Ochéa 9:13 - Tupanaarü Ore

¹³ Rü nüxü̃ chadau i ngẽma Iraéanecüã̱xgü nax wüxi i naane i mexü̃wa nangẽxmagüxü̃, yema Tíruanecüã̱xgürüxü̃. Natürü ngẽma Iraéanecüã̱xgü rü yuwa tá nanamugü i naxacügü —ñanagürü.

Ochéa 9:13 Referans Kwoze

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Ochéa 13:16

Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Ochéa 13:8

Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Ochéa 10:14

Rü ñu̱xmax rü tá inaxügü i ngẽma dai rü ngẽmaca̱x nanaxĩ̱xãchiãẽgü i duü̃xü̃gü. Rü guxü̃ma ya yima ĩanearü poxeguxü̃tápü̱xgü rü tá niwa̱xgü. Rü yema ĩane ga Bex-abéwa ngupetüxü̃ ga yexguma ãẽ̱xgacü ga Charmáü̃ nadaixgurüxü̃ tá nixĩgü. Rü yexguma ga guxema mamagü rü tümanegümaxã tayue.

Ochéa 9:16

Rü pemax, Pa Iraéanecüã̱xgüx, rü guxchaxü̃wa pengẽxmagü, rü ñoma wüxi i nai i marü ipaxchuma̱xãxü̃ rü marü tama oxü̃rüxü̃ pixĩgü! ¡Rü woo pixãxacügügu, rü choma rü tá chanayuexẽxẽ! —ñanagürü ya Tupana.

Yeremía 9:21

—Ngẽma yu rü tapatagüwa nangu, rü tórü ãẽ̱xgacügüpatawa nangu. Rü ngẽma uanügü rü namagügu tüxü̃ nadai ya buxegü, rü ñu̱xũchi plázagügu nanadai i ngextü̱xüxü̃gü.

Norü taxre ga popera ga ãẽ̱xgacügüchiga 15:16

Rü yexguma ga Menaéü̃ rü Tífchawa inaxũãchi rü Tircháwa naxũ. Rü yémacüã̱xgü rü tama naxca̱x nayawãxnagü ga guma ĩanearü poxeguxü̃arü ĩã̱xgü. Natürü nixücuama rü nanade ga guxü̃ma ga norü yemaxü̃gü ga guma ĩanewa rü norü naanewa yexmagüxü̃. Rü ñu̱xũchi tüxü̃ nawinapütüwegü ga guxema ngexegü ga itacharaü̃güxe.

Yeremía 7:15

Natürü choma rü chope̱xewa tá pexü̃ íchawoxü̃, Pa Yudátanüxü̃x, yexguma ü̃pa peenexẽgü ga Efraíü̃tanüxü̃xü̃ íchawoxü̃gurüxü̃’ ” —ñanagürü.

Yox 27:14

Rü woo namuxũchigu i nanegü i ngẽma duü̃xü̃gü i chixexü̃gu maxẽxü̃, rü nümaxü̃ rü tá daigu nayue, rü ngẽma togü rü tá taiyamaxã nayue.

Auxexü̃chiga 2:22

Rü yema ngunexü̃ ga nagu tomaxã cunuxü̃ rü guxü̃wama toxca̱x ne naxĩ ga torü uanügü ñoma petawa naxĩxü̃rüxü̃ nax toxü̃ nada̱i̱xü̃ca̱x. Rü ngẽma ngunexü̃gu taxúema tamaxü̃. Rü guxü̃ma ga chopatacüã̱x ga chayaexẽẽxü̃ rü changúexẽẽxü̃ rü torü uanügü nanadai.

Ochéa 14:1

Pa Iraéanecüã̱xgüx, pema nax perü chixexü̃gagu guxchaxü̃gu peyixü̃x ¡rü naxca̱x pewoegu ya Cori ya perü Tupana!