Ochéa 7:12 - Tupanaarü Ore

¹² Natürü ngẽxguma ngẽma ngü̃xẽẽca̱x nadaugügu rü choma rü tá íchanayauxü̃ ñoma werigü yütagu íyauxü̃xü̃rüxü̃. Rü ñu̱xũchi tá chanapoxcue nagagu i ngẽma norü chixexü̃gü.

Ochéa 7:12 Referans Kwoze

Echequié 12:13

Natürü i choma rü ngẽma ãẽ̱xgacüétügu tá chanaña i chorü tarapa, rü ngẽmamaxã tá chayayaxu. Rü Cadéugüane i Babiróniawa tá chanaga. Rü ngẽmaãcü tagutáma wena nüxü̃ nadau i norü naane. Rü Babiróniagu tá nixĩ i nayuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Echequié 32:3

Natürü choma ya Cori ya Tupana rü ñachagürü cuxü̃: ‘Rü woo nax muxũchixü̃ i duü̃xü̃gütanüwa cumaxü̃xü̃, rü choma rü tá chorü püchamaxã cuxü̃ chiyaxu.

Echequié 17:20

Rü choma rü naétügu tá chanaña i ngẽma chorü pücha, rü ngẽmamaxã tá chayayaxu. Rü Babiróniawa tá chanaga, rü ngéma tá chapoxcu nagagu nax tama chauga naxĩnüxü̃.

Yeremía 44:4

Rü muẽ̱xpü̱xcüna petanüwa chanamu ga chorü orearü uruü̃gü nax pemaxã nüxü̃ yaxugüexü̃ca̱x nax tama penaxügüxü̃ca̱x ga yema chixexü̃gü i ãũãchixü̃gü i poraãcü naxchi chaxaixü̃.

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

Ngu̱xẽẽtaeruü̃arü ore 9:12

Rü yixema rü taxúema nüxü̃ tacua̱x nax ta̱xacü tá ngürüãchi tüxü̃ ngupetüxü̃, ñoma choxnigü i püxchagu chogüxü̃rüxü̃, rü ñoma werigü i yütagügu chogüxü̃rüxü̃. Rü ngẽxgumarüxü̃ ta ya yimá yatü rü tama nüxü̃ nacua̱x i ñuxgu tá ngürüãchi chixexü̃gu nangu̱x.

Yox 19:6

Rü chanaxwa̱xe i meama nüxü̃ pecua̱x rü Tupana nixĩ i cha̱u̱xca̱x ínanguxẽẽcü i ngẽma guxchaxü̃ i nawa changexmaxü̃. Rü nüma nixĩ i norü yütagu choxü̃ nanguxẽẽxü̃.

Ochéa 5:9

Pa Iraétanüxü̃x, ngẽma pemaxã nüxü̃ chixuxü̃ rü aixcüma tá nixĩ iyanguxü̃. Rü ngẽxguma nawa nanguxgu nax pexü̃ chapoxcuxü̃ rü ngẽma Efraíü̃ane rü natüchixica tá ínayaxü —ñanagürü.