Ochéa 9:15 - Tupanaarü Ore

¹⁵ Tupana rü ñanagürü: —Pemax, Pa Iraéanecüã̱xgüx, rü Guirigáwa nixĩ ga penaxüxü̃ ga naguxü̃raü̃xü̃ ga chixexü̃. Rü yéma nixĩ ga ichaxügüxü̃ nax pexchi chaxaixü̃. Rü ngẽma perü chixexü̃gagu rü tá pexü̃ íchawoxü̃ i chorü naanewa. Rü marü taxũtáma pexü̃ changechaü̃ erü guxü̃ma i perü ãẽ̱xgacügü rü tama chauga naxĩnüe.

Ochéa 9:15 Referans Kwoze

Ochéa 12:11

Rü Garaáxanewa nangẽxma i muxü̃ma i tupananetagümare, natürü ngẽmagü rü natüca̱xmamare nixĩgü. Rü Guirigáwa rü tupananetagüca̱x nanadai rü nayagu ga muxü̃ma ga woca i yatüxü̃. Natürü ngẽma norü ãmarearü guruü̃güarü nutagü rü naanegügu tá nixãũxchitachigümare —ñanagürü.

Ochéa 4:15

Pa Iraéanecüã̱xgüx, pema rü woo nüxü̃ picua̱xüü̃güamagu i ngẽma tupananetagü, natürü tama chanaxwa̱xe nax ngẽma Yudáanecüã̱xgü rü ta nagu naxĩxü̃ i ngẽma nacümagü i chixexü̃. ¡Rü taxṹ i nüxü̃ picua̱xüü̃güxü̃ i ngẽma naxchicüna̱xãgü i Guirigáwa rü Bex-abéü̃wa ngẽxmagüxü̃! ¡Rü taxṹ i chauégagu ipexunetaxü̃!

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Amúx 5:5

¡Rü taxṹ i Betéarü tupananetachicüna̱xãca̱x peyadauxü̃! ¡Rü taxṹ i Guirigáwa pexĩxü̃! ¡Rü taxṹ i Bechébagu pichocuxü̃! Erü ngẽma Guirigácüã̱xgü rü to i naanewa tá nagagü, rü yima Beté rü tá nagu napogüe —ñanagürü.

1 Chamué 7:16

Rü guxcüma ga taunecügu rü ĩanegü ga Betéwa rü Guirigáwa rü Mispáwa naxũũxü̃ nax yema Iraéanecüã̱xgüxü̃ yanangü̃xẽẽxü̃ca̱x nax yamexẽẽãxü̃ca̱x ga norü guxchaxü̃gü.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Miquéa 6:5

¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

Ngechuchuarü ngúexü̃gü ga yamugüxü̃arü puracüchiga 4:27

Rü aixcüma nixĩ, Pa Tupanax, ga daa ĩanewa ga ãẽ̱xgacügü ga Eróde rü Pirátu nax nügümaxã nangutaque̱xegüxü̃ namaxã ga to ga nachixü̃anegücüã̱x rü totanüxü̃ ga Iraétanüxü̃, nax yama̱xgüãxü̃ca̱x ya curü ngü̃xẽẽruxü̃ ya üünecü ya Ngechuchu ya cuma nüxü̃ cuxunetacü nax Cristu yixĩxü̃ca̱x.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Amúx 5:27

Rü ngẽmaca̱x i choma rü ĩane ya Damácuarü yáxü̃wa tá pexü̃ chawogü. Rü choma ya Cori ya Tupana ya Guxãétüwa Ngẽxmacü nixĩ i ngẽma ñachaxü̃. Rü ngẽma nixĩ i chauéga —ñanagürü.

Amúx 4:4

Rü nüma ya Cori ya Tupana rü ñanagürü: —¡Betéwa rü Guirigáwa pexĩ, rü ngéma yexera i chixexü̃ peyaxü̱x! ¡Rü ẽxü̃wa ngéma penana i perü carnérugü nax perü tupananetagüca̱x peyaguxü̃ca̱x! ¡Rü wüxichigü i tomaepü̱x i ngunexü̃gu ngéma penana i perü diésmu naxca̱x i perü tupananetagü!

Ochéa 9:17

Rü ñanagürü ga Ochéa: —Ngẽma duü̃xü̃gü rü tama chorü Tupanaga naxĩnüechaü̃. Rü ngẽmaca̱x i nüma ya Tupana rü tá nüxü̃ naxo. Rü togü i nachixü̃anegügu tá nanawoone, rü ngéma rü tá nu ne nanaxĩmare —ñanagürü.

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Ochéa 7:2

Rü nümagü rü tama nagu narüxĩnüe nax choma nüxü̃ chadauxü̃ i guxü̃ma i ngẽma chixexü̃gü i naxügüxü̃. Rü ngẽma norü chixexü̃gagu tá nixĩ i chanapoxcuexü̃, erü meama nüxü̃ chadau i guxü̃ma i ngẽma naxügüxü̃.

Ochéa 4:9

Rü ngẽmaca̱x i choma rü duü̃xü̃güxü̃ chapoxcuexü̃rüxü̃ tátama chanapoxcue i ngẽma chacherdótegü naxca̱x i nacüma i chixexü̃.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Ochéa 1:9

Rü yexguma ga nüma ga Cori ya Tupana rü Ochéaxü̃ ñanagürü: —Ngẽma cune rü Lo-amígu naxüéga, erü pema i Iraéanecüã̱xgü rü marü tama chorü duü̃xü̃gü pixĩgü rü choma rü marü tama perü Tupana chixĩ —ñanagürü.

Ochéa 1:6

Rü yexguma ga ngĩma ga Góme rü wena ixãxacü, rü nange ga ngĩxacü. Rü nüma ga Cori ya Tupana rü Ochéaxü̃ ñanagürü: —Ngẽma ngĩéga i ngẽma cuxacü rü Lo-ruáma tá nixĩ. Erü ñu̱xmawena rü marü taxũtáma choxü̃́ nangechaü̃tümüxü̃gü i Iraéanecüã̱xgü. Rü marü taxũtáma nüxü̃́ nüxü̃ icharüngüma i ngẽma norü chixexü̃gü.

Echequié 23:18

Rü yemawena rü duü̃xü̃güpe̱xewa inaxü ga nax nangeãẽxü̃ rü yemaacü ngĩgü iwe̱x nax nangexchiruxü̃. Rü düxwa ga choma rü ngĩwa chayaxoxéga yema ngĩeya̱xwa chayaxoxégaxü̃rüxü̃.

Echequié 22:27

Rü ñaa nachixü̃anearü ãẽ̱xgacügü rü ñoma dauxchitacüã̱x i airugü i naeü̃gü wagüexü̃rüxü̃ nixĩgü. Rü guxü̃guma ínamegümare nax tümaarü diẽruca̱x duü̃xẽ tüxü̃ yama̱xgüxü̃ nax ngẽmaãcü yadiẽruã́xü̃ca̱x.

Yeremía 11:15

Pa Iraétanüxü̃ ya Pexü̃ Changechaü̃güxe, rü ¿ta̱xacüca̱x chopatagu naxca̱x pedaugüxü̃ i chorü ngü̃xẽxẽ nawena nax taxü̃ i chixexü̃ chope̱xewa pexügüxü̃? ¿Rü pema nagu perüxĩnüegu rü ngẽma nax chíxü̃ rü namachi cha̱u̱xca̱x pigugüxü̃gagu tá pexna nixũgachi i ngẽma guxchaxü̃ nax ngẽmaãcü na̱xcha̱xwa pibuxmüxü̃ca̱x?

Yeremía 5:5

Rü yemaca̱x nagu charüxĩnü nax yema ãẽ̱xgacügümaxã chidexaxü̃. Yerü ngürüãchi nümagü rü nüxü̃ nacua̱xgü i ngẽma Cori ya Tupana nüxü̃́ naxwa̱xexü̃, rü ngẽma Tupana tüxü̃ muxü̃. Natürü guxü̃ma ga nümagü rü Cori ya Tupanamaxã nanue, rü tama naga naxĩnüechaü̃.

Yeremía 3:8

Natürü woo nüxü̃ nadaugügu nax choma rü nüxü̃ chaxoxü̃ rü íchanawogüxü̃ ga yema Iraéanecüã̱xgü nagagu ga yema chixexü̃ ga naxügüxü̃, natürü nümagü ga yema Yudáanecüã̱xgü rü yema Iraéanecüã̱xgürüxü̃ chixexü̃ naxügü rü tama choxü̃ namuü̃e. Rü nümagü rü ta rü nagu namaxẽ ga yematama chixexü̃.

Wiyaegü 78:60

Rü nüxna nixũ ga guma napata ga naxchirunaxca̱x ga duü̃xü̃gütanüwa yexmane ga Chilówa.

Yochué 10:43

Rü yemawena ga Yochué rü guxü̃ma ga Iraétanüxü̃arü churaragümaxã Guirigáca̱x nawoegu ga ínapegüxü̃wa.

Lebítanüxü̃arü puracüchiga 26:30

Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Ngechuchuarü ngúexü̃gü ga yamugüxü̃arü puracüchiga 5:21

Rü yexguma ga yema ngúexü̃gü ga Ngechuchu imugüxü̃ rü naga naxĩnüe ga yema ore. Rü moxü̃ãcü ga pa̱xmamaxü̃chi rü Tupanapata ga taxü̃newa naxĩ, rü duü̃xü̃güxü̃ nangúexẽxẽ. Rü yoxni ga nüma ga chacherdótegüarü ãẽ̱xgacü rü natanüxü̃, rü naxca̱x nangemagü ga guxü̃ma ga yema Iraétanüxü̃arü ãẽ̱xgacügü ga ãẽ̱xgacügütücumüwa ügüxü̃ nax namaxã nangutaque̱xexü̃ca̱x. Rü poxcupataü̃wa nanamugü ga purichíagü nax yagagüãxü̃ca̱x ga yema ngúexü̃gü ga Ngechuchu imugüxü̃.

Yeremía 12:8

Rü ñaa duü̃xü̃gü ga choxrüchire̱x ixĩgüxü̃, rü ñu̱xma i cha̱u̱xca̱x rü ñoma wüxi i leóü̃ i naixnecüwa ngẽxmaxü̃rüxü̃ nixĩgü. Rü poraãcü chixri chauchiga nidexagü, rü ngẽmaca̱x nixĩ i naxchi chaxaixü̃.

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!