Ochéa 7:4 - Tupanaarü Ore

⁴ Rü guxü̃ma i nümagü rü ñoma wüxi i yatü i to i ngexü̃ca̱x naxma̱xna ixũgachixü̃rüxü̃ choxna nixĩgachi. Rü wüxi i paũarü üruxü̃ rü nayanaixẽxẽ i norü paũarü guruxü̃. Rü ngẽxguma nanañumü i norü paũchara rü ínayanguxẽxẽ nax yapuxgüxü̃ rü yoxni nanaiecha i norü paũarü guruxü̃. Rü ngẽxgumarüxü̃ ta nixĩ i ngẽma duü̃xü̃gü erü tama nixogü i norü ngúchaü̃ nax chixexü̃ naxügüxü̃.

Ochéa 7:4 Referans Kwoze

Yeremía 9:2

Rü chierü ngextá ínachianexü̃wa choxü̃́ nangẽxmagu i wüxi i nachica nax ngẽxma chaxãpataxü̃ca̱x nax ngẽmaãcü chorü duü̃xü̃güna yáxü̃wa changexmaxü̃ca̱x. Erü guxü̃ma chixexü̃gu namaxẽ, rü duü̃xü̃gü i naechitamare maxẽxü̃ nixĩgü.

Popera ga Chantiágu ümatüxü̃ 4:4

Pa Duü̃xü̃gü i Chixri Maxẽxü̃x, ¿Tama ẽ̱xna nüxü̃ pecua̱x rü ngẽxguma ñoma i naanewa ngẽxmaxü̃ i chixexü̃güxü̃ pengechaxü̃gügu rü Tupanamaxã perüxuanügu? Erü texé ya ñoma i naanewa ngẽxmagüxü̃ i chixexü̃güxü̃ ngechaü̃güxe rü Tupanamaxã tarüxuanügü.

Ochéa 4:12

Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

1 Corintios 5:6

¡Rü tama name i pema rü pegü picua̱xüxü̃ naxca̱x i ngẽma pexüxü̃! ¿Tama ẽ̱xna nüxü̃ pecua̱x i ngẽma ore i ñaxü̃: “Wüxi i íxraxü̃ i paũarü pu̱xẽẽruxü̃ rü taxü̃ma i paũchara nipu̱xẽxẽ”, ñaxü̃?

Yeremía 23:10

Rü ñaa nachixü̃ane rü namaxã nayapa i duü̃xü̃gü i Tupanana ixĩgachixü̃ rü tama aixcüma naga ĩnüexü̃. Rü ngẽma orearü uruü̃güneta rü paxa naxca̱x nadaugü nax chixexü̃ naxügüxü̃. Rü ngẽmaca̱x ya Cori ya Tupana rü chixexü̃ namaxã naxuegu i ñaa naane rü chianexü̃xü̃ nayangucuchixẽxẽ. Rü ñu̱xma i ngẽma wocachitaü̃güarü maxẽgü rü marü nipagü.

Ochéa 4:10

Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.

Yeremía 9:1

Choma rü ngunecü rü chütacü naxca̱x chaxauxecha i ngẽma chorü duü̃xü̃gü i yuexü̃. Rü chierü ñoma wüxi i dexá i íchuxchuechaxü̃rüxü̃ yixĩxgu i chauxgüxü̃etü.