Ochéa 7:15 - Tupanaarü Ore

¹⁵ Rü choma rü mea chanangúexẽxẽ rü pora nüxna chaxã, natürü i nümagü rü chixexü̃gu chomaxã narüxĩnüe.

Ochéa 7:15 Referans Kwoze

Naúü̃ 1:9

¿Rü ta̱xacürü chixexü̃ nixĩ i Cori ya Tupanape̱xewa nagu perüxĩnüexü̃? Rü nüma rü noxtacüma tá inayanaxoxẽxẽ i ngẽma nagu perüxĩnüexü̃. Rü ngẽxma tá nayacua̱x nax namaxã perüxuanügüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Popera ga Yudíugü ga yaxõgüxü̃ca̱x ümatüxü̃ 12:5

Rü ñu̱xma nax Tupanaxacügü pixĩgüxü̃ rü tama name i nüxü̃ iperüngümae i norü ore i ümatüxü̃ i namaxã pexü̃ yaxucu̱xẽgüxü̃ i ñaxü̃: “Pa Chaunex, ¡taxṹ i nüxü̃ cuxoxü̃ i ngẽxguma cuxü̃ icharüwe̱xãchixẽẽgu! ¡Rü taxṹ i cuyarümaxãchixü̃ i ngẽxguma cuxü̃ chaxucu̱xẽgu!

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Ngechuchuarü ngúexü̃gü ga yamugüxü̃arü puracüchiga 4:25

Rü cumatama nixĩ ga nũxcüma Cuãxẽ ya Üünecüxü̃ cumuxü̃ nax curü ngü̃xẽẽruxü̃ ga Dabíwa yanadexaxü̃ca̱x ga yexguma ñaxgu: “¿Tü̱xcüü̃ ínanue i ñoma i naanecüã̱x i duü̃xü̃gü i tama yaxõgüxü̃? ¿Rü tü̱xcüü̃ ngẽma natüca̱xmamare ixĩgüxü̃gu narüxĩnüe i nachixü̃anecüã̱xgü?

Yeremía 17:9

Rü nataxuma i ta̱xacü i duü̃xü̃ãẽrüxü̃ idorata̱xáxü̃ rü chixexü̃gu rüxĩnüxü̃. ¿Rü texé tá nüxü̃ cuáxü̃ i ngẽma nagu naxĩnüxü̃?

Ucu̱xẽgüchiga 3:11

Pa Chaunex ¡taxṹ i nüxü̃ cuxoxü̃ i ngẽxguma Cori ya Tupana cuxü̃ iyarüwe̱xãchixẽẽgu! ¡Rü ngẽxguma cuxü̃ naxucu̱xẽgu, rü taxṹ i cunuxü̃!

Wiyaegü 94:12

Pa Corix, rü tataãxẽ ya yíxema ucu̱xẽ tüxna cuxãxe rü yíxema tüxü̃ cungu̱xẽxẽ́xẽ.

Wiyaegü 62:3

¿Rü ñuxguratáta nüxü̃ perüchau nax cha̱u̱xca̱x ípeyaxüãchixü̃ nax ngẽmaãcü ichayanguxü̃ca̱x ñoma wüxi ya ĩxtapü̱x iwa̱xgüxü̃rüxü̃, rüe̱xna ñoma wüxi ya poxeguxü̃ iwáxü̃rüxü̃?

Wiyaegü 2:1

¿Ta̱xacüca̱x nügümaxã nanue i ñoma i naanecüã̱x i duü̃xü̃gü i tama Tupanaxü̃ cua̱xgüxü̃? ¿Rü tü̱xcüü̃ i nügümaxã nagu narüxĩnüe i ta̱xacü i taxuwama mexü̃?

Yox 5:17

Rü nataãxẽ ya yimá yatü ya Tupana ucu̱xẽcü. ¡Rü taxṹ i nüxü̃ cuxoxü̃ ya yimá Guxãétüwa Ngẽxmacüarü ucu̱xẽ!

Norü taxre ga popera ga ãẽ̱xgacügüchiga 13:23

Natürü nüma ga Cori ya Tupana rü nüxü̃́ nangechaü̃tümüü̃gü ga yema Iraéanecüã̱xgü yerü Abraáü̃maxã rü Ichaámaxã rü Acóbumaxã marü inaxuneta. Rü yemaca̱x poraãcü yema Iraétanüxü̃gu narüxĩnü rü tama nanaxwa̱xe nax nadaiaxü̃ rü nügüpe̱xewa ínawoxü̃ãxü̃. Rü ñu̱xma rü ta rü tama nüxü̃ naxo rü tama ínanawogü.

Norü taxre ga popera ga ãẽ̱xgacügüchiga 13:5

Rü nüma ga Tupana rü yéma nanamu ga wüxi ga ngü̃xẽẽruxü̃ nax Chíriaanearü ãẽ̱xgacüme̱xẽwa Iraéanecüã̱xgüxü̃ ínanguxü̃xẽẽxü̃ca̱x. Rü yemaacü ga Iraéanecüã̱xgü rü noxrirüxü̃ taãẽãcü namaxẽ ga napatagüwa.

Ochéa 13:9

Pa Iraéanecüã̱xgüx, ñu̱xmax rü tá pexü̃ chadai rü taxúetama pexü̃ ítapoxü̃.