Ochéa 5:10 - Tupanaarü Ore

¹⁰ Rü ñanagürü ta: —Ngẽma Yudáanearü ãẽ̱xgacügü, rü ñoma naaneca̱x ngĩ́xü̃rüxü̃ nixĩgü erü Iraéanegu nachocu. Rü ngẽmaca̱x chorü numaxã tá poraãcü chanapoxcue.

Ochéa 5:10 Referans Kwoze

Wenaxarü naxümatü ga Tupanaarü mugü 19:14

Rü ngẽma naane i Cori ya perü Tupana tá pexna ãxü̃wa rü taxũtáma peyaxügachi i pemücüanearü üyeanearü cua̱xruxü̃, erü ngẽma üyeanearü cua̱xruxü̃gü rü woetama nũxcümacürüwa nayexmagü.

Wiyaegü 32:6

Rü ngẽmaca̱x i guxü̃ma i duü̃xü̃gü i aixcüma yaxõgüxü̃ rü ngẽxguma guxchaxü̃wa nangẽxmagu rü tá cumaxã nüxü̃ nixu i ngẽma norü guxchaxü̃gü. Rü woo muxũchixü̃ i guxchaxü̃gü nüxna ngaicamagu rü taxũxü̃táma nüxna nangu.

Wenaxarü naxümatü ga Tupanaarü mugü 27:17

“Rü texé ya tümamücüarü naanearü üyeane ixügachixe nax tümaarü naaneca̱x tangĩ́xü̃, rü chixexü̃wa tangexma”. Rü ngẽxguma i guxü̃ma i duü̃xü̃gü rü, “Ngẽmaãcü yixĩ”, ñanagürügü tá.

Ore i mexü̃ ga Luca ümatüxü̃ 6:49

Natürü yíxema nüxü̃ ĩnümarexe i chorü ore natürü tama naxǘxe i ngẽma tümamaxã nüxü̃ chixuxü̃, rü wüxi ga yatü ga naxnücüétügumare üpatacürüxü̃ tixĩ. Rü yexguma nama̱xgu ga taxtü, rü nibaixü̃ ga napata, rü naporaxü̃chíü. Rü niwa̱xtaü̃ ga napata, rü yexma nayarüxo ga guma ĩ —ñanagürü.

Ore i mexü̃ ga Matéu ümatüxü̃ 7:27

Rü pucü ga tacü ínangu, rü narübaigü ga natügü, rü tacü ga buanecügü nixũũchi rü nagu nanguema ga gumá ĩ, rü niwa̱xtaü̃. Rü yexma nayarüxo ga guma ĩ”, ñanagürü ga Ngechuchu.

Echequié 7:8

Rü ñu̱xmatatama pegu chananguxẽxẽ i ngẽma chorü nu rü ngẽxgumaxica tá nixĩ i charüngüxmüxü̃. Rü pexna tá naxca̱x chaca i ngẽma pecüma i chixexü̃. Rü ñu̱xũchi tá pexü̃ chapoxcue naxca̱x i guxü̃ma i ngẽma chixexü̃gü i nagu pemaxẽxü̃.

Ucu̱xẽgüchiga 22:28

Tama name i togüarü naanewaama cunaxügachi i curü naanearü üyeane ga curü o̱xigü marü ixüxü̃. -5-

Ucu̱xẽgüchiga 17:14

Ñoma natü inagoxü̃chíüxü̃rüxü̃ nixĩ i ngẽma nu i ixügüxü̃. Rü narümemae nixĩ i paxa nüxna tixũgachi i ngẽma nu naxü̃pa nax nayexeraxü̃.

Wiyaegü 88:17

Rü guxü̃ i oragu rü ngẽma curü nu rü choxü̃ ínayaeguãchi ñoma wüxi ya tacü ya mucürüxü̃.

Wiyaegü 69:24

¡Rü nüxna nangu i ngẽma curü nu i poraxü̃! ¡Rü ẽcü curü numaxã napoxcue!

Ichaía 1:23

Rü perü ãẽ̱xgacügü rü tama Tupanaga naxĩnüe rü namaxã naxãmücügü i duü̃xü̃gü i máxwa̱xegüxü̃. Rü diẽruca̱x rü ãmareca̱x ínacagü nax tama napoxcuexü̃ca̱x i ngẽma chixexü̃ ügüxü̃. Rü taxcutagü rü tama tüxü̃ narüngüxẽẽgü, rü tama tümagu narüxĩnüe ya yixema yutegüxe.

Echequié 22:22

Rü ngẽxgumarüxü̃ nax wüxi ya yapunawa nadexẽẽxü̃ i diẽrumü, rü ngẽxgumarüxü̃ ta i pemax rü ĩanearü ngãxü̃wa tá pexü̃ íchagu. Rü ngẽmaãcü tá nüxü̃ picua̱xãchitanü nax choma ya Cori ya Tupana yixĩxü̃ i chorü numaxã pexü̃ chapoxcuxü̃” —ñanagürü.