Ochéa 7:16 - Tupanaarü Ore

¹⁶ Rü tama cha̱u̱xca̱x naxĩ rü ñoma würa ya wü̃xü̃nerüxü̃ nixĩgü. Rü naxchicüna̱xãgüca̱xama nawoegu nax nüxü̃ yacua̱xüü̃güxü̃ca̱x. Rü ngẽma norü ãẽ̱xgacügü rü nügü nicua̱xüü̃gü rü nügü ínarüporae, natürü daigu tá nayuemare. Rü ngẽxguma i ngẽma Equítuanecüã̱xgü rü tá nüxü̃ nacugüe —ñanagürü ya Tupana.

Ochéa 7:16 Referans Kwoze

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Wiyaegü 78:57

Rü yema norü o̱xigürüü̃tama nüxna nixĩgachitanü rü tama aixcüma nüxü̃́ nayaxõgü. Rü ñoma wüxi ya würa ya wü̃xü̃nerüxü̃ nixĩgü.

Echequié 23:32

Rü Cori ya Tupana rü ñanagürü: —Choma ya Cori ya Iraétanüxü̃arü Tupana rü cumaxã chanaxuegu rü ngẽma poxcu i taxü̃ rü poraxü̃ ga cueya̱x ingexü̃tátama quinge. Rü ngẽma togü i duü̃xü̃gü rü tá cuxü̃ nacugüe rü poraãcü tá chixri cuchiga nidexagü.

Wiyaegü 73:9

Rü chixri daxũguxü̃ i naanechiga nidexagü rü ngextá ínaxĩxü̃wa rü nügü nicua̱xüü̃gü.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.

Wiyaegü 12:4

Rü nümagü rü ñanagürügü: —Toma rü mea nüxü̃ tacua̱xgü nax tidexagüxü̃ rü torü oremaxã togü ítapoxü̃. ¿Rü texé tá toxü̃ tarüngea̱xgüxẽxẽ? —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:5

Natürü tama yema ngo̱xona nanachu̱xu nax nügü yacua̱xüxüxü̃ca̱x rü chixri Tupanachiga yadexaxü̃ca̱x. Rü yema ngo̱xona naxã ga pora nax 42 ga tauemacü ãẽ̱xgacü yixĩxü̃ca̱x.

Norü taxre ga popera ga Pedru ümatüxü̃ 2:8

Rü guxü̃ ga ngunexü̃gu rü nüma ga Lox ga mea maxü̃cü rü poraãcü naãxẽwa nangu̱x ga yexguma nüxü̃ nada̱u̱xgu rü nüxü̃ naxĩnügu ga yema chixexü̃gü ga naxügüxü̃ ga yema duü̃xü̃gü ga natanüwa nayexmaxü̃.

Popera ga Chantiágu ümatüxü̃ 3:5

Rü ngẽxgumarüxü̃ ta nixĩ ya tórü conü rü woo nax naxírachiréxü̃, natürü poraxü̃ i orexü̃ nixu. Rü wüxitama i üxüarü ya̱u̱xraxü̃ i íraxü̃wa inaxügü nax yaxãxü̃ i taxü̃ma i naane. Rü tórü conü rü ñoma wüxi ya üxürüxü̃ nixĩ. Rü taxünewa rü wüxi i taxü̃ i chixexü̃ nixĩ ya yimá tórü conü erü nanachixexẽxẽ i guxü̃ma i tórü maxü̃. Rü ngẽma Tupana ngo̱xogüxü̃ ípoxcuexü̃gune ya üxüemawa ne naxũ i ngẽma chixexü̃ i namaxã yadexaxü̃ ya tórü conü. Rü ngẽma chixexü̃maxã nanachixexẽxẽ i guxü̃ma i tórü maxü̃.

Ore i mexü̃ ga Luca ümatüxü̃ 8:13

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Ore i mexü̃ ga Matéu ümatüxü̃ 12:36

Rü choma pemaxã nüxü̃ chixu rü ngẽma ngunexü̃ ya Tupana duü̃xü̃güxü̃ nagu icagüxü̃ rü tá guxü̃ i duü̃xü̃güna naca naxca̱x i guxü̃ma i ore i chixexü̃ i nüxü̃ yaxuxü̃ i ñoma i naanewa.

Ochéa 11:7

Rü nüma i ngẽma chorü duü̃xü̃gü rü nanaxügüama nax choxna yaxĩgachixü̃. Rü tagaãcü nayumüxẽgüchire̱x, natürü taxúema tanangãxü̃, erü nawe narüxĩama i ngẽma tupananetagü i taxucürüwa nüxü̃ rüngü̃xẽẽxü̃.

Ochéa 7:13

Rü taxü̃ i ãũcümaxü̃ tá nixĩ naxca̱x i ngẽma chorü duü̃xü̃gü yerü choxna nixĩgachitanü. Rü tá guxchaxü̃ naxca̱x ínangu erü tama chauga naxĩnüechaü̃. Rü choma rü íchamemarechire̱x nax íchananguxü̃xẽẽxü̃ca̱x, natürü i nümagü rü tama chomaxã nixaicümagü rü doraxü̃ chomaxã nixugümare.

Ochéa 6:4

Rü nüma ya Cori ya Tupana rü ñanagürü: —¿Ta̱xacü tá pemaxã chaxü Pa Efraíü̃tanüxü̃x? ¿Rü ta̱xacü tá pemaxã chaxü Pa Yudáanecüã̱xgüx? Rü ngẽma nax choxü̃ pengechaxü̃xü̃ rü ñoma caixanexü̃ i ẽxü̃wa paxaãchi ngóxü̃rüxü̃ nixĩ, rü yima cherena ya ngunetüxü̃ paxaãchi rüngucürüxü̃ nixĩ.

Echequié 36:20

Natürü yema Iraétanüxü̃ rü guxü̃ma ga guma ĩanegü ga nagu nawoonenewa rü chixri chauchiga nidexagü rü nanaxãũãchixẽxẽ ga chauéga i üünexü̃. Rü yemaca̱x ga yema togü ga duü̃xü̃gü rü ñanagürügü: “Ñaa nixĩ i Cori ya Tupanaarü duü̃xü̃gü, natürü nachixü̃anewa ínachoxü̃”, ñanagürügü —ñanagürü ya Tupana.

Yeremía 18:18

Rü yema duü̃xü̃gü rü ñanagürügü: —Ngĩxã nagu tarüxĩnüe i ta̱xacü namaxã taxü i Yeremía nax nüxü̃ naxoxü̃ca̱x nax guxchaxü̃chiga tamaxã yaxuxü̃. Erü tagutáma nataxu i togü i chacherdótegü i tüxü̃ ngúexẽẽxü̃, rü tagutáma nataxu i togü i yatügü i nüxü̃ icuáxü̃ i tüxü̃ ucu̱xẽgüxü̃, rü tagutáma nataxu i togü i orearü uruü̃gü i Tupanaarü orexü̃ tamaxã ixugüxü̃. Ngĩxã ãẽ̱xgacüpe̱xewa ítanaxuaxü̃ nax ngẽmaãcü yama̱xgüãxü̃ca̱x. Rü taxũtáma naga taxĩnüe i ngẽma nüxü̃ yaxuxü̃ —ñanagürügü.

Yeremía 3:10

Rü naétüwa ga yema chixexü̃ ga naxügüxü̃ ga yema Yudáanecüã̱xgü ga choxna ĩgüxü̃, rü choxü̃ nawomüxẽẽgümare rü tama aixcüma cha̱u̱xca̱x nawoegu. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 3:8

Rü yima ĩane ya Yerucharéü̃ rü marü nanguxuchi rü Yudáanewa rü duü̃xü̃güchicaxica ínayaxü, erü duü̃xü̃gü rü chixri Cori ya Tupanachiga nidexagü rü nanaxügü i ta̱xacü i tama namaxã nataãẽxü̃, rü ngẽmaãcü tama naga naxĩnüe.

Wiyaegü 78:37

Rü taguma aixcüma nawe narüxĩ rü taguma aixcüma nayanguxẽẽgü ga norü unetagü ga Tupanamaxã nüxü̃ yaxugüexü̃.

Wiyaegü 57:4

Rü choma rü natanüwa changexma i uanügü i ñoma leóü̃rüxü̃ idüraexü̃. Rü napüta rü ñoma naxnegü i ãmaguxnerüxü̃ nixĩ rü norü conü rü ñoma tara i meama waixmaguxü̃rüxü̃ nixĩ.

Wiyaegü 52:2

Rü yimá curü conü rü naxãũcüma ñoma wüxi i cüxchi i te̱xechixü̃rüxü̃. Erü yimá curü conü rü nidorata̱x rü chixexü̃ i orexü̃ nixu.

Wiyaegü 12:3

Cori ya Tupana rü tá inayanaxoxẽxẽ i guxü̃ma i ngẽma nügü írümegünetaxü̃ rü ngẽma nügü icua̱xüü̃güxü̃.

Wiyaegü 17:10

Rü taxúema nüxü̃́ tangechaü̃tümüü̃gü. Rü nügü yacua̱xüü̃güãcüma nidexagü.

Danié 7:25

Ngẽma ãẽ̱xgacü rü tá Tupana ya Guxãétüwa Ngẽxmacümaxã naguxchiga. Rü tá chixri tümamaxã inacua̱x ya yíxema Tupanaarü duü̃xẽgü. Rü tá naxca̱x nadau nax ñuxãcü nanatoraxü̃xẽẽxü̃ i Tupanaarü mugü, rü tá nüxü̃ naxoo̱x i ngẽma Tupana ueguxü̃ i petagü. Rü yíxema Tupanaarü duü̃xẽgü rü tomaepü̱x ya taunecüarü ngãxü̃ tá naxme̱xwa tangexmagü.

Ochéa 11:5

Natürü i nümagü rü tama cha̱u̱xca̱x nawoeguchaü̃. Rü ngẽmaca̱x woo taxũtáma Equítuaneca̱x nawoegu natürü Achíriaaneme̱xẽwa tá nangẽxmagü, erü tama cha̱u̱xca̱x nawoeguchaü̃.

Maraquía 3:13

Rü nüma ya Cori ya Tupana rü ñanagürü: —Pemax rü poraãcü chixexü̃ chomaxã pixugüe. Rü ngẽxguma rü ta ípecaama rü ñaperügügü: “¿Ta̱xacürü chixexü̃ nixĩ i cumaxã tixugüxü̃?” ñapegürügü.

Maraquía 3:14

Rü ñaa nixĩ i ngẽma nüxü̃ pixuxü̃: “Taxuwama name i Tupanaaxü̃́ nax ipuracüexü̃. ¿Rü ta̱xacürü mexü̃ tayaxu i ngẽxguma naxü̱xgu i ngẽma nüma tüxü̃ namuxü̃? ¿Rü ta̱xacüwa tüxü̃́ name nax ingechaü̃güxü̃ ega ta̱xacürü chixexü̃ ixügügu nape̱xewa ya Cori ya Tupana ya Guxãétüwa Ngẽxmacü?

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Yeremía 42:18

Erü choma ya Cori ya Guxãétüwa Changexmaxẽ ya Iraétanüxü̃arü Tupana rü ñachagürü: ‘Rü yexgumarüxü̃ ga yema Yerucharéü̃cüã̱xmaxã nax chanuxü̃, rü ngẽxgumarüxü̃ tá ta pemaxã chanu ega Equítuanewa pexĩxgu. Rü ngẽxguma ngẽma poxcu i pemaxã chaxueguxü̃ pexca̱x ínguxgu, rü pema rü wüxi i cua̱xruxü̃ tá pixĩ naxca̱x i ngẽma togü i duü̃xü̃gü rü tá pemaxã naba̱i̱xãchie. Rü pema rü taxũtáma wena ñaa nachicaca̱x pewoegu, ñachagürü pexü̃’ ” —ñanagürü.

Ochéa 9:4

Rü ngéma rü tá pexü̃́ nataxu i bínu nax Tupanaarü ãmareétügu penabaxü̃ca̱x. Rü ngẽma íxraxü̃ i paũ i pengṍxü̃ rü ngechaü̃ãcü tá penangõ̱x ñoma texé yu̱xgurüxü̃. Rü texé ya yíxema nangõ̱xgüe rü tá Tupanape̱xewa tixãũãchi rü taxucürüwama Tupanapata ya taxü̃newa tangugü.