Ochéa 9:10 - Tupanaarü Ore

¹⁰ Rü Tupana rü ñanagürü: —Yexguma noxri Iraéxü̃ ichayangauxgu, rü poraãcü chataãẽxü̃chi ñoma wüxi i duü̃xü̃ i chianexü̃wa úbaxü̃ yangauxü̃rüxü̃. Rü ngẽma perü o̱xigü rü ñoma nüxíra i buxuxü̃ i igunecüarü orüxü̃ nixĩgü nax cha̱u̱xca̱x namexü̃. Natürü yexguma Baá-peúwa nangugügu rü yema tupananeta ga Baáxü̃ nicua̱xüü̃gü. Rü nügü nixãũãchi naxrüxü̃ i ngẽma naxchicüna̱xãgü i nüxü̃ nangechaü̃güxü̃.

Ochéa 9:10 Referans Kwoze

Ochéa 4:14

Natürü i choma rü taxũtáma chanapoxcue i ngẽma pexacügü rü ngẽma peneã̱xgü naxca̱x nax togü i yatügümaxã namaxẽxü̃, erü pemax rü ta namaxã pemaxẽ i ngẽma togü i ngexü̃gü i ngẽxguma ngẽma tupananetagüxü̃ picua̱xüü̃gügu. Rü ngẽmaãcü ngẽma duü̃xü̃gü i cua̱x nüxü̃́ taxuxü̃ rü guxchaxü̃gu nayi.

Yeremía 11:13

Rü cumax, Pa Yudáanex, rü curü ĩanegürüxü̃ namu i curü tupananetachicüna̱xãgü. Rü ngẽma Yerucharéü̃arü namagü i muxü̃rüxü̃ namu i ngẽma ãmarearü guruü̃gü i nawa Baáca̱x pumarate̱xe yagugüxü̃.

Miquéa 7:1

Rü choma i Miquéa rü ñoma ngẽma nanetügüarü buxgüwena nanetü tayadauxü̃rüxü̃ chixĩ. Rü taxuxü̃ma ichayangau i úbagü rü igugü i changṍxchaü̃chiréxü̃.

Ochéa 2:15

Rü choma rü wena táxarü nüxü̃ chanatáeguxẽxẽ i norü úbanecügü, rü ngẽma doxonexü̃ i Acóxarü metachinüanexü̃ ga noxri Guxchaxü̃chicagu ãégaxü̃ rü Taãẽchicaxü̃ tá chayanguxuchixẽxẽ. Rü ngẽma naanewa tá choxü̃ nangechaü̃gü i ngẽma Iraéanecüã̱xgü yexguma Equítuanewa ínachoxü̃gurüxü̃.

Echequié 20:8

Natürü ga nümagü rü chomaxã nanueama rü tama chauga naxĩnüechaü̃. Rü tama ínanawogü ga norü tupananetachicüna̱xãgü rü tama nüxü̃ narüxoechaü̃ nax nüxü̃ yacua̱xüü̃güxü̃ ga yema Equítuanecüã̱xgüarü tupananetachicüna̱xãgü. Rü yexguma ga choma rü poraãcü namaxã chanu, rü nagu charüxĩnü chi nax Equítuanegu chanapoxcuexü̃ ñu̱xmata naxüpetü i chorü nu.

Amúx 4:5

¡Rü pema i Iraétanüxü̃ rü paũ i ngearü pu̱xẽẽruü̃ã́xü̃ naxca̱x pigu i perü tupananetagü, rü ñu̱xũchi guxü̃wama nüxü̃ pixuchiga i ngẽma ãmaregü i perü ngúchaü̃maxã pexãgüxü̃! Erü ngẽma nixĩ i pema penaxwa̱xexü̃ —ñanagürü ya Cori ya Tupana.

Ochéa 11:1

Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.

Yeremía 31:2

Rü Cori ya Tupana rü ñanagürü: —Yema chianexü̃wa rü choma rü namaxã chamecüma ga yema duü̃xü̃gü ga daiwa ibuxmüxü̃. Rü yexguma nixĩ ga Iraétanüxü̃ naxca̱x nadaugüxü̃ ga wüxi ga nachica ga nagu nangü̃güxü̃.

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Ichaía 28:4

Rü yima ĩane ya metachinüxü̃ iyacuáxü̃arü ma̱xpǘnewa ngẽxmane rü ñoma putüragü i paxãma rüñẽ̱xchacuxü̃rüxü̃ tá nixĩgü. Rü ñoma nüxíraxü̃xü̃ i iguarü o i ngẽxguma texé nüxü̃ da̱u̱xgux rü ticawexü̃ rü tangṍxü̃rüxü̃ tá nixĩgü.

Wiyaegü 81:12

Rü yemaca̱x nixĩ ga pexü̃ chayexrüxü̃ nax penaxüamaxü̃ca̱x ga perü chixexü̃ rü pema penaxwa̱xexü̃ãcüma pemaxẽxü̃ca̱x.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Ãẽ̱xgacügü ga guxchaxü̃güarü mexẽxẽruü̃gü 6:32

Rü yexgumacürüwa ga yema duü̃xü̃gü rü Yerubaámaxã nanaxugü ga Yedeóü̃. Rü ñu̱xũchi ñanagürügü: —Ẽcüx, Baá rü Yedeóü̃me̱xẽwa nügü ínapoxü̃, erü Yedeóü̃ nixĩ i nüxü̃ nagu pogüxü̃ i norü ãmarearü guruxü̃ i Baá —ñanagürügü.

Wenaxarü naxümatü ga Tupanaarü mugü 32:17

Rü ñu̱xũchi ngo̱xogüca̱x penadai rü ípenagu ga ãmaregü. Rü yemaacü nüxü̃ picua̱xüü̃gü ga tupananetagü ga ngexwaca nüxü̃ peyangaugüxü̃ ga ü̃pa tama nüxü̃ pecuáxü̃ rü perü o̱xigü taguma nüxü̃ icua̱xüü̃güxü̃.

Wenaxarü naxümatü ga Tupanaarü mugü 32:10

Rü nüma ga Cori ya Tupana rü nüxü̃ nayangau ga yema norü duü̃xü̃gü nagu ga yema paanexü̃ ga chianexü̃ ga tacü ga buanecü nagu üxü̃. Rü nüxna nayapa̱xãchi nachacüümaxã rü ñu̱xũchi nayaxucu̱xẽgü. Rü nüxna nadau ñoma nügüxétüna nadauxü̃rüxü̃.

Wenaxarü naxümatü ga Tupanaarü mugü 4:3

Rü pematama nüxü̃ pedaugü ga yema Cori ya Tupana Baá-peúwa üxü̃ rü ñuxãcü nadaiaxü̃ ga guxü̃ma ga yema petanüxü̃ ga yema nachixü̃anearü tupananetaxü̃ icua̱xüü̃güxü̃. Natürü guxãma ga pema ga aixcüma Cori ya perü Tupanaga nax pexĩnüexü̃ rü ñu̱xma rü ta pemaxẽ.

Iraétanüxü̃arü muxchiga 15:39

Rü ngẽxguma nüxü̃ pedaugügu i ngẽma perü nga̱xãẽpechinüchiru rü ngẽmawa tá nüxna pecua̱xãchie i chorü mugü i pexna chaxãxü̃. Rü ngẽmaãcü i pema rü tá nagu pemaxẽ i chorü mugü. Rü taxũtáma perü ĩnügumare pemaxẽ rü taxũtáma perü ngúchaü̃gumare pemaxẽ, yerü yemagagu nixĩ ga choxna pixĩgachitanüxü̃.

Romanos 6:21

¿Natürü ta̱xacüwa pexü̃́ namexü̃ ga yema chixexü̃ ga ü̃pa pexüxü̃ rü ñu̱xma ãne pexna ãxü̃? Yerü yema chixexü̃ rü yuwamare pexü̃ nagagü.

Wiyaegü 115:8

Rü ngẽma duü̃xü̃gü i nügüca̱xtama naxchicüna̱xãgü ügüxü̃ rü nüxü̃́ yaxõgüxü̃ rü naxrüü̃tama nixĩgü nax taxuwama yamexü̃.

Yeremía 3:24

Rü ngẽma tupananetagü i ãne toxna ãxü̃gagu, rü yexguma tabuegumama marü inarüxo ga guxü̃ma ga yema tonatügü nüxü̃́ yexmagüxü̃ ga carnérugü, rü wocagü, rü nanegü rü naxacügü.

Yeremía 24:2

Rü wüxi ga guma pexchiwa rü nayexmagü ga igu ga mexü̃ ga nüxíra idauxü̃. Rü guma nai ga pexchiwa rü nayexma ga igugü ga poraãcü ichixexü̃ rü taxuacüma imúxü̃.

Iraétanüxü̃arü muxchiga 18:13

Rü ngẽxgumarüxü̃ ta cuxna chanaxã i ngẽma togü i nanetügüarü o i nüxíraxü̃güxü̃ i choxna naxãgüxü̃ i Iraétanüxü̃. Rü ngexü̃rüüxü̃mare i cupatacüã̱x i chope̱xewa mearü maxü̃xã́xü̃ rü name nax nangṍoxü̃ i ngẽma ãmaregü.

Norü taxre ga popera ga ãẽ̱xgacügüchiga 17:11

Rü nüma ga Iraéanecüã̱xgü rü nagu namaxẽ ga nacümagü ga yema duü̃xü̃gü ga nüxíra yema naanewa yexmagüxü̃ ga Cori ya Tupana yéma íwoxü̃xü̃ Iraétanüxü̃pe̱xewa. Rü yema tupananetagüca̱x nayagu ga pumarate̱xegü, rü ñu̱xũchi taxü̃ ga to ga chixexü̃gü yéma naxügü, rü yemaacü poraãcü Cori ya Tupanaxü̃ nanuxẽẽgü.

Charumóü̃arü wiyae 3:6

¿Rü texé tixĩ ya yíxema ngéma ínachianexü̃wa duü̃xü̃gü tüxü̃ ne ngetaxü̃güxe naemagu i naguxü̃raü̃xü̃ i pumaragü?

Yeremía 3:25

Rü ñu̱xma tarümaxãchitanü rü poraãcü taxãnee erü torü chixexü̃gütüxü̃wa tangexmagü. Yerü yexguma ibuegucürüwa rü ñu̱xma rü ta wüxigu guxemagü nũxcümaü̃güxe ga torü o̱xigümaxã Cori ya Tupanape̱xewa chixexü̃ taxügüecha rü taguma naga taxĩnüe —ñanagürügü.

Ochéa 13:5

Rü choma nixĩ ga pexna chadauxü̃ ga yexguma yema chianexü̃wa peyexmagügu.