Ochéa 5:6 - Tupanaarü Ore

⁶ Natürü wüxi i ngunexü̃gu rü tá Cori ya Tupanaca̱x nadaugü rü naxca̱x tá nanadai rü nayagu i ãmaregü i wocagü rü carnérugü. Natürü taxũtáma nüxü̃ inayangaugü erü nüma ya Tupana rü marü nüxna nixũgachi.

Ochéa 5:6 Referans Kwoze

Ore i mexü̃ ga Cuáü̃ ümatüxü̃ 7:34

Pema rü tá cha̱u̱xca̱x pedaugü, natürü taxũtáma choxü̃ ipeyangaugü. Erü ngẽma tá íchangexmaxü̃wa rü taxuacü ngéma pengugü —ñanagürü nüxü̃

Ucu̱xẽgüchiga 1:28

Rü ngẽma ngunexü̃gu rü tá choxna pecagü, natürü taxũtáma pexü̃ changãxü̃, rü tá cha̱u̱xca̱x pedaugü, natürü taxũtáma choxü̃ ipeyangau.

Echequié 8:6

Rü ñu̱xũchi choxü̃ ñanagürü: —¿Marü nüxü̃ cudauxü̃ i ngẽma chixexü̃ i Iraétanüxü̃ ügüxü̃? Rü yemamaxã nixĩ ga nüxna choxü̃ yaxũgachixẽẽgüxü̃ ga guma chopata ga üünene. Rü ñu̱xma rü tá nüxü̃ cudau i to i yexeraxü̃ ichixexüchixü̃ —ñanagürü choxü̃.

Auxexü̃chiga 3:44

Rü cuma rü wüxi ga caixanexü̃gu cugü quicu̱x nax tama nüxü̃ cuxĩnüxü̃ca̱x i torü yumüxẽgü.

Yeremía 7:4

¡Rü taxṹ i nüxü̃́ peyaxõgüxü̃ i ngẽma duü̃xü̃gü i pexü̃ womüxẽẽgüxü̃ rü ñagüxü̃: Nua Yerucharéü̃wa nangẽxma ya yima Cori ya Tupanapata ya taxü̃ne rü ngẽmaca̱x Tupana taxũtáma nanapoxcu ya daa ĩane woo chixexü̃ íxügügu, ñagüxü̃!

Ucu̱xẽgüchiga 15:8

Nüma ya Cori ya Tupana tama nanayaxu i norü ãmaregü i ngẽma chixexü̃gu maxẽxü̃. Natürü taãẽãcü nanayaxu i tümaarü yumüxẽgü ya yíxema aixcüma mea maxẽxe.

Ore i mexü̃ ga Luca ümatüxü̃ 5:16

Natürü Ngechuchu rü ñuxguacü rü taxúema íxãpataxü̃wa naxũũxü̃. Rü yéma nayayumüxẽxü̃.

Yeremía 11:11

Rü ngẽmaca̱x tá naxca̱x íchananguxẽxẽ i wüxi i guxchaxü̃ i taxũtáma na̱xcha̱xwa yabuxmüxü̃. Rü woo aita naxüegu rü chorü ngü̃xẽẽca̱x ínacagügu rü taxũtáma nüxü̃ chaxĩnü. Rü chomatama ya Cori ya Tupana nixĩ i nüxü̃ chixuxü̃ i ngẽma ore.

Ichaía 66:3

Natürü ngẽma duü̃xü̃gü i chixexü̃gu maxẽxü̃ rü nanaxügü i ngẽma nümatama nagu naxĩnüexü̃. Rü ngẽxguma cha̱u̱xca̱x yama̱xgüãgu i wüxi i woca i yatüxü̃ rü cha̱u̱xca̱x rü ñoma wüxi ya duü̃xẽ tüxü̃ yama̱xgüxü̃rüxü̃ nixĩgü. Rü ngẽxguma cha̱u̱xca̱x yama̱xgüãgu i wüxi i carnéru rü cha̱u̱xca̱x rü ñoma wüxi ya airu cha̱u̱xca̱x yama̱xgüãxü̃rüxü̃ nixĩgü. Rü ngẽxguma choxna naxãgüãgu i norü ãmare i trigu rü cha̱u̱xca̱x ñoma cuchiarü nagü choxna naxãgüxü̃rüxü̃ nixĩgü. Rü ngẽxguma pumarate̱xe cha̱u̱xca̱x yagugügu rü cha̱u̱xca̱x ñoma wüxi i naxchicüna̱xãca̱x yagugüãxü̃rüxü̃ nixĩgü. Rü ngẽma duü̃xü̃gü i ngẽma ügüxü̃ rü taãẽãcü nanaxü i guxü̃ma i ngẽma chixexü̃.

Charumóü̃arü wiyae 5:6

Natürü yexguma ĩã̱x chiwãxnagu, rü chaute ya choxü̃́ ngúchaü̃cü rü marü nataxuma i ĩã̱xwa. Rü yexguma ga choma rü poraãcü naxca̱x changechaü̃. Rü naxca̱x chadau, natürü tama nüxü̃ ichayangau. Rü naxca̱x chaca, natürü nüma rü tama choxü̃ nangãxü̃.

Ucu̱xẽgüchiga 21:27

Nüma ya Cori ya Tupana, rü tama namaxã nataãxẽ i ngẽma chixexü̃gu maxẽxü̃arü ãmaregü, erü tama mexü̃ i ĩnümaxã nüxna nanaxãgü.

Ínachoxü̃xü̃chiga 10:9

Rü yexguma ga Moiché rü nanangãxü̃ rü ñanagürü: —Rü ngéma tá taxĩ namaxã i guxü̃ma i torü buxü̃gü, rü torü yaxguã̱xgü, rü tonegü rü toxocügü rü torü carnérugü rü torü wocagü. Erü ngẽma tá taxüxü̃, rü wüxi i taxü̃ma i tórü Coriarü cua̱xüxü̃chiga nixĩ —ñanagürü.

Miquéa 3:4

Rü wüxi i ngunexü̃ rü tá nüxna pecagü ya Cori ya Tupana nax pexü̃ nangü̃xẽẽxü̃ca̱x, natürü i nüma rü taxũtáma pexü̃ nangãxü̃. Rü ngẽxguma i nüma rü tá pexcha̱xwa inicu̱x nagagu i ngẽma chixexü̃ i pexügüxü̃.

Echequié 8:18

Rü ngẽmaca̱x i choma rü chorü numaxã tá chanapoxcue. Rü taxũtáma namaxã chixãũxãchi. Rü woo aita cha̱u̱xca̱x naxüegu rü taxũtáma nüxü̃ chaxĩnü —ñanagürü choxü̃.

Yeremía 11:14

Rü ngẽmaca̱x i cumax, Pa Yeremíax, ¡rü taxṹ i naxca̱x cuyumüxẽxü̃ i ñaa duü̃xü̃gü! ¡Rü taxṹ i choxü̃ naxca̱x cuca̱a̱xü̃xü̃ nax nüxü̃ charüngü̃xẽxẽxü̃ca̱x! Erü ngẽxguma guxchaxü̃ naxca̱x ínguxgu, rü choma rü taxũtáma nüxü̃ chaxĩnü woo chorü ngü̃xẽxẽca̱x ínacagügu.

Yeremía 14:12

Rü woo tá muẽ̱xpü̱xcüna cuxaureãcüma cuyumüxẽgu, rü taxũtáma nüxü̃ chaxĩnü i ngẽma curü yumüxẽwa choxna naxca̱x cucaxü̃. Rü woo tá ãmaregü i naxü̃nagü rü trigute̱xe cha̱u̱xca̱x ícuguxgu rü taxũtáma namaxã chataãxẽ. Rü daimaxã, rü taiyamaxã, rü da̱xaweanemaxã tá chanadai —ñanagürü choxü̃.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Maraquía 1:10

Rü nüma ya Cori ya Tupana ya Guxü̃étüwa Ngẽxmacü rü pexü̃ ñanagürü: —Chierüx texé i petanüwa tanawãxtagu ya chopata ya taxü̃nearü ĩã̱xgü nax tama natüca̱xmamare chorü ãmarearü guruü̃wa yayauraxü̃ca̱x ya üxü. Erü choma rü tama pemaxã chataãxẽ, rü ngẽmaca̱x taxuxü̃táma i perü ãmaregü i choxna pexãgüxü̃ tá pexü̃́ chayaxu.

Amúx 8:12

Rü tá nu ne nanaxĩ i duü̃xü̃gü nax naxca̱x nadaugüxü̃ i Cori ya Tupanaarü ore. Rü Már ya Ngearü Maxü̃ã́xü̃wa tá inanaxügüe rü ñu̱xmata Már i Mediteráneuwa nangugü. Rü ngéma rü nórtewa tá naxĩ rü ñu̱xmata éstewa tá nangugü nax naxca̱x nadaugüxü̃ i Cori ya Tupanaarü ore, natürü taxũtáma nüxü̃ inayangaugü.