Ochéa 7:13 - Tupanaarü Ore

¹³ Rü taxü̃ i ãũcümaxü̃ tá nixĩ naxca̱x i ngẽma chorü duü̃xü̃gü yerü choxna nixĩgachitanü. Rü tá guxchaxü̃ naxca̱x ínangu erü tama chauga naxĩnüechaü̃. Rü choma rü íchamemarechire̱x nax íchananguxü̃xẽẽxü̃ca̱x, natürü i nümagü rü tama chomaxã nixaicümagü rü doraxü̃ chomaxã nixugümare.

Ochéa 7:13 Referans Kwoze

Ochéa 9:12

Rü woo ngẽxguma yaxãxacügügu, rü choma rü tá nüxna chanayaxu i norü maxü̃ rü tá nayue. Rü ngẽxguma nüxna chixũgachigu i ngẽma Iraéanecüã̱xgü rü naxca̱x rü tá wüxi i taxü̃ i ngechaü̃ nixĩ.

Ochéa 11:12

Rü ñanagürü ta: —Ngẽma Efraíü̃tanüxü̃x, rü guxü̃guma chope̱xewa nidorata̱xagü. Rü ngẽma Iraéanecüã̱xgü rü guxü̃guma choxü̃ nawomüxẽẽgü. Rü ngẽma Yudáanecüã̱xgü rü choxna nixĩgachi, rü ñu̱xma rü norü tupananetagüxü̃ nicua̱xüü̃gü —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:13

Rü yemawena ichadawenü rü nüxü̃ chaxĩnü ga wüxi ga ĩyü ga daxũgu íxexeü̃xü̃ ga tagaãcü ñaxü̃: “Nangechaü̃tümüü̃gü i ngẽma duü̃xü̃gü i naanewa maxẽxü̃ i ngẽxguma yacuegüãgu tá ya norü cornétagü i ngẽma togü i tomaepü̱x i Tupanaarü orearü ngeruü̃gü”, ñaxü̃.

Nüxíraxü̃xü̃ ga popera ga Cuáü̃ ümatüxü̃ 1:10

Natürü ngẽxguma chi ñagügu: “Tangearü pecaduã̱xgü”, ñagügu, rü dorata̱a̱x nüxü̃ tawogü ya Tupana rü tama aixcüma tawa nangẽxma i norü ore.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Yoná 1:10

Rü ñu̱xũchi nüma ga Yoná rü meama guma wapuruarü duü̃xü̃gümaxã nüxü̃ nixu nax Cori ya Tupanacha̱xwa nax yaxũxü̃. Rü yexguma yemaxü̃ naxĩnüegu ga nümagü, rü nüxü̃ nadaugü ga yema már ga nax yexeraãcü nayuapexü̃, rü poraãcü namuü̃e. Rü nüxna nacagüe rü ñanagürügü:

Yoná 1:3

Natürü nüma ga Yoná rü tama Tupanaga naxĩnü, rü naxca̱x nadau nax ñuxãcü naxcha̱xwa yaxũxü̃. Rü yemaca̱x Yópearü türewa naxũ, rü yexma nüxü̃ inayangau ga wüxi ga wapuru ga ixũãchichaxü̃ne ga Tárchixwa ũxũne. Rü gumawa nanaxütanü nax yexma yaxũxü̃ca̱x.

Ochéa 11:2

Natürü yexguma yexeraãcü naxca̱x chacagu nax chowe naxĩxü̃ca̱x, rü nüma ga Iraétanüxü̃ rü yexeraãcü choxna nixĩgachi. Rü nüma ga chorü duü̃xü̃gü rü tupananetagüca̱x ínanagu ga ãmaregü rü ngẽmachicüna̱xãgüca̱x ínanagu ga pumarate̱xe.

Ochéa 9:17

Rü ñanagürü ga Ochéa: —Ngẽma duü̃xü̃gü rü tama chorü Tupanaga naxĩnüechaü̃. Rü ngẽmaca̱x i nüma ya Tupana rü tá nüxü̃ naxo. Rü togü i nachixü̃anegügu tá nanawoone, rü ngéma rü tá nu ne nanaxĩmare —ñanagürü.

Ochéa 7:3

Rü nüma i duü̃xü̃gü rü norü diẽrumaxã rü womüxẽẽmaxã nanataãẽxẽxẽ i norü ãẽ̱xgacü rü norü ngü̃xẽẽruü̃gü.

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Echequié 34:6

Rü yema chorü carnérugü rü guxü̃ma ga máxpü̱xanexü̃gu rü ma̱xpǘnegügu rü guxü̃ma ga naanegu nügü nawoone rü ínatüe. Rü taxúema naxca̱x taxoegaãxẽ, rü naxca̱x tayadaugü.

Echequié 18:25

Rü pema rü nüxü̃ pixu nax choma ya Cori ya Tupana yixĩxü̃ nax tama aixcüma mea pemaxã ichacuáxü̃. ¡Natürü iperüxĩnü i pema, Pa Iraétanüxü̃x! ¿Rü ta̱xacüwa nixĩ i tama aixcüma mea pemaxã ichacuáxü̃? Rü pemaxã nüxü̃ chixu rü pema waxi nixĩ i tama aixcüma mea chauga pexĩnüexü̃.

Echequié 18:2

—¿Tü̱xcüü̃ i Iraéanewa rü nagu naxãgaeecha i ngẽma dexa i ñaxü̃: “Ngẽma papagü rü úba i ngu̱xchi̱a̱xü̃ nangõ̱xgü, rü ngẽma nanegü rü nawa naxãũãpütagü”? ñaxü̃.

Echequié 16:23

Rü choma ya Cori ya Tupana nixĩ i cumaxã nüxü̃ chixuxü̃ i ñaa ore i ñaxü̃: Rü wüxi i taxü̃ i ngechaü̃ nixĩ cuxca̱x, Pa Yerucharéü̃x. Yerü naétüwa ga guxü̃ma ga yema chixexü̃ ga cuxüxü̃, rü cuma rü guxü̃ma ga ngẽãcuanexü̃gu cunaxü ga wüxi ga nachica ga nawa tupananetachicüna̱xãgüxü̃ yacua̱xüü̃güxü̃, rü ñu̱xũchi nawa cungeãẽxü̃.

Auxexü̃chiga 5:16

Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.

Yeremía 42:20

“Rü pema rü poraãcü ípetüe i ngẽxguma choxü̃ pemugügu nax Cori ya Tupanana chacaxü̃ i norü ucu̱xẽ. Rü pema rü ñapegürügü choxü̃: ‘¡Cori ya tórü Tupanamaxã toétüwa idexa, rü ñu̱xũchi tomaxã nüxü̃ ixu i ngẽma toxca̱x cumaxã nüxü̃ yaxuxü̃ nax toma rü tanaxüxü̃ca̱x i ngẽma!’ ñaperügügü choxü̃.

Yeremía 14:10

Rü nüma ya Cori ya Tupana rü ñanagürü nachiga i ngẽma Iraétanüxü̃: —Ñaa duü̃xü̃gü rü norü me nixĩ nax choxna yaxĩgachixü̃ naxca̱x i tupananetagü. Rü ngẽmaca̱x tama taãẽãcüma nüxü̃ chadawenü. Rü ñu̱xma rü tá nüxna chacua̱xãchi i norü pecadugü, rü tá nüxna chaca naxca̱x i norü chixexü̃ —ñanagürü.

Ichaía 63:8

Rü Tupana rü ñanagürü: —Nümagü rü chorü duü̃xü̃gü nixĩgü, rü chaunegü i aixcüma chauga ĩnüexü̃ nixĩgü —ñanagürü. Rü ngẽmaca̱x norü uanügüme̱xẽwa ínananguxü̃xẽxẽ.

Ichaía 59:13

Rü tama Tupanaga taxĩnüe rü tama namaxã tixaixcümagü. Rü nüxna tixĩgachi. Rü máetachiga tidexagü rü tanaechitaegü. Rü duü̃xü̃güxü̃ tawomüxẽxẽ.

Ichaía 43:1

Natürü i ñu̱xmax, Pa Iraétanüxü̃ i Acóbuarü Duü̃xü̃gü Ixĩgüxe, rü yimá Cori ya Tupana ya pexü̃ ngo̱xẽẽcü rü ñanagürü pexü̃: —¡Taxṹ i pemuü̃exü̃! Erü choma nixĩ i pexü̃ íchanguxü̃xẽẽxü̃. Rü choma nixĩ i peégamaxã pexna chacaxü̃ rü pema rü chorü duü̃xü̃gü pixĩgü.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Wiyaegü 106:10

Rü yemaacü nixĩ ga norü uanügü ga naxchi aiexü̃me̱xẽwa ínanguxü̃xẽẽãxü̃.

Yox 22:17

Rü ngẽma duü̃xü̃gü i chixexü̃gu maxẽxü̃ rü Tupanaca̱x wáita naxüe rü ñanagürügü: “¡Taxṹ i toxü̃ cuchixewexü̃! ¿Ta̱xacürü mexü̃ tá toxca̱x cuxü, Pa Tupana ya Guxãétüwa Ngẽxmacü?” ñanagürügü.

Neemía 1:10

Toma rü curü duü̃xü̃gü i curü puracütanüxü̃ tixĩgü, rü cuma rü curü poramaxã torü uanügüme̱xẽwa toxü̃ ícunguxü̃xẽxẽ.

Wenaxarü naxümatü ga Tupanaarü mugü 15:15

¡Rü tagutáma nüxü̃ perüngümae nax pema rü mugüruü̃gü pixĩgüxü̃ ga Equítuanewa rü nüma ga Cori ya perü Tupana nixĩ ga pexü̃ ínguxü̃xẽẽcü! Rü ngẽmaca̱x nixĩ i ñu̱xma i pexna chanaxãxü̃ i ñaa mu.

Yeremía 7:15

Natürü choma rü chope̱xewa tá pexü̃ íchawoxü̃, Pa Yudátanüxü̃x, yexguma ü̃pa peenexẽgü ga Efraíü̃tanüxü̃xü̃ íchawoxü̃gurüxü̃’ ” —ñanagürü.

Yeremía 51:9

Marü tanaxüxü̃ ya Babirónia, natürü tama naxca̱x nitaane. ¡Rü ngĩxã nua tanata̱x rü nüxna tixĩgachi! ¡Rü ngĩxã tachixü̃aneca̱x tawoegu i wüxichigü! Erü Babiróniaanearü poxcu rü ngẽma nax nataxüchixü̃ rü ñu̱xmata dauxü̃guxü̃ ga naanewa nangu rü ñu̱xmata caixanexü̃güwa nangu.

Miquéa 6:12

Rü ngẽma diẽruã̱xgüxü̃ i daa ĩanegu ãpatagüxü̃ rü poraãcü duẽxẽgüxü̃́ nangĩ́e. Rü guxü̃ma i daa ĩanewa maxẽxü̃ rü dorata̱xaxgüxü̃ rü womüxẽẽwa̱xegüxü̃ nixĩgü.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Ichaía 30:2

Erü tama chorü ngü̃xẽẽca̱x nadaugü. Rü Equítuanewa naxĩ nax Faraóü̃xü̃tagu ngü̃xẽẽca̱x yadaugüxü̃ca̱x nax ngẽma ínapoxü̃güxü̃ca̱x.

Ochéa 5:7

Rü nümagü i Iraétanüxü̃ rü tama Cori ya Tupanaxü̃ nangechaü̃gü. Rü togüaxü̃́ ãxãcüxü̃rüxü̃ nixĩgü erü tupananetagüxü̃ nicua̱xüü̃gü. Rü ngẽmagagu wüxitama ya tauemacügu rü ngẽma norü naanewa ngẽxmagüxü̃ i nanetügü rü tá nayue.