Ochéa 8:4 - Tupanaarü Ore

⁴ Rü ngẽma duü̃xü̃gü rü ngẽxguma nachixü̃anearü ãẽ̱xgacügüxü̃ naxunetagügu rü tama choxna nacagü. Rü ngẽxguma nüxü̃ naxunetagügu i ngẽma tá namaxã icua̱xgüxü̃, rü tama chorü ucu̱xẽca̱x ínacagü. Rü nügüca̱x nanaxügü i naxchicüna̱xãgü i úirunaxca̱x rü diẽrumünaxca̱x. Rü ngẽmamaxã nügütama nachixexẽẽgü.

Ochéa 8:4 Referans Kwoze

Ochéa 13:2

Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.

Gálatas 4:9

Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Ore i mexü̃ ga Cuáü̃ ümatüxü̃ 10:14

Choma nixĩ i carnérugüarü dauruxü̃ ya mecü chixĩxü̃. Rü ngẽxgumarüxü̃ ya Chaunatü nax choxü̃ nacuáxü̃ rü choma rü Chaunatüxü̃ nax chacuáxü̃, rü ngẽxgumarüxü̃ ta nüxü̃ chacua̱x i chorü carnérugü, rü nümagü rü choxü̃ nacua̱xgü. Rü choma rü naxca̱x chayu i chorü carnérugü.

Nüxíraxü̃xü̃ ga popera ga ãẽ̱xgacügüchiga 12:28

Rü norü ucu̱xẽruü̃güna naca ga yemachiga. Rü yemawena ga nüma ga ãẽ̱xgacü ga Yeruboáü̃ rü taxre ga wocaxacü ga úirunaxca̱x naxüxẽxẽ rü duü̃xü̃güxü̃ ñanagürü: —Pemax, Pa Iraéanecüã̱xgüx, rü wüxi i taxü̃ i guxchaxü̃ nixĩ nax Yerucharéü̃wa pexĩĩxü̃ nax ngéma Tupanapata ya taxü̃newa nüxü̃ peyarücua̱xüü̃güxü̃ca̱x. Rü dücax, ñaa wocaxacüchicüna̱xãgü nixĩ i perü tupanagü ga Equítuanewa pexü̃ ígaxü̃xü̃ —ñanagürü.

Ore i mexü̃ ga Luca ümatüxü̃ 13:27

Natürü nüma rü tá pexü̃ nangãxü̃ rü ñanagürü tá: “Marü pemaxã nüxü̃ chixu rü tama pexü̃ chacua̱x nax ngextácüã̱xgü pixĩgüxü̃. ¡Rü ípixĩ i nua chauxü̃tawa i guxãma i pemax, Pa Chixexü̃gu Maxẽxü̃x!” ñanagürü tá.

Ore i mexü̃ ga Luca ümatüxü̃ 13:25

Erü ngẽxguma ngẽma ĩarü yora írüdaxgu nax yanawãxtaü̃xü̃ca̱x i ĩã̱x, rü pema i düxétüwa ngẽxmagüxe rü tá nüxna pecagü nax pexca̱x yanawãxnaü̃xü̃ca̱x i ĩã̱x. Rü ñaperügügü tá: “Pa Corix, ¡paxa toxca̱x yawãxna i ĩã̱x!” ñaperügügü tá. Natürü nüma i cori rü tá pexü̃ nangãxü̃, rü ñanagürü tá: “Tama pexü̃ chacua̱x nax Nge̱xtácüã̱x pixĩgüxü̃”, ñanagürü tá pexü̃.

Ore i mexü̃ ga Matéu ümatüxü̃ 25:12

Natürü nüma ga cori, rü ngĩxü̃ nangãxü̃, rü ñanagürü: “Pemaxã nüxü̃ chixu rü aixcüma tama pexü̃ chacua̱x nax texégü pixĩgüxü̃” —ñanagürü.

Echequié 18:31

¡Rü noxtacüma nüxna pixĩgachitanü i guxü̃ma i ngẽma chixexü̃gü ga chope̱xewa pexüxü̃! ¡Rü penangexwaca̱xü̃xẽxẽ i ngẽma perü maxü̃, rü ñu̱xũchi ngẽma peãxẽ! ¿Tü̱xcüü̃ penaxwa̱xe nax peyuexü̃, Pa Iraétanüxü̃x?

Nüxíraxü̃xü̃ ga popera ga ãẽ̱xgacügüchiga 13:34

Rü yema Yeruboáü̃ üxü̃gagu nixĩ ga chixexü̃gu nayixü̃ ga nataagü rü yanaxoxü̃ ga guxü̃ma.

Yeremía 16:20

“¿Rü namexü̃ ya yatü nax nümatama naxüaxü̃ i norü tupanagü? ¡Rü ngẽma tupananetachicüna̱xãgü rü tama aixcüma Tupana nixĩgü!” —ñanagürü ga Yeremía.

Danié 3:1

Rü nüma ga ãẽ̱xgacü ga Nabucudonochó rü norü duü̃xü̃güxü̃ namu nax naxügüã̱xü̃ca̱x ga wüxi ga naxchicüna̱xã ga úirunaxca̱x. Rü yema naxchicüna̱xã rü nüxü̃́ nayexma ga 30 metru ga norü máchane, rü norü taxü̃ne rü 3 metru nixĩ. Rü ñu̱xũchi nüma ga ãẽ̱xgacü rü norü duü̃xü̃güxü̃ namu nax metachinüxü̃ ga Dúragu ãégaxü̃gu nachixẽẽgüãxü̃ca̱x ga Babiróniaanewa.

Ochéa 8:3

Natürü nüma i ngẽma Iraéanecüã̱xgü rü nüxü̃ naxoe i ngẽma mexü̃. Rü ngẽmaca̱x i norü uanügü rü tá nawe ningẽxü̃tanügü.

Ochéa 13:1

Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.

Ochéa 13:11

Rü pemaxã chanuãcü pexna chanamu i perü ãẽ̱xgacügü, rü pemaxã chanuãcü wena pexna chanapuxü̃.