Ochéa 5:1 - Tupanaarü Ore

^1-2 Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Ochéa 5:1 Referans Kwoze

Ochéa 9:8

Pa Iraéanecüã̱xgüx i Efraíü̃tanüxü̃x, Tupana rü pexca̱x nua nanamu ya yimá norü orearü uruxü̃ nax pemaxã nüxü̃ yaxuxü̃ca̱x i ngẽma ãũcümaxü̃. Natürü i pemax rü toxyepe̱xe naxca̱x pexü. Rü woo i Tupanapata ya taxü̃newa rü naxchi pexaie.

Miquéa 7:2

Rü ñoma i naanewa rü marü nataxuma i duü̃xü̃gü i mexü̃gu rüxĩnüexü̃ rü Tupanamaxã ixaixcümagüxü̃. Rü wüxichigü rü naxca̱x nadau nax ñuxãcü guxchaxü̃ togueca̱x naxüxü̃. Rü ngẽxguma guxchaxü̃ ngẽxmagu, rü guxü̃ma rü ínamemare nax nügü nada̱i̱xü̃.

Miquéa 3:9

¡Iperüxĩnüe i pema i Iraéanearü Ãẽ̱xgacügüx rü pema i Iraétanüxü̃maxã icua̱xgüxe! Pema rü naxchi pexaie i ngẽma mexü̃, rü ñu̱xũchi ípeyatoxẽxẽ i ngẽma mexü̃.

Ochéa 6:9

Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.

Ãẽ̱xgacügü ga guxchaxü̃güarü mexẽxẽruü̃gü 4:6

Rü wüxi ga ngunexü̃ ga Débora rü naxca̱x ingema ga wüxi ga yatü ga Baráxgu ãégacü ga Abinuáü̃ nane ixĩcü. Rü nüma ga Baráx rü naxãchiü̃ nagu ga wüxi ga ĩane ga Quédexgu ãégane ga Netaríanewa yexmane. Rü ngĩgürügü nüxü̃: —Cori ya Iraétanüxü̃arü Tupana rü cuxü̃ namu rü ñanagürü cuxü̃: “¡Rü Netarítanüxü̃wa rü Chaburóü̃tanüxü̃wa nade i 10,000 i yatügü, rü yima ma̱xpǘne ya Tabóxgu nangutaque̱xexẽxẽ!

Maraquía 2:1

Rü nüma ya Tupana rü ñanagürü: —Ñu̱xmax, Pa Chacherdótegüx, rü ñaa nixĩ i chorü ucu̱xẽ i pexca̱x ixĩxü̃:

Amúx 7:9

Rü ngẽma ãmarearü guruü̃gü i nawa Iraétanüxü̃ norü tupananetagüca̱x ãmaregü igugüxü̃ rü tá chayanaxoxẽxẽ. Rü yima Iraétanüxü̃arü tupananetagüpataxü̃gü rü nagu tá chipogügü. Rü taramaxã tá chanadai i ngẽma Yeruboáü̃tanüxü̃ —ñanagürü ga Cori ya Tupana.

Ochéa 10:15

Rü pemax, Pa Betécüã̱xgü, rü ngẽxgumarüxü̃ tátama pexü̃ nangupetü erü ngẽma perü chixexü̃gü rü nataxüchi. Rü ngẽma Iraéanearü ãẽ̱xgacü rü marü yangunechaü̃gu tá nayu —ñanagürü.

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Maraquía 1:6

Rü nüma ya Cori ya Tupana ya Guxü̃étüwa Ngẽxmacü rü chacherdótegüxü̃ ñanagürü: —Ngẽma buxü̃gü rü nanatügüxü̃ nangechaü̃, rü ngẽma naxü̃taxü̃gü rü norü coriga naxĩnü. Rü choma nax Penatü chixĩxü̃ ¿rü tü̱xcüü̃ i tama choxü̃ pengechaü̃xü̃? Rü choma nax perü Cori chixĩxü̃ ¿rü tü̱xcüü̃ i tama chauga pexĩnüexü̃? Natürü i pemax rü choxü̃ pexo, rü naétü ñaperügügü: “¿Ta̱xacüwa i cuxü̃ taxoxü̃?” ñaperügügü.

Miquéa 3:1

Rü choma i Miquéa rü ñachagürü: —¡Iperüxĩnüe, Pa Iraétanüxü̃arü Ãẽ̱xgacügüx! ¿Ẽ̱xna natüca̱xmamare nixĩ i nüxü̃ pecuáxü̃ i ngẽma mexü̃ rü ngẽma chixexü̃?

Ochéa 13:8

Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Yeremía 46:18

Rü choma ya ãẽ̱xgacü ya Cori ya Tupana ya Guxãétüwa Ngẽxmacü rü chauégagu ichaxuneta rü ñachagürü: “Ngẽma uanü i tá pexca̱x íyaxüãchixü̃ rü ñoma ma̱xpǘne ya Tabóx ya naigü ya ma̱xpǘnexü̃ rümáchanemaenerüxü̃ tá nixĩ. Rü ñoma ma̱xpǘne ya Carméru i márpechinüwa máchanenerüxü̃ tá nixĩ i ngẽma uanü i tá pexca̱x ínguxü̃.

Yeremía 13:18

Cori ya Tupana rü Yeremíaxü̃ ñanagürü: —¡Ãẽ̱xgacümaxã rü naémaxã nüxü̃ ixu i ñaa ore: “¡Ipechigü i ngẽma perü tochicaxü̃wa rü ñaxtüanewamare perütogü! Erü marü taxũtáma ãẽ̱xgacügü pixĩgü, rü ngẽma perü nga̱xcueruxü̃ rü marü taxũtáma peeruwa nangẽxma”, ñanagürü.

Joel 1:2

Guxü̃ma ga perü nanetügü rü munü pexü̃́ nanangõ̱x. Rü yema taxü̃ ga munügü íyaxüxẽẽgüxü̃ rü yema munügü ga ixíraxü̃ nanangõ̱xgü. Rü dücax, Pa Yaxguã̱xgü rü Guxãma i Pemax i Ñaa Nachixü̃anecüã̱xgüx, rü pexna chaca ¿rü ñuxgu nüxü̃ pedauxü̃ ga wüxi ga chixexü̃ ga ñaarüxü̃ ixĩxü̃? Rü nũxcüma ga penatügü rü taguma nüxü̃ tadau i ngẽma ñu̱xma pexü̃ ngupetüxü̃. Rü ngẽmaca̱x name i pexacügümaxã nüxü̃ pixu i ngẽma ñu̱xma pexü̃ ngupetüxü̃, rü nümagü rü tá naxacügümaxã nüxü̃ nixugügü, rü petaagü rü naxacügümaxã ta nüxü̃ nixugügü.

Ãẽ̱xgacügü ga guxchaxü̃güarü mexẽxẽruü̃gü 4:12

Rü yexguma Chíchara nüxü̃ cua̱xgu ga Baráx rü ma̱xpǘne ga Tabóxwa nax naxũxü̃, rü nüma ga Chíchara rü nananutaque̱xe ga guxü̃ma ga norü churaragü rü gumá 900 ga carugü ga fierunaxca̱x. Rü gumágümaxã Aróche-goíü̃wa inaxũãchi rü ñu̱xmata doxonexü̃ ga Quichóü̃wa nangugü.

1 Chamué 7:5

Rü yemawena ga Chamué rü Iraéanecüã̱xgüxü̃ ñanagürü: —¡Ĩane ya Mispágu penangutaque̱xexẽxẽ i guxü̃ma i Iraéanecüã̱xgü! Rü ngéma tá nixĩ i peétüwa nüxna chachogüxü̃ ya Cori ya Tupana —ñanagürü.

1 Chamué 7:6

Rü nüma ga Iraéanecüã̱xgü rü Mispágu nangutaque̱xegü. Rü yéma puchuwa dexá ta nayauxü̃gü, rü Cori ya Tupanape̱xegu nanabagü norü ãmareruxü̃. Rü yema ga ngunexü̃gu rü naxauree rü tama nachibüe. Rü guxü̃ma ga duü̃xü̃gü rü nüxü̃ nixugüe nax chixexü̃ naxügüxü̃ ga Tupanape̱xewa. Rü yéma Mispáwa nixĩ ga Chamué ga inaxügüãxü̃ ga Iraéanecüã̱xgümaxã inacuáxü̃.

1 Chamué 7:16

Rü guxcüma ga taunecügu rü ĩanegü ga Betéwa rü Guirigáwa rü Mispáwa naxũũxü̃ nax yema Iraéanecüã̱xgüxü̃ yanangü̃xẽẽxü̃ca̱x nax yamexẽẽãxü̃ca̱x ga norü guxchaxü̃gü.

Yeremía 11:7

Rü yexguma Equítuanewa íchanagaxü̃gu ga yema nũxcümaü̃güxü̃ ga perü o̱xigü rü namaxã nüxü̃ chixu nax chauga naxĩnüexü̃ca̱x. Rü yexgumacürüwa namaxã nüxü̃ chixuecha ñu̱xmata ñoma i ngunexü̃wa nangu.

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!