Ochéa 4:12 - Tupanaarü Ore

¹² Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ochéa 4:12 Referans Kwoze

Ochéa 5:4

Rü ngẽma chixexü̃ i nagu namaxẽxü̃ i Iraéanecüã̱xgü rü ngẽma nixĩ i nüxü̃́ nanaguxchaxẽẽxü̃ nax norü Tupanaca̱x nawoeguxü̃. Rü tama nüxü̃ narüxoechaü̃ nax norü tupananetagüxü̃ yacua̱xüü̃güxü̃ rü ngẽmaca̱x nüxü̃́ naguxcha nax Tupanaxü̃ nacua̱xüü̃güxü̃.

Yeremía 2:27

Rü pemax, Pa Iraétanüxü̃x, rü wüxi ya nai rü ñaperügügü nüxü̃: “Cuma nixĩ i tonatü quixĩxü̃”, ñaperügügü nüxü̃. Rü wüxi ya nuta rü ñaperügügü nüxü̃: “Cuma nixĩ i toé”, ñaperügügü nüxü̃. Natürü i choma rü choxna pexãgüca̱xwexmare rü tama choxü̃ perüdaunüchaü̃. Natürü ngẽxguma ãũcümaxü̃wa pengẽxmagügu rü cha̱u̱xca̱x peca rü ñaperügügü: “¡Paxa nua naxũ nax toxü̃ curüngü̃xẽẽxü̃ca̱x!” ñaperügügü.

Abacú 2:19

Rü wüxi i ngechaü̃ nixĩ i tümaca̱x ya yíxema norü üruxü̃ erü ñatagürü nüxü̃: ¡Naba̱i̱xãchi! ñatagürü, rü wüxi ya nuta ya tama idexacüxü̃ tamu rü ñatagürü: ¡Inachi! ñatagürü. ¿Rü duü̃xü̃gümaxã yadexagüxü̃ yixĩxü̃ i ngẽma naxchicüna̱xãgü? Tama nidexagü erü ningearü maxü̃ã̱x woo nax úirumaxã rü diẽrumümaxã yaxãxü̃nexü̃.

Wenaxarü naxümatü ga Tupanaarü mugü 31:16

Rü yexguma ga Cori ya Tupana rü Moichémaxã nidexa rü ñanagürü: —Marü paxa tá cuyu, rü ñaa chorü duü̃xü̃gü i Iraétanüxü̃ rü paxa tá nawe narüxĩ i ngẽma tupananetagü i ngẽma naane i tá peyaxuxü̃wa ngẽxmagüxü̃. Rü ngẽxguma rü tá choxna nixĩgachitanü, rü ngẽmaãcü tá nagu narüchixe i ngẽma uneta i namaxã chaxüxü̃.

Iraétanüxü̃arü muxchiga 15:39

Rü ngẽxguma nüxü̃ pedaugügu i ngẽma perü nga̱xãẽpechinüchiru rü ngẽmawa tá nüxna pecua̱xãchie i chorü mugü i pexna chaxãxü̃. Rü ngẽmaãcü i pema rü tá nagu pemaxẽ i chorü mugü. Rü taxũtáma perü ĩnügumare pemaxẽ rü taxũtáma perü ngúchaü̃gumare pemaxẽ, yerü yemagagu nixĩ ga choxna pixĩgachitanüxü̃.

Miquéa 2:11

Rü ngẽxguma chi ínanguxgu i wüxi i orearü uruü̃neta i doraxü̃mare ixuxü̃, rü ñaxgu: “Rü ñu̱xma rü choma rü chanaxunagü rü marü name i peyaxaxüxü̃ i bínu rü tooma i axchixügü”, ñaxgu, rü pexca̱x rü ngẽma nixĩ i wüxi i mexü̃ma i orearü uruxü̃ ixĩxü̃ —ñanagürü ya Tupana.

Ochéa 9:1

Rü Ochéa rü ñanagürü: —Pa Iraéanecüã̱xgüx, ¡taxṹ i petaãẽgüxü̃! ¡Taxũ i perü taãẽmaxã peyuxnagütanüxü̃ naxrüxü̃ i ngẽma togü i nachixü̃anecüã̱xgü! Pema rü taxü̃ i chixexü̃ pexü erü nüxna pixĩgachitanü ya perü Tupana rü tupananetagüxü̃mare picua̱xüü̃gü. Rü ñoma ngexü̃gü i naxü̃nemaxã taxexü̃rüxü̃ pixĩgü, erü guxü̃ma i nachicagü i trigu nawa pepúxü̃ pexü̃́ nangúchaü̃ nax penayauxtanüxü̃ naxca̱x i ngẽma chixexü̃ i pexüxü̃.

Echequié 21:21

Rü nüma i Babiróniaanearü ãẽ̱xgacü rü marü ngẽma nama i íyataxrepü̱xü̃wa nangu rü ngéma nayachaxãchi. Rü nagu narüxĩnü nax ngexü̃rüüxü̃ i namawa tá naxũxü̃. Rü nüma rü tá nanawonagütanü ya naxnegü, rü tá norü tupananetachicüna̱xãgüarü ucu̱xẽca̱x ínaca, rü tá nanangugü i nacagü i naeü̃gü nax ngẽmaãcü nüxü̃ nacuáxü̃ca̱x nax ngexnerüxüne ya ĩaneca̱x tá íyaxü̃ãchixü̃.

Yeremía 10:8

Rü guxü̃ma i ngẽma duü̃xü̃gü i ngẽma naxchicüna̱xãgüwe rüxĩxü̃ rü naechitamare namaxẽ, rü taxuxü̃ma i cua̱x nüxü̃́ nangẽxmagü. Rü ngẽma naxchicüna̱xãgü i naiwa naxügüxü̃ rü taxuxü̃ma nanangúexẽxẽ.

Wiyaegü 73:27

Rü ngẽma duü̃xü̃gü i cuxna ixĩgachixü̃ rü tá nayue. Rü tá icuyanaxoxẽxẽ i ngẽma tama aixcüma cuga ĩnüexü̃.

Norü taxre ga to ga popera ga ãẽ̱xgacügüchiga ümatüxü̃ 21:13

Natürü nagu quixũ i nacüma i chixexü̃ i ngẽma Iraéanearü ãẽ̱xgacügü nagu ĩxü̃. Rü cugagu nixĩ i ngẽma Yerucharéü̃cüã̱xgü rü Yudáanecüã̱xgü rü Cori ya Tupanaxü̃ nangümaexü̃ yema Acáxtanüxü̃rüxü̃. Rü ñu̱xũchi cunadai ga yema cuenexẽgü ga curü yexera mexü̃gu rüxĩnüexü̃.

Lebítanüxü̃arü puracüchiga 17:7

Rü ngẽma Iraétanüxü̃ rü chanaxwa̱xe i nüxü̃ narüxoe nax ãmare naxca̱x ínaguxü̃ i ngẽma chíbuchicüna̱xãgü i noxri nüxü̃ yacua̱xüü̃güxü̃ rü chixexü̃wa nagagüxü̃. Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü.

Wiyaegü 106:39

Rü yemaacü ga yema duü̃xü̃gü rü Tupanape̱xewa yexeraxü̃ ga chixexü̃ naxügü ga yexguma yema tupananetagüwe naxĩxgu.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Ãẽ̱xgacügü ga guxchaxü̃güarü mexẽxẽruü̃gü 18:5

Rü yexguma ga nümagü rü ñanagürügü: —¡Cori ya Tupanana naca nax nüxü̃ tacuáxü̃ca̱x rü tá mea toxü̃́ ínanguxuchi i ngẽma ítaxĩxü̃wa! —ñanagürügü.

Norü taxre ga popera ga ãẽ̱xgacügüchiga 17:7

Rü yema guxchaxü̃ nüxü̃ nangupetü ga yema Iraéanecüã̱xgü, yerü tama naga naxĩnüe ga Cori ya Tupana ga Equítuanewa ínanguxü̃xẽẽcü ga Faraóü̃me̱xẽwa. Rü tomare ga tupanagüxü̃ nicua̱xüü̃gü, rü yemaacü Tupanape̱xewa chixexü̃ naxügü.

Yeremía 23:13

Choma rü marü nüxü̃ chadau i ngẽma Chamáriaanearü orearü uruü̃güneta nax chixexü̃ naxügüxü̃ rü ngẽmaãcü choxü̃ nanuxẽẽgüxü̃. Erü nüxü̃ nixugü nax tupana yixĩxü̃ i Baá rü ngẽmaãcü choxna nayaxĩgachixẽxẽ i chorü duü̃xü̃gü i Iraétanüxü̃.

Echequié 20:32

Rü pema rü naxca̱x pedauxü̃taechaü̃ i nacüma i ngẽma togü i nachixü̃anegü i ñoma i naanewa ngẽxmagüxü̃. Nümagü rü namaxã natupanaã̱xgü rü nüxü̃ nicua̱xüü̃gü i naxchicüna̱xãgü i nainaxca̱x rü nutanaxca̱x, natürü i pema rü taxũtáma ngẽmaãcü penaxü.

Ochéa 6:10

Iraéanewa rü nüxü̃ chadau i ngẽma chixexü̃chixü̃. Ngẽma Efraíü̃tanüxü̃ rü tupananetagüxü̃ nicua̱xüü̃gü. Rü guxü̃ma i ngẽma Iraéanecüã̱xgü rü ta ngẽxgumarüxü̃ nixĩgü.