Ochéa 6:5 - Tupanaarü Ore

⁵ Rü yema chorü orearü uruü̃gü ga petanüwa chamugüxü̃wa pemaxã nüxü̃ chixu nax pexü̃ tá chapoxcuxü̃, natürü ga pema rü tama iperüxĩnüe rü yemaca̱x pexü̃ chadai. Rü yemaacü chorü poxcu rü aixcüma pewa nangu ñoma ngóonexü̃ irügoxü̃rüxü̃.

Ochéa 6:5 Referans Kwoze

Yeremía 1:10

—Ñu̱xma i choma rü cuxna chanaxã i pora nax cuyaxucu̱xẽgüxü̃ca̱x i ngẽma ãẽ̱xgacügü rü duü̃xü̃gü i guxü̃ i nachixü̃anecüã̱xgü. Rü ngẽxguma tama naga naxĩnüegu i ngẽma chorü ore i namaxã nüxü̃ quixuxü̃, rü choma rü choxü̃́ nangẽxma i pora nax chanamuxü̃ca̱x i norü uanügü nax nagu napogüexü̃ca̱x i norü ĩanegü rü ínawoxü̃ãxü̃ca̱x i norü duü̃xü̃gü rü ngẽmaãcü iyanaxoxü̃ca̱x i ngẽma nachixü̃anegü. Natürü ngẽma naga ĩnüexü̃ i chorü ore i namaxã nüxü̃ quixuxü̃ rü ngẽxgumarüxü̃ ta choxü̃́ nangẽxma i pora nax wena ichanachixẽẽxü̃ rü chanatachigaxẽẽxü̃ —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 4:12

Erü Tupanaarü ore rü namaxü̃ rü naporaxüchi. Rü wüxi i tara i guxü̃cüwawa mea waixmaguxü̃arü yexera nixĩ nax natéxü̃. Erü ngẽma ore rü tawa nixücu ñu̱xmata taãẽwa nangu, rü ñu̱xmata nawa nangu i ngẽma wüxichigü nagu rüxĩnüxü̃. Rü ngẽmaãcü meama nanango̱xẽẽãma i guxü̃ma i ngẽma yixicatama nagu rüxĩnüxü̃ rü tüxü̃́ ngúchaü̃xü̃.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:21

Rü tama nüxü̃ narüxoe nax namáetagüxü̃, rü yayuüexü̃, rü naxü̃nearü ngúchaü̃ naxügüxü̃ rü nangĩ́ta̱a̱xgüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 9:15

Rü yemaacü niwẽgüxü̃ ga yema ãgümücü ga orearü ngeruü̃gü nax nadaiaxü̃ca̱x ga wüxi ga yema norü tomaepü̱xarü üyetücumü ga duü̃xü̃gü. Yerü ga yema orearü ngeruü̃gü rü woetama yemaca̱x ínamemaregü nax yema ora rü yema ngunexü̃ rü gumá tauemacü rü gumá taunecü nadaiaxü̃ca̱x ga yema duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:16

Rü ngẽmaca̱x chanaxwa̱xe i nüxü̃́ nüxü̃ cuxoo̱x i ngẽma ngu̱xẽẽtae. Rü ngẽxguma tama nüxü̃́ nüxü̃ cuxoo̱xgu, rü paxa tá ngéma cuxü̃tawa chaxũ, rü ngẽma tara i cha̱u̱a̱xwa íxũxũxü̃maxã tá ngẽma duü̃xü̃gümaxã togü tadai.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:16

Rü norü tügüneme̱xẽwa nüxü̃́ nayexma ga 7 ga woramacurigü. Rü naã̱xwa ínaxũxũ ga wüxi ga tara ga guxü̃cüwawa téxü̃. Rü nachiwe rü ñoma üa̱xcü poraãcü ngu̱xetügurüxü̃ nixĩ.

Ngechuchuarü ngúexü̃gü ga yamugüxü̃arü puracüchiga 7:31

Rü naba̱i̱xãchi ga Moiché ga yexguma nüxü̃ nada̱u̱xgu. Rü naxca̱x nixũ rü nüxna nangaicama nax mea nüxü̃ nadaxũca̱x. Rü yexguma Moichémaxã nidexa ga Cori ga Tupana, rü ñanagürü nüxü̃:

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Echequié 43:3

Rü ngẽma nüxü̃ chadauxü̃ rü nananaraxü̃ ga yema nüxü̃ chadauxü̃ ga yexguma Cori ya Tupana ñoma ga naanewa ũxgu nax Yerucharéü̃ca̱x poxcu ínangu̱xuxẽẽxü̃ca̱x. Rü nananaraxü̃ ga yema nüxü̃ chadauxü̃ ga yexguma yema natü ga Quebáxanacüwa chango̱xetügu. Rü yexguma yemaxü̃ chada̱u̱xgu rü choma rü waixü̃müanegu chayangücuchi.

Echequié 3:9

Rü aixcüma tá cuxü̃ chaporaxẽxẽxü̃chi nax ñoma diamánterüxü̃ rü ñoma nuta i taixü̃rüxü̃ cutaixü̃ca̱x nape̱xewa i ngẽma duü̃xü̃gü. ¡Rü taxṹ i nüxü̃ cumuü̃xü̃! ¡Rü taxṹ i nachametügümaxã cubaixãchixü̃ i ngẽxguma yexera chomaxã nanuegu! —ñanagürü choxü̃.

Yeremía 13:13

Rü cuma rü ñaãcü tá cunangãxü̃gü: ‘Cori ya Tupana rü ñanagürü: Choma rü tá bínumaxã chanangãxẽxẽxẽ i guxü̃ma i ñaa nachixü̃anewa maxẽxü̃ i duü̃xü̃gü, rü ãẽ̱xgacügü i Dabíarü tochicaxü̃wa rütogüxü̃, rü chacherdótegü, rü orearü uruü̃gü, rü ñu̱xũchi guxü̃ma i ngẽma Yerucharéü̃wa maxẽxü̃.

Yeremía 1:18

Rü ñu̱xma i chomax, rü pora cuxna chaxã. Rü ñoma wüxi ya ĩane ya meama ípoxegunerüxü̃ rü wüxi ya caxta ya fierunaxca̱xrüxü̃, rü ñoma poxeguxü̃ i bróũchenaxca̱xrüxü̃ cuxü̃ chixĩxẽxẽ nax ngẽmaãcü tama cumuü̃ãcüma cuxunagüxü̃ i chorü ore nape̱xewa i Yudáanecüã̱xarü ãẽ̱xgacügü rü chacherdótegü rü guxü̃ma i duü̃xü̃gü i Yudáanewa ngẽxmagüxü̃.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ichaía 11:4

Rü yíxema tama nüxü̃ cua̱xgüxe nax tügü ítapoxü̃güxü̃ rü nüma rü tá nüxü̃ nacua̱x nax ñuxãcü mea tüxü̃́ namexẽẽãxü̃ i tümaarü guxchaxü̃. Rü tümaétüwa tá nachogü ya yíxema ngearü diẽruã̱xgüxe. Rü ngẽma norü ore rü ñoma wüxi i cua̱i̱xruü̃rüxü̃ tá nixĩ naxca̱x i ngẽma nuwa̱xexü̃ rü ma̱xgu rüxĩnüxü̃. Rü wüxi i cue ñaxü̃maxã tá nanayuxẽxẽ i ngẽma duü̃xü̃ i chixexü̃ üxü̃.

Wiyaegü 119:120

Rü cupe̱xewa i choma rü chorü muü̃maxã chidu̱xrux rü aixcüma nagu chixũxchaü̃ i ngẽma curü mugü. -16-

Wiyaegü 37:6

Rü nüma rü tá nanango̱xẽxẽ nax cumexü̃ rü quixaixcümaxü̃ ñoma üa̱xcü tocuchigu ibáxixü̃rüxü̃.

Yox 34:10

Natürü pemax, Pa Chomücügüx nax Peãẽxü̃ Pecuáxü̃x ¡rü choxü̃ iperüxĩnüe! ¡Rü taxṹ i nagu perüxĩnüexü̃ ya yimá Tupana ya Guxãétüwa Ngẽxmacü rü chixexü̃ naxüxü̃ rüe̱xna ínatüxü̃ i ngẽxguma texéxü̃ iyanawe̱xãchixẽẽgu!

Norü taxre ga to ga popera ga ãẽ̱xgacügüchiga ümatüxü̃ 21:12

Natürü yema ngunexü̃gügu rü nüma ga Yoráü̃ nanayaxu ga wüxi ga popera ga Tupanaarü orearü uruxü̃ ga Ería naxca̱x yéma muxü̃ ga ñaxü̃: —Yimá Cori ya curü o̱xi ga Dabíarü Tupana rü cuxü̃ ñanagürü: “Tama yema cunatü ga Yochapácümagu quixũ, rü bai i nagu quixũxü̃ ga nacüma ga Yudáanearü ãẽ̱xgacü ga Achá.

Norü taxre ga popera ga ãẽ̱xgacügüchiga 1:16

Rü yexguma ãẽ̱xgacüxü̃tawa nanguxgu ga Ería rü ãẽ̱xgacüxü̃ ñanagürü: —Cori ya Tupana rü ñanagürü cuxü̃: “Yema nax Baá-chebú i Ecróü̃arü tupananetaxü̃tawa nax cunamugüxü̃ i orearü ngeruü̃gü nax nüxna yacagüxü̃ca̱x i curü da̱xawechiga, ñoma nataxuxü̃rüxü̃ ya Tupana i Iraéanewa nax nüxna cuca̱xü̃ca̱x, rü ngẽmaca̱x taxũtáma ícurüda i curü pechicaü̃wa, rü tá cuyu” —ñanagürü cuxü̃.

Nüxíraxü̃xü̃ ga popera ga ãẽ̱xgacügüchiga 19:17

Rü yíxema Achaéme̱xẽwa iñaxẽ rü Yeú tá tüxü̃ nima̱x. Rü yíxema Yeúme̱xẽwa iñaxẽ rü Erichéu tá nixĩ i tüxü̃ daixcü.

Nüxíraxü̃xü̃ ga popera ga ãẽ̱xgacügüchiga 18:17

Rü yexguma Eríaxü̃ nada̱u̱xgu rü ñanagürü: —¿Cuma ẽ̱xna quixĩ i ngẽma yatü i Iraéanecüã̱xgüca̱x chixexü̃ ícunguxẽẽxü̃? —ñanagürü.

Nüxíraxü̃xü̃ ga popera ga ãẽ̱xgacügüchiga 17:1

Rü nüma ga Tupanaarü orearü uruxü̃ ga Ería, ga Garaáxanewa yexmane ga ĩane ga Tibécüã̱x, rü Acáxü̃ ñanagürü: —Yimá nüxü̃́ chapuracücü ya Cori ya Iraéanecüã̱xgüarü Tupanaégagu cumaxã nüxü̃ chixu, rü doma taunecügu rü tagutáma napu rü bai tá i cherena nax rünguxü̃ ñu̱xmatáta choma wena nüxü̃ chixu —ñanagürü.

Nüxíraxü̃xü̃ ga popera ga ãẽ̱xgacügüchiga 14:6

Rü yexguma Aía tüxü̃ ĩnügu ga nax ĩã̱xwa tixücuxü̃ rü tüxü̃ ñanagürü: —¡Ixücu Pa Yeruboáü̃ naxma̱x! ¿Ta̱xacüruxü̃ cugü cunatoraxü̃xẽxẽ? Rü choxna nixĩ i naxãgaxü̃ ya Tupana nax cumaxã chaporagaxü̃ca̱x. Ẽcü ¡nataegu rü Yeruboáü̃maxã nüxü̃ yarüxu i ngẽma ore i Iraétanüxü̃güarü Tupana nüxü̃ ixuxü̃ i ñaxü̃!: “Choma rü Iraétanüxü̃tanüwa ü̃paama cuxü̃ chaxuneta nax Iraéanearü ãẽ̱xgacü quixĩxü̃ca̱x.

1 Chamué 15:22

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

1 Chamué 13:13

Rü Chamué nanangãxü̃ga rü ñanagürü: —Ngẽma cuxüxü̃ rü wüxi i ngeãẽmare nixĩ, erü tama naga cuxĩnü ya Cori ya Tupanaarü mu. Rü ngẽxguma chi naga cuxĩnügu i ngẽma Cori ya Tupana cumaxã nüxü̃ ixuxü̃, rü nüma rü guxü̃guchima Iraétanüxü̃arü ãẽ̱xgacü cuxü̃ nixĩxẽxẽ.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Efesios 6:17

Rü ñu̱xma nax pexü̃́ nangẽxmaxü̃ i maxü̃ i taguma gúxü̃, rü name nixĩ i ngẽmamaxã pexãpate̱xe nax ngẽmamaxã pegü ípepoxü̃xü̃ca̱x i peeruwa. Rü penayaxu i Tupanaarü ore i perü tara ixĩxü̃ i Naãxẽ ya Üünexü̃ pexna ãxü̃.

1 Chamué 15:32

Rü yemawena rü nüma ga Chamué rü ñanagürü: —¡Chauxü̃tawa penaga i Agáx i Amaréxtanüxü̃arü ãẽ̱xgacü! —ñanagürü. Rü yexguma Chamuépe̱xewa nagagüã̱xgu, rü nüma ga Agáx rü taãẽãcü yéma naxũ yerü nagu naxĩnügu rü marü nangupetü nax yama̱xgüchaü̃ãxü̃.

1 Chamué 15:33

Natürü nüma ga Chamué rü ñanagürü: —Cuma rü curü taramaxã muxẽma ga ngexegü tüxü̃ cugu̱xacüxẽxẽ, rü ngẽma ngexü̃gürüxü̃ tá tixĩ ya cué —ñanagürü ga Chamué. Rü yexgumatama Guirigágu Tupanape̱xegu ãgümücügu Agáxü̃ nachexü̃gü ga Chamué.

Echequié 32:18

—Pa Yatüx, ¡ngẽma togü i nachixü̃anegüarü ngexü̃gümaxã nagu nawiyae i ñaa ngechaü̃arü wiyae naxca̱x i ngẽma muxü̃ma i Equítuanearü duü̃xü̃gü rü norü ãẽ̱xgacügü! Rü ngẽma wiyae rü ñanagürü: “Ngẽma poraexüchixü̃ rü marü nayue rü marü nata̱xgü naxrüxü̃ ga yema nüxíra yuexü̃ rü íta̱xgüxü̃.

Yox 15:30

Rü taxũtáma norü yucha̱xwa niña. Rü ñoma wüxi i nai i ngexwaca rüxüchacüüxü̃ rü üxüwa iguxü̃rüxü̃ tá nixĩ nax nayuxü̃. Rü ñoma putürachacugü i buanecü rüyixẽẽxü̃rüxü̃ tá nixĩ.