Ochéa 5:5 - Tupanaarü Ore

⁵ Rü ngẽma Iraéanecüã̱xgü rü nügü nicua̱xüü̃gü rü nügü ínarütagü. Rü ngẽmagagu rü tá naxca̱x ínangu i guxchaxü̃. Rü ngẽma Efraíü̃tanüxü̃ rü norü chixexü̃gu tátama nayi. Rü ngẽma Yudáanecüã̱xgü rü tá ta noxrütama chixexü̃gu nayi.

Ochéa 5:5 Referans Kwoze

Ochéa 7:10

Rü woo choma rü Iraéanecüã̱xgüarü Tupana nax chixĩxü̃ rü tama cha̱u̱xca̱x nawoegu rü tama cha̱u̱xca̱x nadaugü. Rü ngẽma nax nügü yacua̱xüü̃güxü̃gagu rü tama cha̱u̱xca̱x nawoegu.

Amúx 5:2

Rü ngẽma Iraéane ga noxri mexẽchixü̃ rü marü chixexü̃gu nangu rü taxucürüwa ínarüda. Rü chixexü̃wa nangẽxma rü marü tataxuma nax texé ínadaxẽẽxü̃ rü namexẽẽxü̃ —ñanagürü.

Ore i mexü̃ ga Luca ümatüxü̃ 19:22

Rü yexguma ga gumá ãẽ̱xgacü rü ñanagürü nüxü̃: “Wüxi i chorü duü̃xü̃ i chixexü̃ quixĩ i cumax. Rü curü oretama nixĩ i cuxü̃ ixuxü̃ nax cuchixexü̃. Marü nüxü̃ cucua̱xchire̱x nax chaxaüxü̃, rü chanayauxtanüxü̃ i ngẽma tama choxrü ixĩxü̃, rü tama ichatoexü̃wa chanayaxu i nanetüarü o.

Ore i mexü̃ ga Matéu ümatüxü̃ 23:31

Rü ngẽma oremaxã rü pegü pengo̱xẽxẽ nax nataagü pixĩgüxü̃ ga yema duü̃xü̃gü ga nũxcümaü̃güxü̃ ga Tupanaarü orearü uruü̃güxü̃ daixü̃.

Ochéa 14:1

Pa Iraéanecüã̱xgüx, pema nax perü chixexü̃gagu guxchaxü̃gu peyixü̃x ¡rü naxca̱x pewoegu ya Cori ya perü Tupana!

Ochéa 8:14

Ngẽma Iraétanüxü̃ rü nanaxü ya ĩpatagü ya mexẽchine, natürü choxü̃ inarüngümae nax choma yixĩxü̃ i chanangóexẽẽxü̃. Rü ngẽma Yudáanecüã̱xgü rü nanaxü ga muxü̃nema ya ĩanegü ya meama ípoxegugüne. Natürü i choma rü tá íchanagu ya guxü̃nema ya yima ĩanegü —ñanagürü ya Tupana.

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.

Ochéa 4:5

Rü cuma rü ngunecü tátama nagu cungu i ngẽma guxchaxü̃. Rü nüma ya yima orearü uruü̃neta rü chütacü cuxrüxü̃tátama nagu nangu. Rü choma rü tá chanadai i curü duü̃xü̃gü.

Yeremía 14:7

Rü nüma ga Yeremía rü Cori ya Tupanaxü̃ ñanagürü: —¡Pa Corix, nüxü̃ tacua̱x nax cupe̱xewa poraãcü chixexü̃ taxüxü̃, natürü tanaxwa̱xe nax toxü̃ curüngü̃xẽẽxü̃ nax ngẽmaãcü i duü̃xü̃gü cuxü̃ natachigaxẽẽxü̃ca̱x. Rü muẽ̱xpü̱xcüna tama cuga taxĩnüe rü poraãcü cupe̱xewa chixexü̃ taxü.

Ichaía 59:12

Rü yixema rü Tupanamaxã ta̱xacü tixugüe rü ngẽma tórü chixexü̃gütama nixĩ i tüxü̃ íxuaxü̃xü̃. Rü ngẽma tórü chixexü̃ rü tawa nangẽxmagü, rü nüxü̃ tacua̱x i tórü pecadugü.

Ichaía 44:9

Ngẽma duü̃xü̃gü i naxchicüna̱xãgü ügüxü̃ rü taxuwama nime. Rü ngẽxgumarüxü̃ ta i ngẽma naxchicüna̱xãgü i naxügüxü̃ rü nüxü̃ yacua̱xüü̃güxü̃ rü taxuwama nime. Rü ngẽma duü̃xü̃gü i naxchicüna̱xãgüxü̃mare icua̱xüü̃güxü̃ rü tama naãẽxü̃ nicua̱x, rü naechitamare namaxẽ. Rü ngẽmaca̱x tá naxãnee.

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Ucu̱xẽgüchiga 30:13

Nangexma i duü̃xü̃gü i guxãétüwa nügü ügüxẽẽchaü̃xü̃. Rü ngẽmaãcü nügügu narüxĩnüe nax togüarü yexera yaxĩgüxü̃.

Ucu̱xẽgüchiga 24:16

Erü tüma ya yíxema duü̃xẽ ya mexü̃gu maxü̃́xe rü woo 7 e̱xpü̱xcüna itayanguxgu, rü 7 e̱xpü̱xcüna tá ítarüdaama. Natürü ngẽma duü̃xü̃gü i chixexü̃gu maxẽxü̃, rü ngẽma norü chixexü̃gu tá inayarütauxe. -28-

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Ucu̱xẽgüchiga 11:21

Aixcümaxü̃chi tá napoxcu i ngẽma duü̃xü̃ i chixexü̃gu maxü̃xü̃, natürü yíxema mexü̃ i nacümagu maxü̃́xẽ, rü taxũtáma tapoxcu.

Ucu̱xẽgüchiga 11:5

Ngẽxguma mexü̃ i nacümagu yaxũxgu i wüxi i duü̃xü̃, rü mexü̃wa nanaga, natürü ngẽma chixexü̃gu maxü̃xü̃ i duü̃xü̃, rü ngẽma norü chixexü̃gagutama napoxcu.

Yeremía 2:19

Rü ngẽma perü chixexü̃gagu tátama nixĩ i pepoxcuexü̃, rü ngẽma nax tama choxü̃ pengechaxü̃xü̃gagu tá nixĩ i ngúxü̃ pingegüxü̃. ¡Nagu perüxĩnü rü tá nüxü̃ pedau nax poraãcü nachixexü̃ rü nangúxü̃ nax choxna pixĩgachixü̃ rü tama choxü̃ picua̱xüü̃güxü̃ i choma nax perü Cori ya Tupana chixĩxü̃! Rü choma ya Cori ya Tupana ya Guxãétüwa Ngẽxmacü chixĩ rü pemaxã nüxü̃ chixu i ngẽma.

Ichaía 3:8

Rü yima ĩane ya Yerucharéü̃ rü marü nanguxuchi rü Yudáanewa rü duü̃xü̃güchicaxica ínayaxü, erü duü̃xü̃gü rü chixri Cori ya Tupanachiga nidexagü rü nanaxügü i ta̱xacü i tama namaxã nataãẽxü̃, rü ngẽmaãcü tama naga naxĩnüe.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!