Ochéa 8:7 - Tupanaarü Ore

⁷ Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Ochéa 8:7 Referans Kwoze

Ucu̱xẽgüchiga 22:8

Texé ya chixexü̃ ǘxe rü chixexü̃maxã tá tüxü̃́ naxãtanü. Rü yimá cua̱i̱xruxü̃ ya toguxena namaxã cunacua̱i̱xcane, rü yimamaxã tátama nixĩ ya Tupana i norü numaxã nüxna nacua̱i̱xcaãxü̃.

Yox 4:8

Rü yema nüxü̃ chadauxü̃wa rü nüxü̃ chacua̱x nax yíxema máetaxe rü chixexü̃ üxe rü nagutátama tanguxü̃ ga yema ü̃paacü taxüxü̃ ga chixexü̃.

Gálatas 6:7

¡Rü pexuãxẽgü nax tama ípetüexü̃ca̱x i perü maxü̃wa! Erü taxucürüwa texé Tupanaxü̃ tawomüxẽxẽ. Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.

Naúü̃ 1:3

Rü nüma ya Cori ya Tupana rü woo nax naporaxü̃ natürü yáxna duü̃xü̃gümaxã naxĩnü. Natürü yíxema chixexü̃ ǘxe rü tama nüxü̃ narüngüma nax tüxü̃ napoxcuxü̃. Rü nüma rü yimá poracü ya buanecügu nixũ. Rü ngẽma caixanexü̃gü rü nacutügüarü caixanexü̃ nixĩgü.

Ochéa 7:9

Rü ngẽma to i nachixü̃anecüã̱xgü rü naechita nüxna nanayaxu i ngẽma Efraíü̃tanüxü̃arü pora. Rü düxwa napuxerumare i ngẽma Efraíü̃tanüxü̃, natürü tama nüxü̃ nacua̱xégagü nax marü yangearü poraáxü̃.

Ochéa 2:9

Rü ngẽmaca̱x i choma rü ngẽxguma norü buxwa nanguxgu rü tá chanade i ngẽma chorü trigu rü chorü bínu. Rü tá chanade i ngẽma naxchiru i carnéruta̱xanaxca̱x rü línuchinaxca̱x i nüxna chaxãchiréxü̃ nax tama nangexchiruxü̃ca̱x.

Yeremía 12:13

Rü yema chorü duü̃xü̃gü rü trigu inatogü, natürü tuxumare nüxü̃́ narüxügü. Rü guxü̃ma ga norü puracügü rü natüca̱xmamare nixĩ. Rü taxuxü̃ma ga trigu nabuxgü nagagu ga yema chorü nu ga taxü̃ —ñanagürü.

Ichaía 66:15

Rü nüma ya Tupana rü tá üxüemagu ínangu rü yima norü carugü ya daiwexü̃ rü ñoma wüxi ya buanecü ya íxã̱ũ̱xemacürüxü̃ tá nixĩgü. Rü tá nanapoxcue i norü uanügü, rü ngẽma norü poxcu rü ñoma üxüema iya̱u̱xraxü̃rüxü̃ tá nixĩ.

Ichaía 17:11

Rü ngẽma ngunexü̃ i nagu penatoxü̃ i ngẽma penetügü rü mea nüxna pedau nax moxü̃ãcü naxüxü̃ca̱x. Natürü wüxi i ngunexü̃ tá naxca̱x ínangu i norü da̱xaweane i ngearü üxü̃ã́xü̃ rü pema rü tá ngúxü̃ pingegü i ngẽxguma pexü̃́ nayuegu.

Ngu̱xẽẽtaeruü̃arü ore 5:16

Rü guxü̃ma i ngẽma rü aixcüma wüxi i taxü̃ i ngechaü̃ nixĩ. Yerü yema ñoma ga naanegu nax ngexchiruãcü nabuxü̃ãcü tátama nayu. ¿Rü ta̱xacü yixĩxü̃ i nawa nayaxuxü̃ nax poraãcü napuracüxü̃?

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Norü taxre ga popera ga ãẽ̱xgacügüchiga 15:19

Rü wüxi ga ngunexü̃gu rü nüma ga Púx ga Achíriaanearü ãẽ̱xgacü rü Iraéanegu nachocu. Rü yexguma ga Menaéü̃ rü 33,000 quíru ga diẽru nüxna naxã nax yemaacü Púx naétüwa üxü̃ca̱x rü naporaxẽẽãxü̃ca̱x nax ãẽ̱xgacü yixĩxü̃.

Wenaxarü naxümatü ga Tupanaarü mugü 28:33

Rü ngẽma curü naanegu cutoxü̃ i cunetüarü o i curü puracüwa ne ũxü̃, rü duü̃xü̃gü i ü̃paacü taguma nüxü̃ cucuáxü̃ tá nüxchiama nanangõ̱xgü. Rü ngẽmaãcü guxü̃gutáma chixri cumaxã inacua̱xgü rü chixri cumaxã nachopetü.

Gálatas 6:8

Rü yíxema tümaxü̃nearü ngúchaü̃ üxe, rü ngẽma tümaxü̃nearü ngúchaü̃ rü tá yuwa tüxü̃ naga. Natürü yíxema Tupanaãxẽ i Üünexü̃arü ngúchaü̃ üxe, rü ngẽma Tupanaãxẽ i Üünexü̃wa tá tanayaxu i maxü̃ i taguma gúxü̃.

Ichaía 55:2

¿Rü ta̱xacüca̱x i diẽrumaxã penaxütanü i ngẽma tama õna ixĩxü̃? ¿Rü ta̱xacüca̱x penaxütanü i ngẽma tama nawa itaãẽxü̃? ¡Rü mea choxü̃́ iperüxĩnüe rü tá mexü̃ i õna pengõ̱xgü rü õna i chíxü̃maxã tá pengaxpütüwe!

Auxexü̃chiga 5:2

Rü guxü̃ma ga torü yemaxü̃gü rü ñu̱xma rü duü̃xü̃gü i to i nachixü̃anecüã̱xgüme̱xẽwa nangẽxmagü. Rü topatagü rü ñu̱xma rü duü̃xü̃gü i taguma nüxü̃ tacua̱xgüxü̃ nawa nangẽxmagü.

Ochéa 9:16

Rü pemax, Pa Iraéanecüã̱xgüx, rü guxchaxü̃wa pengẽxmagü, rü ñoma wüxi i nai i marü ipaxchuma̱xãxü̃ rü marü tama oxü̃rüxü̃ pixĩgü! ¡Rü woo pixãxacügügu, rü choma rü tá chanayuexẽxẽ! —ñanagürü ya Tupana.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Naanearü ügüchiga 41:23

Rü yemawena yemanewatama nanguxü̃ ga to ga 7 ya̱xa ga trigu ga ingeãcuxü̃ rü buanecümaxã ipagüxü̃.