Ochéa 9:17 - Tupanaarü Ore

¹⁷ Rü ñanagürü ga Ochéa: —Ngẽma duü̃xü̃gü rü tama chorü Tupanaga naxĩnüechaü̃. Rü ngẽmaca̱x i nüma ya Tupana rü tá nüxü̃ naxo. Rü togü i nachixü̃anegügu tá nanawoone, rü ngéma rü tá nu ne nanaxĩmare —ñanagürü.

Ochéa 9:17 Referans Kwoze

Ochéa 7:13

Rü taxü̃ i ãũcümaxü̃ tá nixĩ naxca̱x i ngẽma chorü duü̃xü̃gü yerü choxna nixĩgachitanü. Rü tá guxchaxü̃ naxca̱x ínangu erü tama chauga naxĩnüechaü̃. Rü choma rü íchamemarechire̱x nax íchananguxü̃xẽẽxü̃ca̱x, natürü i nümagü rü tama chomaxã nixaicümagü rü doraxü̃ chomaxã nixugümare.

Ngechuchuarü ngúexü̃gü ga yamugüxü̃arü puracüchiga 3:23

Rü texé ya tatanüwa tama naga ĩnüxe i ngẽma orearü uruxü̃, rü tá tüxü̃ ínata̱xüchi i tatanüwa”, ñanagürü ga Moiché.

Chacaría 1:4

Rü tama name nax yema perü o̱xigürüxü̃ pixĩgüxü̃. Yerü yexguma nüxna chaxãgagu ga chorü orearü uruü̃gü nax namaxã nüxü̃ yaxugüxü̃ca̱x ga chauga nax nüxü̃ naxoexü̃ca̱x ga chixexü̃ ga nacümagü rü chixri nax namaxẽxü̃, natürü ga nümagü ga perü o̱xigü rü tama chauga naxĩnüechaü̃ rü tama choxü̃ nacua̱xgüchaü̃. Rü choma i Cori ya Tupana nixĩ i nüxü̃ chixuxü̃ i ngẽma.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

Ichaía 48:18

¡Rü chierüx chauga pexĩnüegu! Rü yexguma chi naga pexĩnüegu ga chorü mugü rü ngẽma perü taãxẽ rü chi nixĩnagüchigü ñoma wüxi i natü irübaichigüxü̃rüxü̃, rü ngẽma perü taãxẽ rü ñoma már arü yuaperüxü̃ chi nata.

Amúx 9:9

Rü tá chanamu nax nawooneãxü̃ca̱x i ngẽma Iraétanüxü̃ i chixexü̃gu maxẽxü̃ ngẽxgumarüxü̃ i trigu i norü papetüxü̃wa ipapetüxü̃ nax ínayixü̃ca̱x i ngẽma norü üxaxü̃. Natürü yima mexü̃ne ya napüxüchire rü taxunetáma waixü̃mügu nangu.

Ochéa 4:10

Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.

Ichaía 7:13

Rü Ichaía rü ñanagürü: —Nüxü̃ pexĩnüe, Pa Dabítaagüx ¿Pemax, rü pexü̃́ nanataxuraxü̃ nax penachixewexü̃ i duü̃xü̃gü, rü ñuxãcü tá ta penachixewexü̃ ya chorü Tupana?

Ucu̱xẽgüchiga 29:1

Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.

Wiyaegü 31:14

Natürü i chomax, Pa Corix, Pa Tupanax, rü cuxü̃́ chayaxõ rü ñachagürü: —Cuma nixĩ i chorü Tupana quixĩxü̃ —ñachagürü.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Norü taxre ga to ga popera ga ãẽ̱xgacügüchiga ümatüxü̃ 36:16

Natürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxugüxü̃ rü nagu nidauxcüraxü̃gü. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.

Norü taxre ga to ga popera ga ãẽ̱xgacügüchiga ümatüxü̃ 18:13

Natürü nüma ga Micaía rü nanangãxü̃ rü ñanagürü: —Tupanaégagu tá nüxü̃ chixu i ngẽma nüma choxü̃ nüxü̃ yaxuxẽẽxü̃xicatama —ñanagürü.

Wenaxarü naxümatü ga Tupanaarü mugü 32:26

Rü ngẽma nagu charüxĩnüxü̃ nixĩ nax chanawoanemarexü̃ i ngẽma duü̃xü̃gü nax ngẽmaãcü iyanaxoxü̃ca̱x i naéga i ñoma i naanewa.

Popera ga Chantiágu ümatüxü̃ 1:1

Pa Chautanüxü̃ i 12 i Iraétücumügü i Ngechuchuaxü̃́ Yaxõgüxü̃ i Guxü̃ i Naanewa Nawogüxü̃x, choma i Chantiágu pexü̃ charümoxẽ. Rü choma nixĩ i Tanatü ya Tupanaaxü̃́ rü tórü Cori ya Ngechuchu ya Cristuaxü̃́ chapuracüxü̃.

Filipenses 4:19

Rü ngẽmaca̱x ya chorü Tupana rü guxü̃ma i ngẽma mexü̃gü i nüxü̃́ ngẽxmaxü̃wa tá pexna nanaxã i guxü̃ma i pexü̃́ taxuxü̃. Rü ngẽmaãcü tá nanaxü erü Ngechuchu ya Cristuarü duü̃xü̃gü pixĩgü.

Ore i mexü̃ ga Cuáü̃ ümatüxü̃ 20:28

Rü yexguma ga Tumáchi rü Ngechuchuxü̃ nangãxü̃, rü ñanagürü: —Pa Chorü Corix, cuma nixĩ i chorü Tupana quixĩxü̃ —ñanagürü.

Ore i mexü̃ ga Cuáü̃ ümatüxü̃ 20:17

Rü Ngechuchu rü ñanagürü ngĩxü̃: —¡Taxṹ i choxü̃ quingõgüxü̃, erü tauta Chaunatüxü̃tawa chaxũ! ¡Natürü ngéma chauenexẽgütanüwa naxũ rü namaxã nüxü̃ yarüxu nax choma rü tá Chaunatü ya Tupana ya Penatü ya Tupanaxü̃tawa chaxũxü̃! —ñanagürü.

Ore i mexü̃ ga Cuáü̃ ümatüxü̃ 7:35

Rü yexguma ga yema Yudíugüarü ãẽ̱xgacügü rü nügüna nacagüe, rü ñanagürügü: —¿Ngextá tá naxũ ega taxuacütáma nüxü̃ iyarüngaugügu? ¿Ẽ̱xna ngẽma Yudíugü i to i nachixü̃anewa ngẽxmagüxü̃tanüwa tá naxũ nax ngẽma tama Yudíugü ixĩgüxü̃xü̃ yangúexẽẽxü̃ca̱x?

Yeremía 6:30

Rü ngẽmaca̱x “diẽrumüarü ãũãchixü̃gu”, tanaxüéga i ngẽma duü̃xü̃gü. Erü cumax, Pa Corix, rü marü nüxü̃ cuxo —ñachagürü.

Wenaxarü naxümatü ga Tupanaarü mugü 4:25

Rü ngẽxguma ngẽma naanegu pichocugu rü ngéma pexãxacügügu rü pexãtaagügu rü ngẽxma peyaegu, ¡rü taxũtáma petoṍxẽgü rü penaxü i ta̱xacürü naxchicüna̱xãgü nax namaxã petupanaã̱xgüxü̃ca̱x! Erü ngẽma rü wüxi i taxü̃ i chixexü̃ tá nixĩ i Tupanape̱xewa pexüxü̃ rü nüma rü tá poraãcü pemaxã nanu.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.

Yeremía 7:13

Rü woo mue̱xpü̱xcüna pexna chanachu̱xu ga yema pecüma ga chixexü̃, natürü pema rü tama chauga pexĩnüechaü̃, rü bai choxü̃ pengãxü̃güxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma.

Yeremía 7:15

Natürü choma rü chope̱xewa tá pexü̃ íchawoxü̃, Pa Yudátanüxü̃x, yexguma ü̃pa peenexẽgü ga Efraíü̃tanüxü̃xü̃ íchawoxü̃gurüxü̃’ ” —ñanagürü.

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.