Ochéa 5:13 - Tupanaarü Ore

¹³ Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Ochéa 5:13 Referans Kwoze

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Ochéa 10:6

Rü ngẽma wocaxacüchicüna̱xã i Iraéanecüã̱xgü nüxü̃ icua̱xüü̃güxü̃ rü Achíriaanearü churaragü rü nachixü̃anewa tá nanangegü nax norü ãẽ̱xgacüna naxãgüãxü̃ca̱x. Rü tá naxãnee i ngẽma Efraíü̃tanüxü̃, yerü marü nataxuma ga norü naxchicüna̱xã ga nüxü̃́ yacua̱xüü̃güxü̃. Rü ngẽxgumarüxü̃ ta i guxü̃ma i ngẽma Iraéanecüã̱xgü rü ãne tá ningegü.

Ochéa 8:9

Rü ngẽma Iraéanecüã̱xgü rü choxna nixĩgachi. Rü ñoma wüxi i búru i naixnecücüã̱x i nu ne naxũmarexü̃rüxü̃ nixĩgü. Rü ngẽma Efraíü̃tanüxü̃ rü Achíriaanewa naxĩ nax naxca̱x nadaugüxü̃ca̱x i norü ngü̃xẽxẽ. Rü ngéma nanana i norü ãmaregü nax ngẽmaãcü Achíriaane nüxü̃ rüngü̃xẽẽgüxü̃ca̱x.

Yeremía 30:12

Rü Cori ya Tupana rü ñanagürü: —Ngẽma perü guxchaxü̃ rü ñoma o̱xri i ngearü üxüxü̃ã́xü̃rüxü̃ nixĩ nax nataxuxü̃ i norü mexẽẽruxü̃. Rü ngẽma perü chixexü̃ rü ñoma taixna i ngearü üxüxü̃ã́xü̃rüxü̃ nixĩ.

Norü taxre ga popera ga ãẽ̱xgacügüchiga 15:19

Rü wüxi ga ngunexü̃gu rü nüma ga Púx ga Achíriaanearü ãẽ̱xgacü rü Iraéanegu nachocu. Rü yexguma ga Menaéü̃ rü 33,000 quíru ga diẽru nüxna naxã nax yemaacü Púx naétüwa üxü̃ca̱x rü naporaxẽẽãxü̃ca̱x nax ãẽ̱xgacü yixĩxü̃.

Miquéa 1:9

Erü ngẽma Chamáriacüã̱xgüarü chixexü̃ rü nataxüchi rü taxúema tanamexẽxẽ. Rü yima ĩane rü tagutáma wena noxrirüxü̃ nixĩ. Rü ngẽma norü chixexü̃ rü Yudáanewa nangu rü ñu̱xmata nawa nangu ya yima ĩane ya Yerucharéü̃ i chautanüxü̃ nagu ãchiü̃ne.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Norü taxre ga popera ga ãẽ̱xgacügüchiga 16:7

Rü yexguma nüma ga Acháx rü nanade ga yema úirugü rü diẽrugü ga Tupanapata ga taxü̃negu nuxü̃ rü yema ãẽ̱xgacüpataarü yemaxü̃gü. Rü ñu̱xũchi Tigáx-piréche ga Achíriaanearü ãẽ̱xgacüxü̃tawa nanamugü namaxã ga ore ga ñaxü̃: —Chomax rü curü ngü̃xẽẽruxü̃ chixĩ rü wüxi i cunerüxü̃ chixĩ. Rü ngẽmaca̱x chanaxwa̱xe i nua cuxũ nax choxü̃ ícuyapoxü̃xü̃ca̱x naxme̱xwa i Chíriaanearü ãẽ̱xgacü rü Iraéanearü ãẽ̱xgacü, erü cha̱u̱xca̱x ínayachoõchi —ñaxü̃ ga ore yéma namu.

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Ichaía 3:7

Rü ngẽxguma i ngẽma naenexẽ rü tá ñaãcü nanangãxü̃ rü ñanagürü: —Choma rü taxucürüwama chanamexẽxẽ i ngẽma guxchaxü̃gü i nua ngupetüxü̃, erü chopatawa rü nataxuma i õna rü nataxuma i chauxchiru i nagu chicúxü̃. Rü ngẽmaca̱x tama chanayaxu nax ĩanearü ãẽ̱xgacüxü̃ choxü̃ pingucuchixẽẽxü̃ —ñanagürü tá.

Echequié 23:5

Rü ngĩma ga Aorá rü tama choxü̃xica idawenü rü yema Achíriaanecüã̱xgümaxã ixãarüã̱x.

Ochéa 2:7

Rü tá nawe irüxũ i ngẽma yatügü i namaxã namaxü̃xü̃ rü tá naxca̱x idau, natürü taxũtáma nüxü̃ iyangau. Rü ngẽmaca̱x düxwa tá ngĩãẽwa ngĩgürügü: “Naxca̱x tá chataegu ya yimá nüxíraü̃cü ya chaute yerü gumámaxã nixĩ ga mexü̃ choxü̃ ngupetüxü̃ ñu̱xmaarü yexera”, ngĩgürügü.