Ochéa 8:10 - Tupanaarü Ore

¹⁰ Natürü woo ngẽma Achíriaanecüã̱xgüaxṹ naxütanügüãxgu natürü choma rü ngẽma togü i nachixü̃anegügu tá chanawoone. Rü ñuxre ya taunecü rü taxũtáma nüxü̃́ nangẽxma i noxrütama ãẽ̱xgacügü.

Ochéa 8:10 Referans Kwoze

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Ochéa 10:10

Rü choma rü ngẽma ngunexü̃ i chanaxwa̱xexü̃gu tá chanapoxcu i ngẽma Iraéanecüã̱xgü. Rü ngẽma ngunexü̃gu rü tá naxca̱x naxĩtaque̱xegü i ngẽma togü i nachixü̃anegü nax ínayauxü̃ãxü̃ca̱x. Rü ngẽmaãcü tá chanapoxcu i ngẽma Iraéanecüã̱xgü naxca̱x i norü chixexü̃gü.

Echequié 26:7

Rü choma ya Cori ya Tupana rü nórtewaama tá cuxca̱x íchanaxũxẽxẽ ya Babiróniaanearü ãẽ̱xgacü i Nabucudonochó i guxü̃ i ãẽ̱xgacügüxü̃ rüporamaexü̃. Rü nüma rü tá cuxca̱x ínayagoõchi, Pa Tírux, namaxã i muxü̃ma i norü churaragü i cowarugu ĩxü̃ rü carugu ĩxü̃ rü nacutügu ĩxü̃.

Ichaía 10:8

Rü nüma i Achíriaanearü ãẽ̱xgacü rü ñanagürü: “Guxü̃ma i nachixü̃anegüarü ãẽ̱xgacügü rü cho̱xme̱xwa nangẽxmagü nax choma chanaxwa̱xexü̃ãcüma chanamuxü̃.

Aguéu 2:6

Erü íxraxü̃ nataxu nax chanaxĩã̱xãchixẽẽxü̃ i daxũguxü̃ i naane, rü ñoma i naane, rü ngẽma már, rü ngẽma waixü̃müane. Rü ngẽmaãcü tá chanamuü̃exẽxẽ i guxü̃ma i nachixü̃anegü. Rü ngẽma togü i nachixü̃anegüarü duü̃xü̃gü rü nua tá nanana i norü diẽrugü rü úirugü. Rü ngẽmaãcü ya daa chopata ya taxü̃ne rü tá namexẽchi. Rü choma ya Cori ya Tupana ya Guxãétüwa Ngẽxmacü nixĩ i nüxü̃ chixuxü̃ i ngẽma erü choxrü nixĩ i guxü̃ma i diẽrugü rü úirugü.

Danié 2:37

Rü cuma nixĩ, Pa Ãẽ̱xgacüx, i guxü̃ma i togü i ãẽ̱xgacügüétüwa cuxüxü̃ i ñu̱xmax, erü nüma ya Tupana ya daxũgucü rü cuxü̃ inamu nax ãẽ̱xgacü quixĩxü̃ca̱x rü cuporaxü̃ca̱x rü guxü̃ma i nachixü̃anegü cuxü̃ cua̱xüü̃güxü̃ca̱x.

Echequié 22:20

Rü ngẽma nax wüxigu wüxi ya yapunagu iwocuxü̃ nax nadexẽẽxü̃ca̱x i ngẽma diẽrumü, rü cobre, rü fieru, rü plomu, rü estáñu rü ngẽxgumarüxü̃ ta i choma rü chorü numaxã tá pexü̃ changutaque̱xexẽxẽ nax pexü̃ íchaguxü̃ca̱x. Rü ngẽmaãcü chorü numaxã tá chanangixta ya üxü rü daa ĩanearü ngãxü̃gu tá pexü̃ changutaque̱xexẽxẽ. Rü ngéma tá pexü̃ íchagu.

Ichaía 36:13

Rü yexguma ga yema Achíriaanearü churaragüeru rü inachi rü tagaãcü Ebréugawa ñanagürü: —¡Nüxü̃ pexĩnüe ya yimá Achíriaanearü ãẽ̱xgacü ya poracü pemaxã nüxü̃ ixuxü̃! Rü nüma rü ñanagürü: “¡Taxṹ i pegü penawomüxẽẽxü̃ i Echequía! Nüma rü taxũtáma cho̱xme̱xwa pexü̃ ínanguxü̃xẽxẽ”, ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 5:26

Rü yemaca̱x nüma ga Iraétanüxü̃arü Tupana rü Achíriaanearü ãẽ̱xgacü ga Tigáx-pirécheãẽwa ínanangu̱xẽxẽ nax ínayauxü̃ãxü̃ca̱x ga yema Rubéü̃tanüxü̃ rü Gáxtanüxü̃ rü yema ngãxü̃tücumü ga Manachétanüxü̃. Rü nüma ga Tigáx-piréche rü Aláwa rü Abówa rü Aráwa rü natü ga Gocháü̃wa nanagagü. Rü ñu̱xma rü ta rü ngéma namaxẽ.

Norü taxre ga popera ga ãẽ̱xgacügüchiga 17:3

Rü nüma ga Achíriaanearü ãẽ̱xgacü ga Chamanachá, rü norü churaragümaxã Iraéanecüã̱xarü ãẽ̱xgacü ga Ochéaca̱x ínayagoõchi rü nüxü̃ narüporamae. Rü nüma ga Chamanachá rü nügüme̱xwa nanayexmaxẽxẽ ga Ochéa rü naxü̃tawa tacü ga diẽruca̱x ínacaüüxü̃ ga guxcüma ga taunecügügu.

Norü taxre ga popera ga ãẽ̱xgacügüchiga 14:26

Yerü nüma ga Cori ya Tupana rü nüxü̃ nadau nax poraãcü ngúxü̃ yangegüxü̃ ga guxü̃ma ga yema Iraéanecüã̱xgü. Rü woo yema coriã̱xgüxü̃ rü woo yema tama coriã̱xgüxü̃ rü taxúema nawa iñaxü̃ ga ngúxü̃ ningegü, yerü taxuxü̃ma Iraéanecüã̱xgüxü̃ narüngü̃xẽxẽ.

Echequié 16:33

Rü guxü̃ma i ngẽma ngexü̃gü i naxü̃nemaxã taxexü̃ rü nüxü̃́ tanaxütanü. Natürü ga cuma rü ãmaregü nüxna cuxã ga guxü̃ma ga yema cumaxã ngeãẽgüxü̃. Rü nüxü̃́ cunaxütanügü nax cuxü̃tawa naxĩxü̃ca̱x ga yema togü ga nachixü̃anecüã̱xgü nax cumaxã yangeãẽgüxü̃ca̱x.

Echequié 23:5

Rü ngĩma ga Aorá rü tama choxü̃xica idawenü rü yema Achíriaanecüã̱xgümaxã ixãarüã̱x.

Norü taxre ga popera ga ãẽ̱xgacügüchiga 17:4

Natürü nüma ga Achíriaanearü ãẽ̱xgacü ga Chamanachá rü nüxü̃ nacua̱xama nax Ochéa rü bexma Equítuanearü ãẽ̱xgacü ga Chóxmaxã nax nügü naxucu̱xẽgüxü̃ nax Achíriaaneme̱xẽwa ínanguxuchixü̃ca̱x. Rü naétü marü tama nüxü̃́ ngĩxü̃ naxütanü ga yema diẽru ga wüxichigü ga taunecü nüxna ngĩxü̃ naxãgücü. Rü yemaca̱x nüma ga Chamanachá rü norü churaragüxü̃ namu nax Ochéaxü̃ yayauxgüxü̃ca̱x rü napoxcugüãxü̃ca̱x.

Ichaía 30:2

Erü tama chorü ngü̃xẽẽca̱x nadaugü. Rü Equítuanewa naxĩ nax Faraóü̃xü̃tagu ngü̃xẽẽca̱x yadaugüxü̃ca̱x nax ngẽma ínapoxü̃güxü̃ca̱x.

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.