Ochéa 6:6 - Tupanaarü Ore

⁶ Rü ngẽma choma pexü̃́ chanaxwa̱xexü̃ nixĩ nax aixcüma choxü̃ pengechaü̃xü̃, rü ngexrüma nax ta̱xacürü naxü̃nagü cha̱u̱xca̱x pedaixü̃. Rü ngẽma chanaxwa̱xexü̃ nixĩ nax aixcüma choxü̃ pecuáxü̃ nax perü Tupana chixĩxü̃ rü ngexrüma i ta̱xacürü ãmare i cha̱u̱xca̱x nax ípeguxü̃.

Ochéa 6:6 Referans Kwoze

Ore i mexü̃ ga Matéu ümatüxü̃ 9:13

¡Rü ípixĩ, rü nawa pengúe i Tupanaarü ore i ümatüxü̃ i ñaxü̃: “Choma rü tama chanaxwa̱xe i cha̱u̱xca̱x peyama̱x rü peyagu i carnérugü, natürü ngẽma chanaxwa̱xexü̃ nixĩ nax togü pexü̃́ ngechaxü̃tümüxü̃güxü̃”, ñaxü̃! Choma rü tama núma chaxũ nax naxca̱x chayaca̱xaxü̃ca̱x i ngẽma ingearü pecaduã́xü̃, natürü núma chaxũ nax naxca̱x chayaca̱xaxü̃ca̱x i ngẽma pecaduã̱xgüxü̃ —ñanagürü.

Ore i mexü̃ ga Matéu ümatüxü̃ 12:7

Natürü pema rü tama nüxü̃ pecua̱x i ñuxũ ñaxü̃chiga nixĩ i ngẽma Tupanaarü ore i ümatüxü̃ i ñaxü̃: “Choma rü tama chanaxwa̱xe i cha̱u̱xca̱x penadai rü peyagu i carnérugü, natürü ngẽma chanaxwaxexü̃ nixĩ nax duü̃xü̃gü pexü̃́ nangechaü̃tümüxü̃güxü̃”, ñaxü̃. Rü ngẽxguma chi aixcüma nüxü̃ pecua̱xgu i ngẽma ore, rü taxũchima chixri nachiga pidexagü i ñaa chorü ngúexü̃gü i taxuxü̃ma i chixexü̃ ügüxü̃ i Tupanape̱xewa.

Ucu̱xẽgüchiga 21:3

¡Nagu namaxü̃ i ngẽma nacümagü i mexü̃, rü ngẽma nixĩ i guxü̃ma i ãmaregüarü yexera Tupanaca̱x rümemaexü̃!

1 Chamué 15:22

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

Amúx 5:21

Rü Cori ya Tupana rü ñanagürü pexü̃: —Choma rü naxchi chaxai rü nüxü̃ chaxo i ngẽma taxü̃ i peta i chauégagu pexüxü̃. Rü tama namaxã chataãxẽ i ngẽma perü ngutaque̱xegü i cha̱u̱xca̱x pexüxü̃.

Ichaía 1:11

Rü nüma ya Cori ya Tupana rü ñanagürü pexü̃: —¿Ta̱xacüca̱x chauxü̃tawa penagagü i ngẽma muxü̃ i pexü̃nagü nax cha̱u̱xca̱x penada̱i̱xü̃ca̱x? Rü marü nüxü̃ charüchau i ngẽma carnérugü i cha̱u̱xca̱x ípeguxü̃ rü ngẽma wocaxacügüarü chíxü̃ i ípeguxü̃. Rü yimá nagü i ngẽma woca iyatüxü̃gü rü carnérugü, rü chíbuxacügü rü nawa chanaxoxéga.

Ngu̱xẽẽtaeruü̃arü ore 5:1

¡Ngẽxguma Tupanapatawa cuxũxgu rü naxuãxẽ rü mea nagu rüxĩnü i ngẽma cuxüxü̃! Rü tama name i chixri curü ãmare icuxã naxrüxü̃ i ngẽma duü̃xü̃gü i naechitamare maxẽxü̃ rü tama nüxü̃ cuáxü̃ nax chixexü̃ naxügüxü̃. Rü narümemae nixĩ nax mea Tupanaga cuxĩnüxü̃.

Yeremía 22:16

Rü tüxü̃ ínapoxü̃ ga guxema ingearü diẽruã̱xgüxe rü guxema guxchaxü̃wa yexmagüxe. Rü yemaca̱x nixĩ ga mea nüxü̃ nangupetüxü̃ ga gumá cunatü. Rü yema naxüxü̃wa inanawe̱x nax aixcüma choxü̃ nacuáxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore.

Ore i mexü̃ ga Matéu ümatüxü̃ 5:7

Tataãẽgü ya yíxema togü tüxü̃́ ngechaxü̃tümüxü̃güxe, erü tümagü rü tá ta Tupanaaxü̃́ tangechaxü̃tümüxü̃gü.

Danié 4:27

Rü ngẽmaca̱x Pa Ãẽ̱xgacüx, ¡irüxĩnü i ñaa chorü ucu̱xẽ rü mea namaxã inacua̱x i duü̃xü̃gü! ¡Rü taxṹ i pecadu cuxüxü̃ rü ngẽxmatama yacua̱xẽxẽ nax cunaxüxü̃ i ngẽma chixexü̃ i cuãẽwa ínguxü̃! ¡Rü nagu rüxĩnü nax nüxü̃ curüngü̃xẽxẽxü̃ i ngẽma duü̃xü̃gü i ngearü ngẽmaxü̃ã̱xgüxü̃! Rü bexmana ngẽmaãcü ya Tupana i taxũtáma cuxna nanguxẽẽãxü̃ i ngẽma chixexü̃ i cumaxã naxueguxü̃” —ñanagürü ga Danié.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Yeremía 7:22

Natürü yexguma Equítuanewa íchanagaxü̃gu ga yema nũxcümaü̃güxü̃ ga perü o̱xigü, rü tama namaxã nüxü̃ chixu rü tama chanamu nax ãmare choxna naxãgüxü̃ca̱x rüe̱xna cha̱u̱xca̱x ínagugüaxü̃ca̱x ga naxü̃nagü.

Nüxíraxü̃xü̃ ga popera ga Cuáü̃ ümatüxü̃ 3:6

Rü ngẽmaca̱x guxãma ya yíxema aixcüma nüxü̃́ yaxõgüxe, rü tama pecadu taxügüecha. Natürü guxãma ya yíxema pecadu ügüechaxe, rü taguma Cristuxü̃ tadau, rü taguma nüxü̃ tacua̱x.

Nüxíraxü̃xü̃ ga popera ga Cuáü̃ ümatüxü̃ 2:3

Rü ngẽxguma chi naga ixĩnüegu i norü mugü, rü nüxü̃ tacua̱x nax aixcüma Tupanaxü̃ icuáxü̃.

Miquéa 6:6

¿Rü ta̱xacümaxã tá nüxü̃ chayarücua̱xüxü̃ ya yimá Cori ya Tupana ya daxũcüã̱x? ¿Ẽ̱xna wocaxacügü i wüxi ya taunecü nüxü̃́ ngẽxmagüxü̃ tá naxca̱x íchaguxü̃ nax ngẽmamaxã nüxü̃ chicua̱xüü̃xü̃ca̱x?

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Ichaía 58:6

Natürü tama ngẽmaãcü üxü̃ i aure nixĩ i chanaxwa̱xexü̃. Rü ngẽma aure i namaxã chataãẽxü̃ nixĩ nax tüxü̃ ípinguxü̃xẽẽxü̃ ya yíxema natüca̱xma poxcuexe rü yíxema mugüruxü̃ ixĩgüxe, rü yíxema togü chixri tümamaxã icua̱xgüxe.

Ochéa 2:20

Rü chorü duü̃xü̃güxüchi tá pexü̃ chixĩgüxẽxẽ, rü tagutáma pexü̃ íchawogü. Rü ngẽxguma i pema rü tá choxü̃ pecua̱x nax perü Tupana chixĩxü̃.

Wiyaegü 50:8

Rü ñu̱xma rü tama pexü̃ chaxoregü naxca̱x i ngẽma ãmaregü i guxü̃guma cha̱u̱xca̱x pedaixü̃ rü cha̱u̱xca̱x ípeguxü̃.

Ore i mexü̃ ga Márcu ümatüxü̃ 12:33

Rü ngẽma Tupanaxü̃ nax ingechaü̃xü̃ guxü̃ne ya tórü maxü̃nemaxã, rü guxü̃ i nagu rüxĩnüxü̃maxã, rü guxü̃ i tórü poramaxã, rü nüxü̃ nax ingechaü̃xü̃ i tamücü i yigü nax ingechaü̃xü̃rüxü̃, rü ngẽma rü guxü̃ma i carnérugü i Tupanaca̱x ida̱i̱xü̃ rü íguxü̃arü yexera narümemae —ñanagürü.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Miquéa 6:8

Rü nüma ya Cori ya Tupana rü marü cumaxã nüxü̃ nixu, Pa Duü̃xü̃x, i ta̱xacü nixĩ i nape̱xewa mexü̃ rü ta̱xacü nixĩ i ngẽma cuxü̃́ nanaxwa̱xexü̃. Rü ngẽma cuxü̃́ nanaxwa̱xexü̃ nixĩ nax mexü̃ cuxüxü̃ rü quixaixcümaxü̃ rü curü Tupanaga nax cuxĩnüxü̃ rü tama cugü quicua̱xüxü̃.

Yochué 5:5

Rü woo guxü̃ma ga yema Iraétanüxü̃ ga Equítuanewa íchoxü̃xü̃ rü marü ínawiü̃cha̱xmüü̃pe̱xechiraü̃gü. Natürü yema nanegü ga namagu ga ínachianexü̃gu ibuetanüxü̃ rü tama ínawiü̃cha̱xmüü̃pe̱xechiraü̃gü.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.