ̱xgacü ya Acáxü̃tawa naxũ rü namaxã nüxü̃ yarüxu rü ñoma i naanegu tá chanapuxẽxẽ! —ñanagürü.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Wiyaegü 124:7

Rü yemaacü nawa ítanguxü̃ ga yema ãũcümaxü̃ ga tórü uanügü taxca̱x mexẽẽxü̃ ñoma wüxi i weri i norü yauxruü̃wa iñaxü̃rüxü̃. Rü yema yauxruxü̃ ga tórü uanügü taxca̱x mexẽẽxü̃ rü narügáu rü tibuxmü.

Ngu̱xẽẽtaeruü̃arü ore 9:12

Rü yixema rü taxúema nüxü̃ tacua̱x nax ta̱xacü tá ngürüãchi tüxü̃ ngupetüxü̃, ñoma choxnigü i püxchagu chogüxü̃rüxü̃, rü ñoma werigü i yütagügu chogüxü̃rüxü̃. Rü ngẽxgumarüxü̃ ta ya yimá yatü rü tama nüxü̃ nacua̱x i ñuxgu tá ngürüãchi chixexü̃gu nangu̱x.

Yeremía 23:13

Choma rü marü nüxü̃ chadau i ngẽma Chamáriaanearü orearü uruü̃güneta nax chixexü̃ naxügüxü̃ rü ngẽmaãcü choxü̃ nanuxẽẽgüxü̃. Erü nüxü̃ nixugü nax tupana yixĩxü̃ i Baá rü ngẽmaãcü choxna nayaxĩgachixẽxẽ i chorü duü̃xü̃gü i Iraétanüxü̃.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Yeremía 11:19

Rü noxri ga choma rü taxuguma charüxĩnü ñoma wüxi i carnéruxacü i norü ma̱xchicawa nagagüxü̃rüxü̃ rü tama nüxü̃ chacua̱x nax wüxi i chixexü̃ cha̱u̱xca̱x ínamexẽẽgüxü̃. Rü yema uanügü rü chauchiga nidexagü rü nügümaxã ñanagürügü: —Ngĩxã tayadaxüchi i ngẽma nai i nanetü i baxcaxüchixü̃, rü wüxicana tayanaxoxẽxẽ natanüwa i ngẽma ñoma i naanewa maxẽxü̃ nax ngẽmaãcü taxúema nüxna cua̱xãchixü̃ca̱x —ñanagürügü.